الي ترشح ياليت يقولنا كم اجابة خطاء كانت عندة باختبار الترشيح على اعصابي وقاعدة اعد كم اجابة غلط عندي

مثلي من طلعت احسب اخطائي تقريبا ١٠ خطا والباقي صح تتوقعون اترشح ��

توكلوا على الله

العيال اللي ترشحوا للمقابله كيف عرفتو انكم مرشحين ارسلو لكم رساله والا عرفتو من الموقع



ارجو الرد للاهميه .....

الدرجات مخفيه

توكلو على الله ومالكم عن المكتوب لكم ...

الله يوفقكم ياشباب ويابنات
انا ماتقدمت للوظائف هالسنة
لكن اتذكر قدمت عليهم في الوظائف اللي كانت قبل سنتين
عديت الاختبار وكان ترتيبي ( الثالث) بين زملائي المتسابقين
ووصلت للمقابلة الشخصية ونجحت فيها (الاول )
بعدها رفضت التعيين لاسباب خاصة

ومن باب تجارب كثيرة في المقابلات راح اكتب الاتي

اهم شي يركز عليه مدير الجامعة واللجنة اللي معة
هي شغلتين تسويها بحول الله تضمن درجة المقابلة كاملة بلا نقصان

:: النقطة الاولى ثقتك في نفسك
وهذي تجي عن طريق
- انسى الارتباك تماما وانت تتكلم مع اللجنة اعتبر نفسك دكتور يعطى محاضرة للطلاب
- خير الكلام ماقل ودل لاتطول الاجابة وحاول تختصر ويكون ردك شافي و وافي واختر كلمات مناسبة للتحدث
- العميد اللي يوجه لك سؤال التفت له واسمع السؤال كامل ولاتقاطعة حتى ينتهي بعدها جاوبة بكل ثقة
- ابتعد عن التناقض في الاجابات وخليك صريح و واضح مع ابتسامة خفيفة اذا لزم الامر
- خلي نظرك دائما على المتحدث ولا تتلفت يمين ويسار كثير .. افهم السؤال زين بتركيز عالي ثم اختر اجابة مقنعة
- لاتضع رجل على رجل وانت جالس عند اللجنة واجلس جلسة سليمة تليق بك وفي الحدث
- لاتتعبث بأصابعك او تحرك رجليك كثير لانها تدل على ارتباكك وعدم تركيزك
- اي سؤال مستفز يجب ان تكون اجابتك دائما بـ ( الايجاب ) وهذا النقطة ابشرحها للتوضيح /

مثلا هذا السؤال يتكرر دائما من مدير الجامعة ( سعيد بن عمر ) للي يقابلهم يسألهم
انت مقدم على عرعر ويمكن مايكون فيه شاغر بعرعر نبي نحطك في رفحا وش رايك ؟
هنا على طول قول الاجابة التالية :
( ماعندي مانع وانا اتشرف بخدمة الجامعة في اي مكان تكلفوني فية )

:: النقطة الثانية الترتيب في الاجابات
وهذي برضوا راح اوضحها

في البداية عندما يسالك احد اعضاء اللجنة عن اسمك جاوبة اسمك الرباعي
اسمك واسم والدك واسم جدك ثم اسم القبيلة
لان البعض يجاوب اسمة الاول او اسمة واسم ابوة فقط وهذي خطأ (x )

عندما يسألك مدير الجامعة وش معك من مؤهلات .. جاوب بترتيب منظم وفيه اغراء لاقناع مدير الجامعة بمؤهلاتك
بهذا الشكل :
في البداية اذكر المؤهل مع التقدير العام
ثم اذكر له دوراتك ومدتها وتقديرها
ثم الخبرات وفترة الخبرة ثم جهة الخبرة < يقصد بجهة الخبرة اسم الشركة او المؤسسة اللي كانت موظف فيها

- ابتعد عن الكذب في الاجابة لأن كما يقولون حبل الكذب قصير
- بعد ماتنتهي من المقابلة وقبل ان تقف وتذهب
قدم الشكر لهم بطريقة مهذبة تليق فيهم وفي مراكزهم الوظيفية

اخيرا اتمنى لكم التوفيق

وانا لو ما اعزكم ماكتبت هالكلام
لاني في يوم من الايام كنت مكانكم وعارف الخوف والارتباك من مواجهة اللجنة
ونصيحة قبل 24 ساعة من موموعد المقابلة حاولو تشوفوا انبطاعات زملائكم والاسئلة اللي واجهتهم
وخوذو فكرة اكثر عن الاسئلة وجهزو له اجوبة مناسبة حتى لاتنصدمون بالاسئلة بعدين ومنها يكون عندكم فكرة عن الاسئلة وطريقتها
وتجاوبون بثقة
ولاتنسون ان تختارون ازياء مناسبة ومهذبة تليق بالحدث بعيدا عن التكلف
ف انتم متقدمين على وظائف جامعية

اسأل الله التوفيق للجميع