السلام عليكم ورحمة الله وبركاته


اسعدكم ربي بكل خير ♡

قال*صلى الله عليه وسلم:*" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "*رواه*الترمذي*وغيره.*

حجيت هالسنة ومع الدعاء والاستغفار .. انا مطلقة عمري 23 سنة وبحاجة جدا لزواج حيث مر على طلاقي اربع سنوات تقدم لي صديق اخوي بثلاثين من عمره ماسبق له الزواج يشتغل بشركة رجل مصلي وكريم وذو خلق على كلام اخوي لي ويمدحه حيل حاول يقعني بشتى الطرق وابوي جلس معه مره وحدة وطلبني من ابوي يقول شكله رجال سنع بدوي .. انا طول عمري ادعي برجل الصالح لكن رجل اسمر ويرجع لقبيلة وفخذ لااعلم ان كان متجنس ولكن اسمر جدا وانا قبيليه وابوه راعي ابل وبدو وكفل ابوي بسيارة برغم ظروف ابوي الصعبه حتى جماعتنا مافكروا فينا واهله برنيه وانا بعيدة جدا عنهم ولااعرفهم ولاقد شفتهم بس 2012 يعرف اخوي انا يهمني شرع الله ابوي واخواني يقولون رايك وبكيفك وتحملين مايجيك من عادات وتقاليد .. لاني تزوجت ولد خالتي وطلقني من شهرين وانذليت وتعذبت وانظلمت كثير ..

# ارجوكم وش اسوي من مرت كذا وربي وفقها لاتخذلوني بردودكم المتألقة دوما ارجع اقول اهم شي شرع ربي عندي هل هالزواج يصير ذنب علي لو جماعتي خالفوني وش ذنبه هو اذا يبي الستر احسن من يطق الباب من خلف البيوت .. لاني اعرف هالمنتدى فيه من المجتمع الكثير ..

وعليكم السلام ورحمة الله وبركاته

من رايي مثل هالأمور حساسة و تحدد مستقبل ولا أحبّذ عرضها هنا ..
و أفضل حلّ لذلك : استخيري استخيري استخيري الله .. إن كان خيراً لك سييسره ، وإن كان شرّاً سيصرفه عنكِ
صدقيني لن تندمين مع الإستخارة لأنها في الأصل راحة وتوكل وتفويض القرار لله العالم وحده بالخير ..

* ابحثي عن طريقتها ..
وفقك الله لكل خير و يسر أمورك و جعل التوفيق حليفكِ .

وعليكم السلام
بعد الاستخارة
اذا كان من ابناء البلد دعي اباك وأخوك يبحثون عنه من جميع النواحي وذلك بواسطة معارفه وجيرانه كالدين والأخلاق وهل هو محافظ على الصلاة ام لا لايهم اذا كان اسمر فأبناء الباديه دائما بشرتهم سمراء
النظرة الشرعيه لابد منها حتى تكوني مطمئنه اكثر وترتاحين له مستقبلا لايهمك كلام الناس وبالاخص اقربائكم طالما هو يضع مخافة الله فوق كل اعتبار
بعد عقد القران لاتعملي حفل الزفاف الابعد عدة اشهر حتى تستطيعين التعرف عليه اكثر وأكثر وذلك بزيارته لمنزلكم ولو لمرة واحده بالأسبوع
الان بناتنا اصابتهن العنوسه بسبب عزوف الشباب عن الزواج وذلك نظرا للتكاليف الباهضه
وجهة نظر وأسأل الله ان يوفقك

استخيري الله قبل كل شيء وإذا اخوك وابوك مرتاحين له توكلي على الله وان شاء الله تتوفقين وﻻيهمك كﻻم الناس أهم شيء مصلحتك..
والله يكتب لك التوفيق ..