12-11-2014, 10:33 PM
|
|
(عضو لم يقم بتفعيل عضويته)
|
|
تاريخ التسجيل: Mar 2013
المشاركات: 91
معدل تقييم المستوى: 0
|
|
|
طمووووحـــــــــه وماراح يندم اللي بيوظفني !!
السلام عليكم ورحمة الله وبركاته
أخواني أخواتي..
اسعد الله اوقاتكم بالسعاده والمسرات.
باااااختصار وتكفون تحملوني في قراءة موضوعي، لإن الأفضل الإختصار لكي لا يمل المتلقي او القارئ لكن موضوعي لا يتحمل الإختصار.
انا خريجه عام 1430 بكالوريوس دراسات اسلاميه، وعندي دورات في الحاسب الآلي ،ولدي مهاره عاليه جدا وفوق الممتازه في مجال النت والحاسب الآلي وإدخال البيانات وتسجيل المعلومات.
وهذه مهوبه فيني ماشاء الله ..
ووووربي يا اخواني وماشاء الله تبارك الله اني طموحه بشكل ماتتوقعونه واحب العمل واحب يكون لي بصمه في المجتمع.
علما اني واصلت دراستي رغم ظروفي الصعبه اللي مررت بها في حياتي.
تطلقت امي من ابي وانا في سادس ابتدائي وقال لي ابي اجلسي عند اخوك الصغير ما عنده من يقوم به .. ولكن اصريت بمواصلة دراستي منازل، وزوجني ابي وانا في السن 16 خلصت الكفاءه وواصلت دراستي تحت ظل مسؤوليات زوج واطفال.
وحصلت على تقدير ممتاز في الثانويه العامه.
وواصلت دراستي في الجامعه إنتساب وتخرجت بتقدير جيدجدا رغم اني كنت نفاس آخر سنه بالكليه وهذا اتعبني وحصلت ع هذا التقدير اللي كنت اطمح يكون اعلى من كذا.
واحببت مواصلة الماجستير في إحدى جامعات الرياض لكن لم يحالفني الحظ في القبول واختبرت كذا مره لكن ما كتب الله سبحانه، ولأني ساكنه بقريه قريبه من الرياض كيف اروح للرياض وين اجيب راتب السواق وراتب الشغاله اللي بتمسك اطفالي في غيابي. قلت اذا توظفت ان شاء الله بقدم على تفرغ للدراسه وبكمل لكن !!
انتظرت الوظيفه وطال الانتظار !!
تعبت بين طموحاتي اللي بتقتلني اذا ما فرغتها في العمل او الدراسه وبين ظروف مجتمعي وقلة الوظائف.
وربي يا اخواني ما في وظيفه عن طريق هذا المنتدى او عن طريق غيره الا وقدمت عليها
اللهم لا تجعلني من اليائسين.
لكن الواااسطه لعبت فينا لعب.
زميلاتي اللي كانوا يحظرون الكليه عشان يكشخون ويتمشون مع زميلاتهم لقيتهم متوظفات في المدراس الاهليه بواسطه.
وانا ياللي كنت ما اكشخ ولا البس عشاني شايله هم المذاكره ولا اتمشى ولا اروح لجمعات البنات عشان ما يشغلوني عن المذاكره فدمت على المدارس الأهليه يتعذرون بقسمي غير مرغوب يعني خلاص ماراح يدرسون الطلاب مواد الدين.
انا عندي قدره اني أوقف أمام عدد كبير من المتلقين وإلقاء محاظره عليهم بدون خوف ماشاء الله.
وكان طموحي إني أكون معلمه لكن للأسف وزارة الخدمه المدنيه تشترط أن يكون التقديم على وظيفة معلمه ان يكون دراستها بالأنتظام وهذا ظلــــــــــــــم.
انا تعبت بالإنتساب ومادرست إنتساب الإ بسبب ظروف اجبرتني على ذلك..
قلنا ما في مشكله إداريه على الأقل مالقيت !!
وظفوا فقط أهل الكليات المتوسطه والمعاهد.
بغينا معيده اختبرت في كذا جامعه لكن ما قبلوني.
قلنا نبي لو اداريه.
رغم اني أعرف أن مقام طموحي في مواجهة الأخرين وتلقينهم التعليم.
لأن الإداريه عملها بين نفسها واوراق.
وعلى هذا العناء كله اصبحت لا فائده مني لا دراسه ولا عمل ........!!
تكفوووون يا أخواني اللي بيوظفني ماراح يندم لأني اعرف نفسي وواثقه من نفسي والله ما هو غرور او كبر.
لكن انا إنسانه عمليه واحب انجز عملي على اكمل وجه وهذا طبع فيني من يوم كنت صغيره.
وقولوا ماشاء الله تبارك الله...
لكن حبيت افض فض لكم انا ادري اني طولت عليكم
لكن تعبت من الحياه ومصاعبها تجاه هالاطفال وتجاه طموحي وتجاه نفسي كل من هذه تريد حقها مني ...
وأسأل الله العظيم ان يرزقني ويرزق كل طموووووووح وظيفه تناسب مهاراته.
ويمكن تضحكون علي.
بتقولون هذه تفلسف وربي اني كل كلمه قلتها صدق اعتبروني احب القلق لكن هذه طبعي. حتى من دقتي الزائده دقيقه في الإملاء حتى عبر رسائل الجوال.
واللي بيحقق طموحي بعد الله يراسلني على الخاص..
وأسألكم بالله ان لا تكونوا متلاعبين معي ارجوكم انا إنسانه ابي اعيش بسلام.
وانا اعلم ان طلبي هذا مستحيل في هذه السنوات اللي صار التوظيف فيها حلم لا يكاد يتحقق الا بإرادة من رب السموات والأرض.
واشكركم على قراءتكم موضوعي.
وعسى ربي يفرج على كل من يقرأ موضوعي ويفتحها بوجههههه يااا كريم....
|
العرض العادي
