السلام عليكم

شباب انا كنت بشركه وقدمت استقالتي والشركه اعطوني اخلاء طرف بس ما خذت لاحقوق ولا شهادة خبره قالولي الحقوق بعد اسبوعين تاخذها مع الخبرة ومر اسبوعين و قالولي بعد يومين
وقبل كم يوم انتبهت انه مكتوب بالاخلاء اني استلمت مستحقاتي كامله ياليت تقولولي وش اسوي

المفروض تكون شهادة الخبرة اولا ثم تصفية مستحقاتك و بعدين يعطونك اخلاء طرف.. بس اللي صار العكس .. الله يعينك حاول تتفاهم معاهم اذا ما جت بالطيب ما ينفع الا الشكوى..

انا كلمت واحد قالي ماعندهم شي يثبت انك استلمت الفلوس لن مافي تحويل بنكي ولا سند قبض

لا تتوقع ان الشركة بتحرص يعطوك حقوقك كاملة بدون ما تطلبهم وتفضل تتابع وراهم

وشهادة الخبرة هذي ما يعطوك هي الا بالطلب والحقوق المالية كذلك

انا راح اروحلهم يوم السبت بشوف وش نهايتها اذا ماصار شي بروح لمكتب العمل

انا داومت عندهم 9 شهور والشهر 10 كان الشرط الجزائي وماداومت الا 10 ايام مع العلم ان كان فيه 4 افات +3ايام اجازه العيد + يوم اليوم الوطني يعني 18 يوم وانا ليومكم هذا ما خذت الراتب الاخير يقولي مع الحقوق تنزلك ورحتلهم اليوم قالي تنزلك اخر الشهر مع الرواتب
وانا الحين محتار ارفع شكوى ولا انتظر لاخر الشهر وخوفي لارفعت الشكوى الامور تطول اكثر من ماهي عليه الحين

نصت الماده 88 من نظام العمل على

إذا إنتهت خدمة العامل وجب على صاحب العمل دفع أجره وتصفية حقوقه خلال أسبوع – على الأكثر – من تاريخ إنتهاء العلاقة العقدية 0 أما إذا كان العامل هو الذي أنهى العقد ، وجب على صاحب العمل تصفية حقوقه كاملة خلال مدة لا تزيد على أسبوعين 0 ولصاحب العمل أن يحسم أي دين مستحق له بسبب العمل من المبالغ المستحقة للعامل 0

بالتالي ارجوا ابلاغهم بهذه الماده لتصفية حقوقك حسب المده المحدده
ثانيا لاتستحق مكافاه نهايه خدمه لعدم اكمالك سنتين ومايتبقى لك هو رصيد اجازات لم تستهلكها ورصيد اجازات الاعياد والمناسبات

وشكرا