بسم الله الرحمن الرحيم

السلام عليكم ورحمه الله وبركاته


اسعد الله اوقاتكم بكل خير ..

احببت ان اطرح عليكم مشروعي واخذ ارائكم واقتراحتكم وافادتي في مااجهل

ولكم كل الشكر ..

فكره المشروع كما هو منتشر في كل مكان قهوه عربيه بجلسات عربيه

بدايةًً انا في المدينه ووجدت الموقع المناسب الحمدلله لايوجد قريب مني نفس المشروع والمكان يكثر فيه شقق واستراحات العزاب وتاكدت من المكان انه مناسب

المحل عباره عن فتحتين كبار اجارهم معقول جدا

ويكفي 8 جلسات كما يمكن توفير اكثر من 8 جلسات


وارجو منكم مساعدتي باقتراحتكم وارائكم ومن يعرف ماهي شروط فتح محل قهوه عربيه وكم المساحه المطلوبه

وماهي العقبات التي سوف تواجهني

ايضا عملت حسابتي وكم تكلفه المشروع تقريبا لكن ارغب منكم افادتي اكثر بالتكاليف



- سعر الشاشات بالجمله 8 شاشات 30 بوصه واين احصلها

- اللوحه افضل مقاس تقريبي وكم تكلف

واقتراحتكم لمساحه الجلسات ؟؟

وشكرا

فكره ممتازه
كلها قهوه وصحن تمر وطحينه بالكثير 4 ريال إن بالغنا وتبيعها 15 أو 12 ريال
لكن يبغالك تحط إعلانك على كل باب شقه والتوصيل ضروري
و جرب جميع أنواع خلطات القهوه وخذ أفضلها ونوع بأنواع التمور
ولك رساله على الخاص
بالتوفيق

اخي الكريم
لاتزعل مني والله اني احب لك الخير
لاتضع شاشات وخلافه تشيل ذنوب هالناس الي يجونك
الا اذا تبي الهدف من وراها قنوات الرياضه والمباريات
هذولين ان شاء الله مافيهم اثم والله أعلم
لو وضعت محل بجانب مجمعات تجارية مثلاً محلات مكتب عقار ومحلات تجارية ويكون فيه زحمة ناس اتوقع يكون عليك اقبال من الناس لو يطلبون منك اصحاب المجمعات توصلهم الطلب في محلاتهم وبالتوفيق والله ييسر امرك ويسهل دربك امين
ملاحظة انا قصدت محل للقهوة بجانب محلات تجاريه اذا ميزانيتك ماتكفي للاستجار الجلسات لان لازم تعمل حساب راتب للعمال وخلافه بعد لازم يكون عندك مبلغ بالبنك وقدره مو كل ماعندك تضعه بالمشروع
وانا اعلم انك عامل حسابك لكل شي

اخ عبدالرحمن يعطيك العافيه على اقتراحاتك وحلوه فكره الاعلان وتوزيع الاوراق

زرقا اليمامه

جزاك الله كل خير

الشاشات راح يكون فيها القنوات السعوديه والشعبيه الساحه والصحراء وغيره والقنوات الرياضيه والاخباريه

وبالفعل المحل قريب من عنده مكاتب عقار وقريب منه اماكن تجمعات للشباب

والله الموفق ..

اللي عنده خبره بالشروط يفيدنا ولايبخل علينا

لا اله الا محمد رسول الله

مشروع ناجح بلا منازع خاصتاٌ اذا كان ع شارع حيوي
واذا تقدر توفر بلايستيشن وقنوات الرياضيه اللي ببطاقه عشان وقت نقل المباريات الحصريه
توصيل الطلبات مربح بس مشكلتك اغراضك وترامسك سلم عليها راح تتعب وانت ترجع فيها وتجمعها هذا يقول ماعندي شي. وهذا يقول عطيتها محل القهوه الثاني على انها لهم ماعرف،،،، وبالنهايه بتتعب وتخليهم
يعني التوصيل لاتعتمد عليه

اهم شي وفر المعمولات والتمريات والاضافات الثانيه ،
والقهوووووه العربيه ياليت تصير لك وصفه خاصه بك او خلطه تعملها بنفسك وتكون جاذبه للزبون . تراها هي سر المهنه
تحياتي.

والعمال وش وضعهم ماذكرتهم في كلامك ؟؟

المستغفره ربها

جزاك الله كل خير


فعلا التووصيل كله مشاكل وخاصه اني سمعت انه بالمدينه ممنوع من الاساس

العمال ثم العمال ثم العمال

العمال يااخوان ماادري لان على ماسمعت انهم قفلو اليمن

وبشوف طريقه سواءا انقل عامل يمني على كفالتي او اشوف غير اليمني

بانتظار المزيد من الاقتراحات


واللي معاهم خبره بالمجال يقدر يفيدني بالاسئله واكون له من الشاكرين