عندي كلام وابي الكل يدخل يقول رايه بكلامي
اولا انا مستفيده من الضمان فاتورة الكهربا وسلة ومعاش شهري860
بيتي ايجار كل سته شهور لازم ادفع 5000 ريال السنه ب 10000ريال
حاولت اقدم ع الجمعيه يساعدوني بدفع الايجار اوجزء منه قلت للمسؤل اجيب لك كل الاثباتات اني وحده محتاجه ومالي اي احد يساعدني بريال واحد ومعتمده اعتماد كلي على الله ثم على الضمان بس شرطي الله يجزاك خير مابي (تسألون عني كل من يمت لي بصله وتنشرون خبر طلبي للكل )انا وحده ودي اموري تكون مستوره وماحب احد يعرف عن حاجتي الا الله،، طبعا المسؤل رفض وقال لازم نسأل عنك ونشوف تستحقين مساعدتنا اولا
قلت طيب والاوراق الي بجيبها تثبت اني مستاجره من سنين ومالي اي مصدر دخل الاالضمان مارح تشفع لي؟؟!! ( تركتهم واعتمدت على الله ثم على المقطوعه وصرت اقصر على نفسي عشان مايحل الايجار ومايكون معي المبلغ المطلوب ، المقطوعه صارو يأخرونها علينا مدري ليش كذا!؟؟ وزيادة ع كذا الضمان مقفل الابواب بوجهي لوفكرت اشتغل بمول او مستوصف لان التامينات رح تتسبب بقطع الضمان الي اعتمد عليه اعتماد كلي ب معيشتي ومااضمن الشركات يمكن يستغنون عني ب اي وقت وانا ماعندي شهاده اتوظف وظيفه حكوميه ، وانا من النوع الي مااعرف احط بسطه وبيع وشراء او طبخ اكلات وابيعها مااعرف لكذا ابدا للاسف ،الحين طلعت لنا شركة سمه محد عارف طريقتهم كيف
انا بصراحه مااثق احط قرش واحد بحسابي الثاني بالبنك مقطوعه او من فلوس الضمان نفسها لاني اتوقع لو صار فيه رصيد اكثر من الي يعطينا الضمان كل شهر رح يقولون مستغني ويوقفون الضمان ،، عشان كذا قررت استغني عن حسابي الثاني ومعد احط فيه هلله وحده كل فلوسي بالبيت لين اعرف عن طريقة سمه هذي وحسبي الله ونعم الوكيل والله مستغربه ياناس
اشوف كل شي بالعكس كنت اتوقع يكون فيه زيادة للمعاشات وصارت زياده قليله كسرت قلبي وكنت اتمنى يتفهمو ضعفنا وحيرتنا مع التامينات ويسمحون لنا بوظيفه فيه تامينات مع الضمان على الاقل مدة سنه نجرب الشركه اذا نستمر اولا
والحين طلعو لنا سمه الي زادت معاناتنا وهمنا ،ليش كل شي ماشي عكس مانحب ونتمنى ليشششش ؟؟؟!!! الي عنده حل لمشكلتي اودعاء طيب اواي تعليق يرد احس ب احباط وحزن مو بسيط حسبي الله ونعم الوكيل

ما عندي اي اضافه لكن حبيت ارفع موضوعك وادعيلك بالتوفيق والرزق الحلال

وعليكم السلام
اهلابك اختي
انتي محبطه وافيدك بالاتي
اولا لو كنتي اجنبيه وبالذات من دوله افريقيه لقامت الجمعيه بمساعدتك هذا هو واقع بعض جمعياتنا عندما تتقدم المحتاجه لأي جمعيه فالويل لها لابد من التقديم على الاماره حتى يتم قبول حالتها بينما الاجنبيه يتم قبولها رأسا وبدون مقدمات وتوزع عليهم جميع المستلزمات ومن ثم تقوم هذه ببيعها على الاماكن التجاريه هذا هو واقع بعض جمعياتنا
وحتى ازيل هذا الاحباط منك سأخرج عن موضوعك قليلا طالما انتي بصحه وعافيه فهذا اكبر مكسب لك زوجه احد اصدقائي مرضت وجاءها الطبيب وأمها وأخواتها جالسين عندها وقال لها ايامك معدوده اكتبي وصيتك يجب ان تفهمي حقيقة مرضك ان المرض منتشر بجسمك ولاأمل بعلاجك ومنذو شهر والبكاء لايفارقهم وأصبحت حياتهم نكد في نكد والى يومنا هذا شوفي الفرق بيننا وبين حالتها
اذا يجب عليك عدم الاحباط وعدم اليأس وأعلمي ان رزقك بيد الله عز وجل ولو اخذتي قليلا من الملابس النسائيه من بعد صلاة العصر الى بعد صلاة العشاء امام احدى المحلات النسائيه الكبيرة بأذن الله ستجدين الخير الذي يسد حاجتك وأكثر
موضوع سمه هذا موجه لمن يتحايلون على الضمان ولديهم رؤوس اموال كبيرة وليست 5000 او 10000 ريال
لاتيأسي قدمي على الامارة هناك صندوق بالامارة موجه لك ولأمثالك فالحاكم الاداري لديه كل الصلاحيات فلازالت الرحمه موجوده بقلوبهم قدمي على الاسكان دعي الجمعيه تسأل كما تشاء وليس عيبا فالعيب كل العيب ان نرتكب اخطاء تغضب خالقنا
اسأل الله الكريم ان يغنيك بحلاله عن حرامه وأن يسعدك

[align=center]الله يرحم حالي وحالك وحال مو من مثلنا

نفسي حالتي مريض ولااستطيع على العمل ومسجل بالضمان عجز مؤقت وكل سنه ينتهي ورجع اقدم وجلس من 4 الى 5 شهور بدون معاش ضماني ومسؤال عن ايجار وعن زوجه واطفال
حسبي الله ونعم الوكيل ولاحول ولاقوى الا بالله[/align]

والله ياختي ياحبيبتي انا مثلك غير اني اخذ من التأهيل والضمان وكل شهر اختي المتزوجه تتصدق علي انا واختي الثانيه وتحولهم على حسابي وتساعدني بدفع راتب السواق وبرضوا خواني الرجال المتزوجين كل واحد فيهم يحط مبلغ بسيط شبه شهري على الرغم من حاجاتهم وضيق معيشتهم ومسوؤليتهم اتجاه اسرهم وديونهم والقروض اللي عليهم يعني احيانا يصل مجموع رصيدي البنكي خلال السنه فوق ال 20 الف ولله الحمد والشكر على الرغم من ان رصيدي كله متجمع من صدقات (التأهيل +ضمان + مقطوعه +اخواني ) وحرص بقوه على حفظها وعدم تبذيرها لان بحكم وضعي كمعاقه وحاجاتي انا واختي و احيانا تجينا مصايب يروح فيها كل اللي في البنك بيوم وليله وصحيح اخواني يعطونا اذا استطاعوا لكن تمر شهور ماشوفهم لان اولادهم هم اللي يجبون الفلوس واذا ضاقت فينا الدنيا مستحيييل اطلب منهم شيء مثل الحين سيارتنا خربانه من شهر ومحتاجه جير قيمته 3 - 6 الاف ريال وانا واختي محبوسين في البيت مانطلع نتقضى ونجيب حاجاتنا لكن مستحيل اطلب من اخواني يودونا لاي مكان مابقى نكون عاله وحمل عليهم اكثر من كذا

وفوق كذا قريبا راح ادخل غرفه العمليات بسبب تليف رحمي ( ورم حميد ) ولله الحمد يعني وضعي اليوم ( تفليس +مرض + اعاقه + بيت شعبي من غير قفل وعقارب وحشرات من جميع الاشكال والانواع حتى اللي مايخطر في بالك ) ههههههه الحمدلله كلها نعم من ربي

بس حابه اقولك شيء انا عندي قريبه موظفه بالضمان الاجتماعي ولما ضاقت فيني الدنيا سألتها عن سالفه شركه سمه مع الضمان وعن حسابي الخاص لاني مارتاح احطه في البيت وهو من غير قفل وقالت لي

لا تخافين مالهم دخل بحسابك الثاني , هم يتجسسون على حساب الضمان بس حساب عادي لا طبعا
ويتجسسون على الاحوال المدنيه والخدمه المدنيه علشان يصيدون اللي تتزوج واللي تتوظف واللي يزيد راتبه التقاعد او التأمينات

هذا كان كلامها لي والله اعلم , انا بعد ماكلمتها صليت الاستخاره اذا استمر بوضع فلوسي في البنك اولا وفوضت امري لله واللي فيها الخير ربي بيكتبه ان شاء الله فأن كانت الخيره بستمراري بوضع مالي غصب عني ربي بيخليني احطه وان كان شر ربي بيمنعني عنه فوضت امري لرب العالمين وعليه توكلت ومن توكل على ربه كفاه

أسأل الله أن يفرج عنكي و عن كل محتاج

أول كان يمد الواحد يتوظف و يسجل بالتأمينات و هو بالضمان
أنا بالضمان و مسجل بالتأمينات من سنه و 3 أشهر و لا كشفوني لكن سمة ( الله لا يبارك فيهم و لا إلي اتفق معهم ) بكشفون العالم

لكن أخويتي ليه تركتي الجمعية خليهم يسألون عنك ما فيها شي ، أفضل من أن يجيكم راع البيت و يطردكم هالزمن ما عاد أحد يقدر ظرف المحتاج كل هم أغلب الناس الفلوس
روحي للجمعية أفضلك و لا تخلي أي جمعيه عندكم إلا و أنت عندهم

اخوي ساري الليل نصيحه روح وقولهم لان السالفه صارت جد و افضل من انهم يحطونك بالقائمه السوداء و بعيد الشر عنك لو تركت وظيفتك وقتها ماتقدر تقدم على الضمان مره ثانيه

والله يرزقك ويفرج همك وهمنا

الحمد لله ما عادني محاتجهم قدمت علی الحرس الوطني و لقيت واسطه بالمستشفی و خلصت أوراق باقي أنتظر الدورة بالكثير شهر شهرين و أدخلها
كانت مشكلتي ضعف نظر و الحمد لله تيسرت بعد بطاله 7 سنوات
و الله ييسرها علينا و عليكم

و مشكورة علی النصيحه

سبحان الله شفت ربك اذا صكر باب فتح لك باب خير منه

الله يهنيك ويوفقك بوظيفتك ويجعل ربي دربك خضر وماتحتاج ابد لمنه الضمان او اي احد

آمين و ياكي أن شاء الله و الجميع