السلام عليكم ..

انا عندي رأس مال شوي يعني اقدر استثمره ان شاءالله
وتعبت من الافكار بالمشاريع خاصتاً اني احب مشروع بلا وجع راس . اهم شي يكون دخله زين ومااخسر
ودي استاجر دور ارضي طبعاً لنا كبيت وراح اسوي بزواية الحوش ملحق او غرفه تكون ع الشارع
وتكون محل لبيع الخضار والفواكه مع توصيل طلبات مجاناً لاهل الحي

ايش رأيكم ؟؟!

ناجح المشروع او فاشل ، ؟

تقبل البلديه انه يكون بحي عادي او ماتقبل .؟

كم تحتاج عامل ؟ هل يكفي اثنين ، واحد للتوصيل والثاني اللي بالمحل

تتوقعون ان اهل الحي تعجبهم فكرة التوصيل ويطلبون او لا ؟

علماً اني باذن الله راح اخلي الشغل تمام وديكورات وذمه وامانه

ربي يسعد ويرزق كل من يساعدني ... مشورتكم

عليكم السلام

الديكور غير مهم ولكن في اي مدينة ؟

هل الحي مكتظ وذو كثافة سكانية؟

عموما افضل موقع لمحل خضار بجانب بقالة

فكره مميزه خصوصا ان سكان الحي بيتعاطفون معك
اما عن باقي استفساراتك فما ادري
فالك التوفيق

هههه طيب اي مدينة انا سألتك لاني فتحت مشاريع في شرق المملكة وغربها وجنوبها .... الخ وحبيت افيدك اكثر بحكم خبرتي البسيطة والمتواضعة .. عموما وفقك الله

ليش التعب هذا كله ايجار ووووو
خذي لك زوايه في احد البيوت 2في 3
وخليه كشك بطاطس وبليله وعصيرات
وشوفي الارباح ان الله وفقك
الخضار يبي لها تعب شوي
وتخرب بسرعه
ويبي واحد ينزل كل يوم الحلقه

فكرة التوصيل ممتازة جداً
ولكن ما تخدم كل المشاريع
وأيضاً ما تخدم جميع العملاء
لأن أنا من الناس اللي لازم أنتقي الورقيات بنفسي
ولو بتوصلين الورقيات ذات الجوده العاليه
راح يبقى في المحل ورقيات متوسطة الجودة وما دون ذلك
ويمكن تتوهقين في ورقيات ذات جودة سيئة [ لأنو راح تشترين بالجملة ]
وبكذا ما تقدرين تصرفينهم لأي زبون عشان ما تخسرين سمعتك

هذا مجرد رأي
اسأل الله لك الرزق من حيث لا تحتسبين