27-01-2007, 01:13 PM
|
 |
عضو مميز
|
|
تاريخ التسجيل: Nov 2006
المشاركات: 801
معدل تقييم المستوى: 38
|
|
مشكورين وما تقصرون على مروركم وتعليقاتكم
وربي جاني إحباط وحاله إكتئاب ما تتصورونها من كثر التحطيمات اللي تجيني
خمس سنوات وانا على هالحاله الف وادور وابحث وأتفشل ويرتفع ضغطي وبالأخير أنطق في البيت ..
ما ادري وش جاني والله صاير وقتي كله نوووم .. 24 ساعه وانا نايمه واحس بخموول وكسل مو طبيعي ... يقولون انه هروب من الواقع
حتى المنتدى وربي جاني منه إكتئاب خاصه اقسام الوظائف
كرهت أمر عليها
ولو أقول لكمـ وش صار لي اليوم والله ليرتفع ضغطكمـ أكثر وأكثررر
خاصه مع الوظائف المعلنه في القسم وردود أصحاب العمل علي
اللي تحقق معي من وين جبتي الإعلان وعطيني الرابط
ومن عطاك تحويلتي وعلى اي رقم كلمتينا و و و و..!!
واللي يقول دقي علينا بعد اسبوع لإن المسئول عن التوظيف (جزائري) عنده إجازه
واللي تقول كلمينا بكره لين ما تجي الإستاذه ريتا ( لبنانيه ) ويتقفل التلفون على وجهي بدون أي احترام
واللي تقول الوظيفه دوامها ليلي وإجباري ولا فيه دوام صباحي وكأنه اسلوب تطفيش من البدايه حتى بطريقه الرد ورفضها إعطائي اي معلومه بخصوص الوظيفه الإ بعد ما ارسل لها السي في بزعم انه يمكن ما تناسبهم مؤهلاتي مع العلم انه احد الموظفين في الاداره ( سوداني ) قال لي شهادتي مناسبه ومطلوبه !!!
وش أقول ووش أخلي والله العظيم كرهت الارض اللي انا عايشه عليها
حسبي الله ونعم الوكيل فيهم
اخاف ارد على اصحاب المواضيع اللي فيها اعلانات الوظائف واقول لهم وش ردو علي ويتحطمون مثلي
فأخليهم يمكن يكون حضهم كويس وتصير معجزه ويتوظفون
ما اقول الا الله يكون بعون الشباب اذا احنا البنات صار فينا كذا وش بيكون حالهم هم .؟؟
|
>>لا تفشليني
العرض العادي
