[align=center]

السلام عليكم ورحمة الله


يطنطن براسي هالمشروع ( تقسيط سوا ) ولا ادري كيف ادخل وما هي الكوارث " لاقدر الله " او الحدائق بالداخل !!!


وش تشيرون عليه فيه ؟

1 ) ادور مكتب شغال واعطيه فلوسي يشتغل فيها
2 ) افتح سجل تجاري باسمي وابد الشغله من الصفر


وش حرامها من حلالها ؟ سألتوا مشايخ عنها ؟؟

هل يوجد بلطجيه يسحبون علي ولا يسددون ؟



مشكورين
[/align]

الله يوفقك

وعليكم السلام والرحمه

أولاً لابد من الإستخاره في الموضوع واذا ارتحت توكل على الله ,, أنا داخل في هذا المجال لي سنتين والشغل مربح جداً ولابد وجود بعض العقبات وراح أجاوب على اسئلتك ...


1 ) ادور مكتب شغال واعطيه فلوسي يشتغل فيها
أفضل أنك تعطيها مكتب وأنت تتابع مع العميل وأهم شي أهم شي أهم شي علاقتك مع العميل تكون ممتازه
2 ) افتح سجل تجاري باسمي وابد الشغله من الصفر
مشوار وبتتعب مع دوائرنا الحكوميه الرهيبه !!


وش حرامها من حلالها ؟ سألتوا مشايخ عنها ؟؟
الحمدلله سألت أكثر من شيخ قبل الدخول بهذا المشروع وقالوا أنه حلال

هل يوجد بلطجيه يسحبون علي ولا يسددون ؟
نعم حط ببالك انه 3 من أصل 10 عملاء راح يسحبون ,, علشان كذا هنا لازم تدور المكتب الممتاز الي عنده معقب حكومي علشان ياخذ حقك (اهم شي تاخذ شيك وسند قبض من العميل)

انا صار لي موقف مع عميل ماسدد 4 أشهر ونكلمه ولا يرد ومطنش ,, وكلمت المكتب ورفعوا شكوى وخلال شهر وقفوا خدماته ورجع العميل بنفسه وهو الي صار يتصل

إن شاء الله أني أفدتك واسأل الله لك التوفيق

الأقساط فيها دخل ممتاز إذا لقيت العملاء المنتظمين بالسداد

بالنسبة لي كان مشروع التقسيط ممتاز حتى صدر قانون (تجريم استخدام الشيكات كضمان)

سابقا إذا ماسدد العميل تروح تاخذ اعتراض على الشيك من البنك ثم تتوجه لقسم الشرطة .. ماتطلع من عندهم إلا بورقة لجهة عمله بضرورة حضوره ولو مخفور

اللحين الوضع مختلف ورجعت الأمور شكاوي ومحاكم وأحظر لا تحظر !!

أنا توقفت بعدها ولا أعلم عن المستجدات وليت من يفيدنا بهالموضوع

بالنسبة للتقسيط اهم شي يكون زبونك وكفيله من نفس المدينة اللي انت فيها لجل الشكوى اذا تأخر بالسداد

ثانيا خذ عليه كمبيالة أو سند لأمر اضافة للكفيل

والشكوى تتجه مباشرة للمحكمة عند قاضي التنفيذ واذا ماحضر يوقفون خدماته ومن ضمنها راتبه

والله يرزقك من واسع فضله

الله يوفقك ..

أخي العزيز مستثمر جدي

هل ترى أن الاستثمار عن طريق المكاتب بالشروط التي ذكرتها أجدى وآمن وأريح ومكسبها طيب ....!!!!؟؟؟