هلا بالجميع

بختصار عندي مشروع صناعي وانا الي اشتغل فيه بيدي بديت فيه تقريبآ من 3 سنوات وتوقف له اكثر من سنه ونص تقريبآ ماقدرت ارجع اشتغل فيه بسبب انسحاب الشريك الي كان معي وانا ماعندي سيوله ارجع اشتغل فيه وطوال الفتره الي راحت كنت احاول ادبر راس المال الي هو 25 الف ريال لاكن ماقدرت لا جهات دعم المشاريع الصغيره لانهم يبون كفيل ولا احد رضا يكفلني لاني انا الي اشتغل بيدي ولاني شاب سعودي غير موثوق فيه ولا قدرت اشتغل شغل اضافي لان ماعندي وقت كثير وقتي رايح بين ضروف اهلي وبين شغله ماسكتني بدون فايده كبيره يالله تطلع مصروف المخبا والسلف مستحيل اطش وجهي عند احد وانا عارف الرد لان ماعندي وظيفه محد راح يسلفن غير ان عمري 24 والي عندهم الدراهم دينصورات يعني مافيه امل غير اني حاولت اشتغل بسيارتي مشاوير جمعه وسبت مكده يعني توصيل بضايع تناسب سيارتي هايلوكس غماره ولا نجحت

ابي حل منيييييييين ادبر راس المال منين اجيب 25 الف ابدا فيها بطموحي ؟؟؟؟؟؟؟؟؟؟

قبل لا تخرب وانحاش لسويسرا هههه

اشكر اهتماك ياحبيلك موقع المشروع هو موقع اقامتي بالقصيم وانا ما ابحث عن شريك لاني سبق واشتغلت مع شريك اكثر من مره مافي الجاد وان لقيت مايستمر وان استمر يتدخل بتفاصيل مايعرف فيها شي بس لمجرد يثبت انه يفهم وهو ماله اي خبره لا تصنيع ولا طريقه التسويق ولا اي تفصيل خصوصآ ان فكرت مشروعي جديده بالخليج ولا فيه احد متخصص فيها بالسعوديه وهاذا الي مخلني اصر على التنفيذ علمآ اني سبق ونفذت عينه قبل واثبتت نجاح ولفتت الانظار لاكن ماكتب الله الاستمرار عساه خيره

الله يكون بعونك وتنفرج عاجلاً غير اجل
لعل و عسى الاخوان يفيدونك

على ما أظن مشروعك هو الكرفانات
أستغرب إنك ما لقيت شي مربح وأنت معك هايلوكس غماره
عندك التمور والخضار تقدر تستفيد منها وتطلع لك أرباح بالهبل

ايه اذكر واحد نفس وضعك نزل موضوعه قبل فترة مشروعه كان الكرفانات

المبلغ بسيط يعتبر ماقدرت تدبره
لو وفرت ألف كل شهر بتجمعه خلال سنتين

الله يرزقك ويسهل امرك

مهندس مدن

جربت الخضار قبل ولا نجحت وحاولت امسك خضار كم مطعم ولا قدرت وجربت جلب التيوس ولنفس الحكايه
الكلام سهل ياحبيلك
وموضوعي هذا من باب المشاوره والنقاش فقط اغدي احد الشباب له تجربه نستفيد منها كلنا

اخوي قل اسم المشروع ,, مافي شخص راح يتفاعل معك وانت مانت راضي تقول اسم المشروع

بيبع الهايلوكس وشتر موتر ب 5 يمشيك