تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > الحياة العلمية والعملية > قسم مشاريع وأفكار

الملاحظات

قسم مشاريع وأفكار ممنوع مواضيع المساهمات او المشاركة

موسسه متخصصه بمجال التكييف

قسم مشاريع وأفكار

السلام عليكم انا مهندس سعودي معي بكالوريوس هندسه ميكانيكيه وماجستير هندسه ماليه :s فتحت لي مشروع صيانه المكيفات ( شباك, اسبليت, مخفي) صرت اوفر...

أضف رد
 
LinkBack أدوات الموضوع انواع عرض الموضوع
  #11 (permalink)  
قديم 24-11-2014, 12:11 PM
عضو جديد
 
تاريخ التسجيل: Nov 2014
المشاركات: 20
معدل تقييم المستوى: 21
شموخ التكييف يستحق التميز

السلام عليكم

المشروع ليس سهل ابدااا ويبغى واحد فاهم ونشيط ومتحرك يعني ما يفووت ولا شي يبغى تعب في البدايه

بدايتي كانت جدا بدائيه ( قبل سنه ونص )

اول شي سويته اني رحت االف على اصحاب الورش البسيطه واللي يديرها الباسكتنانيين والهنود والبنقاليه

تعرضت للطرد منهم بحكم اني لابس الزي السعودي والشماغ والعقال وكانوا يخافون انهم يقولون أي كلمه

غيرت اللبس حقي بنطلون جنز و قميص ( مو ماركة) عشان اللي يشووفني يقول هذا مصري اويماني

وسبحان الله تغيرت طريقه الكلام مع هذولي الفئه من العمالة وبديت اخذ منهم بعض المعلومات و اشووف تجهيزاتهم

طبعا للاسف اغلب هذولي العماله تعطي كفيلها 1000 ريال في الشهر والسياره قديمه ( موديل 80) وبس



بعدها انتقلت للزيارة الموسسات المتخصصه في التكييف

كنت احرص اني اقابل اصحابها السعوديين وبالفعل

زرت موسسه تكييف شفتها في طريقي ( اتوقع كان الوقت المغرب) وقفت ولقيت مصري وسلمت عليه وسالته عن صاحب الموسسه وقالي انه في فرعهم الثاني واخذت رقم جواله واتصلت عليه.
طبعا صاحب الموسسه قالي من انت؟ وش تبي؟ وكيف خذت رقمي؟ وعدت استفسارات

تواعدنا مع بعض اني اجيه في يوم يكون هو فاضي فيه ( اختيار الوقت للزيارة والاستفسار جدا مهم عشان تقدر تاخذ وتعطي مع الشخص ويعطيك اسرار الشغله ويكون مهتم فيك مو يكون مشغول بالعملاء وبالعمال وكل شوي داخل واحد يقطاع كلامكم)


الشخص هذا بعد الله له فضل علي كبيرر والان صار احد اصدقائي المقربين( كل يوم او يومين اتصالات وسؤال عن احوالنا الشخصية قبل الكلام عن العمل, سافرنا مع بعض لمصر لجلب عمالة) حالياا صار لنا تجمع خاص كل يوم خميس سوالف وضحك وشغل هههههههههه

في نفس الوقت زرت موسسه ثانيه صاحبها سعودي والحمد لله تعرفت عليه بس ما صار علاقه كبيره بيننا لكن ما قصر واعطاني من وقته كثيرررر


بعد الالمام بكثير من امور العمل

رحت لشارع الريل ( قريب من شارع البطحاء) عشان ادور على محلات قطع الغيار والمحلات اللي تبيع عدد الفنيين وسالهم عن الانواع والاسعار واحاول اخلاط الهنود و البنقاليه واليمنيه لانهم المسيطرين عليها.

بعد ما اخذت فكرة جديه عن المشروع ( اسعار , طريقه العمل, جنسيه العمالة, الفئه المستهدفة, احتياجات العمل, العدد المطلوبة) جلست ادور على الموقع الخاص ف الموسسه

جلست تقريبا شهرين ابحث وادور على موقع خاص لاني ابغاه يكون ورشه صيانه وفي نفس الوقت يكون فيه مكتب ومكان لاستقبال العملاء بحيث ما يشوفون الورشه ولا طريقه العمل ( احاول اسوي شي جديد وغريب للناس) لدرجه بعده ما فتحت وبدا الشغل في الصيف بعض الناس المجاورين لنا يجون ويسالون كيف بتغسل المكيف مثلا او بتغير الكمبروسور اجي وادخلهم جوا الورشه واعجبتهم الطريقة بصراحه.

البحث استمر معي تقريبا شهرين .

الموقع لاي مشروع جداا مهم خصوصا ان مشروعي خدمي يعني يخدم الناس كلها و السيارة عندي تلف الرياض من الجنوب للشمال ومن الغرب للشرق فاحتاج الموقع يكون بمواصفات خاصه وهذا سبب التاخير في ايجاد المواقع

المواصفات اللي يحتاجها هذا النوع من الانشطه على النحو التالي:
1- قريب من الطرق السريعه ( لسهوله الوصول)
2- قريبمن محلات بيع قطع الغيار والصناعيه ( ما تاخذ وقت لشراء بعض قطع الغيار )
3- قريبه من الفئه المستهدفه( بما ان اكثر الشغل صيانه يعني احتاج اكون في منطقه كثافتها السكانيه عاليه و المنطقه تكون قديمه نوعا ماا)
4- قريبه من البيت ( لسهوله الوصول للموسسه و متابعتها وممكن اجي للعمال في أي وقت ما يتوقعونه) لان لو كان الموقع بعيد بيصعب علي المشوار كل يوم.


اعذروني

تراني اكتب من غير تنسيق ولا ترتيب

باذن الله اني باكتب كل شي واجهني ويواجهني عشان يكون مرجع للجميع للنشاط هذا او لاي نشاط مشابهه.

تقبلوو خالص التحايا

م. محمد ( ابو خالد)

رد مع اقتباس
  #12 (permalink)  
قديم 24-11-2014, 01:35 PM
عضو جديد
 
تاريخ التسجيل: Feb 2008
المشاركات: 19
معدل تقييم المستوى: 35
LIKE YOU يستحق التميز

بيض الله وجهك متابع بشغف

اتكمنى لك التوفيق و وسعة الرزق

رد مع اقتباس
  #13 (permalink)  
قديم 24-11-2014, 08:34 PM
عضو مهم
 
تاريخ التسجيل: May 2009
المشاركات: 238
معدل تقييم المستوى: 25238
الحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداع

السلام عليكم ورحمة الله وبركاته أخوي محمد .. اسال الله لك التوفيق والسداد في مشروعك .. انا اعمل في شركة تكييف كبرى وهي وكالة لماركات معروفة في السعودية واحتكيت بالصيانة مع انها ليست عملي الاساسي .. مما جعلني اعزم على فتح ورشة صيانة بالشراكة مع زميلي لكن تخوفنا من شي .. وهو المصداقية ... فبعض الورش يقولون لنا بتصدق رح تخسر ... اما لو اتخذت اسلوب التحايل رح تكسب .. فمثلك عارف العملاء مايعرفون وش البويبينة ولايعرفون اسماء القطع .. تقول له مكيفك يبي كمبرسر وفريون يدفع لك .. تقول له فريون بس يدفع لك .. من دون مايسال ويناقش وهذي ارض خصبة للغش والتحايل خاصة مع عقبات الايجار ورواتب العمالة ممكن الواحد ينحد للاجراء هذا .... وش رايك مهند س محمد

رد مع اقتباس
  #14 (permalink)  
قديم 25-11-2014, 09:35 AM
عضو جديد
 
تاريخ التسجيل: Nov 2014
المشاركات: 20
معدل تقييم المستوى: 21
شموخ التكييف يستحق التميز

اقتباس:
المشاركة الأصلية كتبت بواسطة LIKE YOU مشاهدة المشاركة
بيض الله وجهك متابع بشغف

اتكمنى لك التوفيق و وسعة الرزق


شاكر ومقدر مرورك و دعواتك الرائعه

تراني صدق محتاج مثلها لانها تزيد من عزيمتي واصراري

تحياتي
رد مع اقتباس
  #15 (permalink)  
قديم 25-11-2014, 09:41 AM
عضو جديد
 
تاريخ التسجيل: Nov 2014
المشاركات: 20
معدل تقييم المستوى: 21
شموخ التكييف يستحق التميز

اقتباس:
المشاركة الأصلية كتبت بواسطة الحارث همّام مشاهدة المشاركة
السلام عليكم ورحمة الله وبركاته أخوي محمد .. اسال الله لك التوفيق والسداد في مشروعك .. انا اعمل في شركة تكييف كبرى وهي وكالة لماركات معروفة في السعودية واحتكيت بالصيانة مع انها ليست عملي الاساسي .. مما جعلني اعزم على فتح ورشة صيانة بالشراكة مع زميلي لكن تخوفنا من شي .. وهو المصداقية ... فبعض الورش يقولون لنا بتصدق رح تخسر ... اما لو اتخذت اسلوب التحايل رح تكسب .. فمثلك عارف العملاء مايعرفون وش البويبينة ولايعرفون اسماء القطع .. تقول له مكيفك يبي كمبرسر وفريون يدفع لك .. تقول له فريون بس يدفع لك .. من دون مايسال ويناقش وهذي ارض خصبة للغش والتحايل خاصة مع عقبات الايجار ورواتب العمالة ممكن الواحد ينحد للاجراء هذا .... وش رايك مهند س محمد

السلام عليكم

ما شا الله كويس انك تشتغل في موسسه كبرى متخصصه في التكييف

على كذا نصير اصدقاااااااء ههههههههههههه

شوف
من غشنا ليس منااا

وش الفايدة من الغش؟ انت ممكن تكسب وتربح حتى لو مكسب بسيط بس بالحلال . او انك تربح كثير بس ما يصير فيه بركة في المال. والله ان مكسب 100 ريال وانا مرتاح الضمير ابرك لي من 5000 ريال وانا على اعصابي.

غير كذا انا العمال عندي بالراتب يعني يغير كمبروسور او يعبي فريون هو ما رايح يستفيد واخر الشهر بيتسلم راتبه وهذا يخليه ما يتلاعب او يفكر انه يغش.

ترا الصدق مع العملاء وانك تكون فيه صفهم وانك تصدق معهم في الكلام والفعل هذا مكسب بحد ذاته لانك كسبت عميل ووثق فيك وهذا العميل بيجيب لك عملاء ثانين. وغيرا كذا حتى لو زدت في السعر شووي عن سعر الورش اللي منتشرة في الشارع ما عندك مشكله طالما انك صادق وكسبت العميل. وبصر احة هذا المبدا انا شغال عليه من اول ما قررت اشتغل.

اتمنى انك ما تغفل عن طريقة الكسب الحلال.

تحياتي

التعديل الأخير تم بواسطة شموخ التكييف ; 25-11-2014 الساعة 09:43 AM
رد مع اقتباس
  #16 (permalink)  
قديم 25-11-2014, 09:49 AM
عضو جديد
 
تاريخ التسجيل: Nov 2014
المشاركات: 20
معدل تقييم المستوى: 21
شموخ التكييف يستحق التميز

ان شا الله باكتب عن استاجري للموقع وليه اخترته وعن اشياء اخرى لم تخطر لي ببااااال

انتظرووني

رد مع اقتباس
  #17 (permalink)  
قديم 25-11-2014, 03:33 PM
عضو مهم
 
تاريخ التسجيل: May 2009
المشاركات: 238
معدل تقييم المستوى: 25238
الحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداعالحارث همّام محترف الإبداع

في انتظارك مهندس محمد .. وشكرا لحبك نشر الخير .... ياليت تفيدنا عن صيانة الاجهزة الكهربائية الاخرة كالافران والغسالات وجدوى صيانتها ماديا .... وفقك الله

رد مع اقتباس
  #18 (permalink)  
قديم 25-11-2014, 04:26 PM
عضو جديد
 
تاريخ التسجيل: Nov 2014
المشاركات: 20
معدل تقييم المستوى: 21
شموخ التكييف يستحق التميز

السلام عليكم

خلال بحثي عن موقع للموسسه ( مكتب+ ورشه) كنت ابحث عن محل مناسب بالاضافه يكون قريب من سكن للعمال . طبعا كان هذا الوقت خلال فتره الحمله على العمالة المتخلفه. لوحات التقبيل في كل مكان بس انت طب وتخيرررر.
لكل شارع مكتب او مكتبين عقار ماسكينه وانا ما غير امترر الشوارع اللي في بالي بس ما لقيت اللي يرضي طمووحي. سالت احد الناس اللي اثق فيهم وقلت له عن فكرتي ودلني على موقع ما كنت افكر فيه نهائياا وجلست احوووس فيه ما غير الا رايح جاي على ذا الشارع.

كنت يوميا ادور 4-5 ساعات عشان اختار المكان وادرس كل شي فيه ( عمارة قديميه ولا جديده, يتوفر فيها مواقف للسيارات ولا لا, هل المنطقه فيها كثافه سكانيه ولا لا, هل بسهولة بالقى سكن للعمال لا). واخيرا لقيت محل كان كوفي شوب و يبغى يقفله عشان العمالة اللي عنده مو على كفالته والعمال يبغون يرجعون لكفيلهم الاساسي.

الحمد لله مواصفات المحل جداا كوويسه ومناسبة لاحتياجي. المحل كبير تقريبا 4.5 *11 ومتوفر فيه دورة مياه اعزكم الله. بالاضافة الى ان العمارة جديده وسالت راعي المكتب والمستاجر القديم عن راعي العمارة ( نشبه ولا لا وهل يرفع الاجار ولا لا) يعني بعض الاسئله اللي تخليني اعزم على استاجر المحل. والحمد لله استاجرته. طبعا ضبطت المحل وضبطته من راسي مثل تفصيل طاولات الشغل والاستاندات وقسمت المحل الى قسمين القسم الظاهر هو للاستقبال والخلفي هو الورشة( كنت الف على الورش والشركات واخذ التصماميم منهم ) وهذا اكبر غلط سويته اني ضبطت المحل قبل ما يجون العمال. المفترض اني ما اجهزه الا لما يجون لاني اضطريت اشيل بعض الطاولات اللي انا فصلتها وخسرت عليها يعني بالعربي لو اني صابر شووي عرفت استغل المحل مضبوووط.

جلست افكر في المطبوعاات ولوحة المحل . دخلت على محلات الخطااطين والقى ذاك المصري وقلت له اني صاحب مشرووع وابي اسوي عندك نظام الفواتير ونظام الكروت والبروشورات ولوحة المحل . طبعا هو انبسط على الاخر ( ما يدري اني امخمخ على الشغله وبالي طووويل وكنت ابغى كل شي مشابه لبعض وما فيه اختلاف ونفس الالوان )

جلست تقريبا شهر كاامل وانا اصمم البرشور واللوحة والكرووت و الفواتير وكل يوم انا راايح جاي عليه بس هو في النهايه قالي اوووول مرره اشوف واحد مثلك( كاان يقووول شههر يا ظاالم عشان تصمم بروشور اقول له ليه بتسوويه لي ببلالاش؟؟؟؟؟؟) بعدين ذا المصري صار صديقي خخخخخخخخخخخخ


مرفق لكم البروشور حقي . اتمنى انه يعجبكم و يستااهل تعب شهرررررررررر



اترككم في رعااايه الله وباذن الله في المرره الجايه باتكلم عن العمالة وكيف الاستقدام


تحياتي

م. محمد

رد مع اقتباس
  #19 (permalink)  
قديم 26-11-2014, 12:33 AM
عضو جديد
 
تاريخ التسجيل: Feb 2008
المشاركات: 19
معدل تقييم المستوى: 35
LIKE YOU يستحق التميز

اقتباس:
المشاركة الأصلية كتبت بواسطة شموخ التكييف مشاهدة المشاركة
السلام عليكم

خلال بحثي عن موقع للموسسه ( مكتب+ ورشه) كنت ابحث عن محل مناسب بالاضافه يكون قريب من سكن للعمال . طبعا كان هذا الوقت خلال فتره الحمله على العمالة المتخلفه. لوحات التقبيل في كل مكان بس انت طب وتخيرررر.
لكل شارع مكتب او مكتبين عقار ماسكينه وانا ما غير امترر الشوارع اللي في بالي بس ما لقيت اللي يرضي طمووحي. سالت احد الناس اللي اثق فيهم وقلت له عن فكرتي ودلني على موقع ما كنت افكر فيه نهائياا وجلست احوووس فيه ما غير الا رايح جاي على ذا الشارع.

كنت يوميا ادور 4-5 ساعات عشان اختار المكان وادرس كل شي فيه ( عمارة قديميه ولا جديده, يتوفر فيها مواقف للسيارات ولا لا, هل المنطقه فيها كثافه سكانيه ولا لا, هل بسهولة بالقى سكن للعمال لا). واخيرا لقيت محل كان كوفي شوب و يبغى يقفله عشان العمالة اللي عنده مو على كفالته والعمال يبغون يرجعون لكفيلهم الاساسي.

الحمد لله مواصفات المحل جداا كوويسه ومناسبة لاحتياجي. المحل كبير تقريبا 4.5 *11 ومتوفر فيه دورة مياه اعزكم الله. بالاضافة الى ان العمارة جديده وسالت راعي المكتب والمستاجر القديم عن راعي العمارة ( نشبه ولا لا وهل يرفع الاجار ولا لا) يعني بعض الاسئله اللي تخليني اعزم على استاجر المحل. والحمد لله استاجرته. طبعا ضبطت المحل وضبطته من راسي مثل تفصيل طاولات الشغل والاستاندات وقسمت المحل الى قسمين القسم الظاهر هو للاستقبال والخلفي هو الورشة( كنت الف على الورش والشركات واخذ التصماميم منهم ) وهذا اكبر غلط سويته اني ضبطت المحل قبل ما يجون العمال. المفترض اني ما اجهزه الا لما يجون لاني اضطريت اشيل بعض الطاولات اللي انا فصلتها وخسرت عليها يعني بالعربي لو اني صابر شووي عرفت استغل المحل مضبوووط.

جلست افكر في المطبوعاات ولوحة المحل . دخلت على محلات الخطااطين والقى ذاك المصري وقلت له اني صاحب مشرووع وابي اسوي عندك نظام الفواتير ونظام الكروت والبروشورات ولوحة المحل . طبعا هو انبسط على الاخر ( ما يدري اني امخمخ على الشغله وبالي طووويل وكنت ابغى كل شي مشابه لبعض وما فيه اختلاف ونفس الالوان )

جلست تقريبا شهر كاامل وانا اصمم البرشور واللوحة والكرووت و الفواتير وكل يوم انا راايح جاي عليه بس هو في النهايه قالي اوووول مرره اشوف واحد مثلك( كاان يقووول شههر يا ظاالم عشان تصمم بروشور اقول له ليه بتسوويه لي ببلالاش؟؟؟؟؟؟) بعدين ذا المصري صار صديقي خخخخخخخخخخخخ


مرفق لكم البروشور حقي . اتمنى انه يعجبكم و يستااهل تعب شهرررررررررر



اترككم في رعااايه الله وباذن الله في المرره الجايه باتكلم عن العمالة وكيف الاستقدام


تحياتي

م. محمد
بيض الله وجهك متابع
رد مع اقتباس
  #20 (permalink)  
قديم 26-11-2014, 11:56 PM
عضو متواصل
 
تاريخ التسجيل: May 2011
المشاركات: 41
معدل تقييم المستوى: 51
صالح الطريف محترف الإبداعصالح الطريف محترف الإبداعصالح الطريف محترف الإبداعصالح الطريف محترف الإبداعصالح الطريف محترف الإبداعصالح الطريف محترف الإبداعصالح الطريف محترف الإبداعصالح الطريف محترف الإبداعصالح الطريف محترف الإبداعصالح الطريف محترف الإبداعصالح الطريف محترف الإبداع

صراحة رائع جدا ..تعجبني فيك الجدية ..
بيننا تواصل بإذن الله ..
صالح من الشمال /طريف
0505387674

رد مع اقتباس
أضف رد

(( لا تنسى ذكر الله ))


مواضيع ذات صله قسم مشاريع وأفكار

مواقع النشر (المفضلة) وتحتوي على WhatsApp لإرسال الموضوع إلى صديقك



تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 11:29 PM


Powered by vBulletin Version 3.8.9
Copyright ©2000 - 2025, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين