السلام عليكم ورحمة الله وبركاته

اختباري البكالريوس الاسبوع الجاي .. حبيت استفسر عن وشو الاختبار ؟ وكيف اجتيازه .. وفيه مقابلة؟ وعن وشو ان كان فيه

جبت بالستيب 56 لي امل انقبل او على حسب اختبار التخصص او وشو ؟

شكرا لكم

الف الف مبروووك اكبر هم انزاح الان و هم بمجرد ماتجيب فوق 50 يدخلوك قاعة الاختبار
و بخصوص اختبار البكالوريوس قالها لي شخص ثقة لانه موظف في القبول واتأكدت منها لانها صارت معاي يقول اختبار البكالوريوس مسوينه عشان يصفوا عدد الطلاب المطابقين للشروط اذا اتجاوز العدد عن 35 في كل قسم اما اذا كان العدد قليل فمهما كانت درجتك راح تنقبل ان شاء الله انا اختبرت في المحركات و المركبات و كان عدد الطلاب ما يتجاوز عشرين طالب و بعد ما تنتهي من الاسئلة مباشرة تطلع النتيجة انا اخذت 9 من 40 لكن لان العدد قليل وصلتني رسالة مكتوب مبروك تجاوزت الاختبار اطبع الكشف الطبي

الاسئلة باللغة العربية في الرياضيات والتخصص مثال : كثيرات الحدود والكسور و الجذور و الاسس واسماء بعض القطع وفوائدها

الله يبارك فيك و ان شاء الله تتسهل بالخطوة الاخيرة لان عدد المتقدمين فوق 100 والمقاعد 35 .. بس اخوي عندي استفسار بالنسبة لي ان تجاوزت اضمن مقعدي هالترم ولا هم يحددون ولا كيف ؟ وكم درجة اجتياز الاختبار .. يعني اذا لاقدر الله وماانقبلت ارجع اختبر؟ .. و الف مبروك قبولك و الله يوفقك يارب

عدد المتقدمين الان شامل لجميع الطلاب سواء كانوا مطابقين لشروطهم او لا لكن في يوم الدخول لاختبار البكالوريوس راح تشوف العدد جدا قليل
الترم الماضي عدد المتقدمين فوق 90 طالب في المحركات و المركبات واللي انقبلوا فعليا وبدأوا الدراسة الان 14 طالب

سؤال اخير اذا انقبلت ان شاء الله ابدا هالترم ولا هم يحددون الترم الي بعده .. الخ . لاني اشوف طلاب عندهم قبول للترم الي بعده !و بيض الله وجهك على التجاوب

ووجهك ابيض بالنسبة للدراسة راح تدرسها هذا الترم باذن الله الا ان كان العدد قليل وما يزيد عن عشرة طلاب مثل تخصص الدعم الفني قبل سنة تقريبا كانوا يقولون تنتظر الفصل القادم لعدم اكتمال عدد الشعبة او تدرس في كلية ثانية غير اللي انقبلت فيها

الله يجزاك خير ماقصرت . . الله يوفقك ويسهل عليك