السلام عليكم اليوم داومت وعادي مثل اي يوم اداوم فيه المهم طلبوني شؤون التوظيف في البيسمنت لاجل ان مديرة شؤون الموظفين وهي جزائرية لكن طبعا بسبب جنسيتها الفرنسية اصبحت فرنسية ما علينا وقالت لي انت كيف وضعوك في هذه الوظيفة ومن المفترض عليك البداية من الصفر للوصول الى الاعلى قلت بضحكه انا في قسم تقنية المعلومات بالمستشفى ايش اصير يعني قالت عندنا نقص في مشرفين الامن السوبر فايزر ونحتاج تغطية 6 موظفين للاشراف واني واحد من ال 6 ذولي لمدة 4 شهور وسيتم تعويضي بعد 4 شهور بصرف زيادة على راتبي الاساسي 1500 لكل راتب يعني 6 الاف ريال التعويض لمدة 4 شهور وجلست تقول لي فكر الى يوم الاحد فما الحل برأيكم وش ارد عليها وش اقول هل استقيل او اقدم شكوى للعمل والعمال ووزارة الصحه او اخذ وظيفة مشرف الامن والشكوى لله لكن ملاحظه يا اخوة يريدون الباسي انا وزملاء لي بدلة الامن وليس بثياب وهذا شرط اساسي اشترطته هل احد عنده علم ما الاجراء القانوني لذلك هل اقدم شكوى وارفض الطلب او استقيل او اقبل

ان استقلت فأنت خاطئ وان اشتكيت فأنت كذلك خاطئ
الاستقاله ضعف والشكوى تفصلك

كيف الكلام هذا الشركة اول ما تعرف ان واحد بيعلهم وبيبهذلهم بمكتب العمل والاعلام يدورن عليه الزله واقرب فرصة لفصله والحل صعب في ظل هذا الموضوع ولو ترسل لها كلامك غير مباشر بخطاب وتكتب فيه عبارات رنانه وعبارات فيها شيء من طولت البال مثلا نحن نريد التطوير من أنفسنا ودرسنا وتعنينا للدراسة وأخذ الشهادات ليس لأجل أن تضعونا حراس أمن بحيث لا يمكننا من التطور المهني الا في دائرة الأمن نحن نريد أن نعمل بما تعلمنا فليس العلم بكثرة التعلم وانما العلم العمل فلو وظعتمونا بالحراسات الأمنية فهي ضربة قاتله في حقنا وحق شهاداتنا .. الخ والمؤهلين لهذه الوظيفة هم من اصحاب الشهادات الدنيا كالمتوسطه وغيرها وثقوا أننا أبناء بارين بمؤسستكم ونرجوا منك النظر لنا بعين العطف والرحمة فنحن اخوة مسلمين فضلاً عن اخووة العرب وكذا وكذا وانتهينا .

ان وصل الرد بخير الف مبروك وان تأزمت وحاولوا ابعادكم فهذا الشيء راجع لكم اما بالشكوى ثم الاستقاله او الاستقاله والبحث عن فرص عمل أفضل والله يوفقكم وبالمناسبة ما يحق للمدير فعل هذا الشيء نظاماً .

لا تطيعها ما يحق لها تجبر موظف او تنزله عن وظيفته الا بالاتفاق . و هذا اكيد موضح في العقد. ... غير كذا قول اعلى ما في خليك اركبيه..

طلع العقد الي بينك وبينهم وقول مسمي وظيفتك وقولهم حطو وظايف احسن ما تنزلونا لذي الوظيفه واغلق الموضوع معاهم وبصراحه ذا من حقك روح اشتكي احسن لك

لا تقبل. وخليك عنيد معهم الا ان يخلص عقدك معهم وإذا خلص ويبون يلغون التعاقد معك. أحسن تفتك منهم وتأخذ خبرتك وتشوف لك مكان افضل منهم

مآلك إلآ الشكوى ولا تقبل بوظيفة ليست مناسبة لك واذا كنت ماتبي تشتكي دور لك وظيفة ثانية افضل ماتكون رجل امن وانت بشهادة ثانوي وفوق !
شيء غريب كيف تبغا تعينك بوظيفة وانت بالعقد موقع على وظيفة اخرى !

مشكورين يا اخواني على ردودكم هذه سياسة اغلب القطاع الخاص بعد حديثي مع اصدقاء لي يعملون بقطاعات خاصة يقولون لي قصص كثيرة تصير عندهم بس في شي لاحظته ليه اغلب القطاع الخاص مركزين على رجال الامن او القطاع الامني بشكل خاص وكان السعودي ما يعرف البدلات بس ثياب يلبسونه وبنفس الوقت لاجل يجلس بالشموس يحرس الاجانب لازم ولا بد وزارة العمل والصحه تحط حد لهذه الامور شفت اعلان هنا بالمنتدى عن الغرفه التجارية عارضه وظايف ومن شروطها تكون لائقه للشباب اعتقد الغرفه التجارية بدت تشوف ان القطاع الخاص ما يوظف الا استقبال او مراسلين او سكيورتية فقط وحطت لهم حد ما استبعد هناك كثير مثل قصتي يتعين على شي شهر شهرين 3 وبعدين يجيبون له سالفة صايرة وانه يساعدهم وخلك استقبال شهر شهرين بس نلقى بديل او خلك امن شهر شهرين بس نلقى بديل ونرفعك وفجاء الواحد يوافق وما يحصل الا صار له 6 شهور وعقده تغير انه رجل امن

اليوم يا اخوان رحت لهم وقلت لهم بقدم استقالتي وجاني عرض وظيفي من مستشفى كبير واكبر من الي كنت فيه طبعا خاص فا تلون وجيهم وقالو لا خلاص ما يحتاج تصير بالامن وتقدر تجلس بنفس وظيفتك حنا بنقدم على اعلان لوظائف لمشرفين الامن والسكيورتي وفي حوافز جديدة بتنزل للموظفين القدامى منها ارسالهم الى الهند لاخذ دورة تدريبية وووووو الزبدة قلت انا انسان ابي استقالة لان فعليا جاني عرض افضل من الوظيفة الحالية وانا نصاب العرض الجاني اقل بالراتب لكن اريح بالعمل واضمن المهم طلبني المشرف الاداري وقال لي خذ فرصة لنهاية الاسبوع وركز وحنا بنحطك بمركز احسن ونزيد راتبك وووو لكن بصراحة بعد الي عملوه معاي صعب اثق فيهم مره ثانية وبصراحة صرت اشوف الدوام جدا كئيب وما اطيق اجلس فيه


المستفاد يا اخوان انه لا شافو العين القوية منك او شافو انك مطلوب لجهات اخرى منافسه لهم يفرشون لك السجاد الاحمر والورود