السلام عليكم

ي جماعه

حاب استفسر عن وظيفة خدمة عملاء الفروع لبنك الرياض..

المميزات الرواتب وغيره من امور الوظيفة..ومستقبل الوظيفة..

ي ليت احد يفيدني واكون شاكر وممنون ..

المؤهل دبلوم..

موظف خدمة العملاء بالبنوك يساعد العملاء على ايفادهم بالعمليات البنكيه المخصصه لدى البنك الذي يعمل به مثل انظمة السحب والإيداع والتعامل مع الكروت الذكية وعمليات كشف الحساب وانظمة القروض المتاحة مثل قرض شخصي او سياره والضمانات التي يلتزم بها العميل عند استخراج القرض وأن يكون جاهزآ للرد على أي اتستفسارات لدى العميل أما بالنسبه للبنوك الأخرى لكل بنك سياسته البنكيه وسياسته الخصوصيه يتعرف عليها موظف خدمة العملاء جيدآ لكي يتمكن من الأجابه على اي استفسار لدى العميل ..

اما الرواتب ف ممكن انها تختلف ،

الله يوفقك

يوفقنآ ويوفقك..

بانتظار الافادة من الغير ان امكن..~


شكرا لك..~

هل يوجد وظائف خدمه عملاء في البنوك نسائيه ؟؟

ممكن اعرف كيف طريقة التقديم ؟؟ وكم الرواتب عليها ؟؟؟


ارجو الرد

راتب الدبلوم هو 5227
راتب البكالوريوس 7200
ولا ادري كم يصير الراتب بعد خصم ساند
ووظيفة خدمة العملاء تساعدك في تحويلك من وحداني الى اجتماعي غصب
الشي الثاني بنك الرياض يقيمك على تحقيق ارباح بشكل يومي واقوى تطفيش
من مدير المنطقة ويجيك ايميل يقول اين وعدك في تحقيق الارباح قسم بالله قروشة
وانت منضغط من العمل يجيك مدير المنطقة ويقولك مالك عذر نصيحة ابتعد عن بنك الرياض
واتجه للبنوك الاخرى علماً اني موظف سابق في بنك الرياض ومعاملات السستم صعبووها مثل فتح حساب اول كان ابو ربع ساعه حالياً ساعه ويالله تخلص والله يعينك اذا كان فرعك يستقبل نساء
اسئل مجرب ولا تسئل اعلام ومطلوب من موظف خدمة العملاء 20 قرض + 30 بطاقة ائتمان + 2 تمويل عقاري هذا نظامهم يبون شهرياً واذا تحقيق الفرع ضعيف يقولك اطلع سوق القروض والبطاقات على الدوائر الحكومية واذا قلت ماحصلت يقولك المدير مالك عذر ويالله اني انجنيت بذاك الوقت وابشرك استقلت ورجعت ذاكرتي ولله الحمد وحالياً عاطل وان شاء الله ارجع طالب جامعي
تحيه لك