اخواني
انا ومجموعهً صديقات لدينا مبلغ مالي وفكرت اننا نفتح كشك كوفي في محطه
فهل تنصحوني فيه
واتمنى من اهل الخبره يزودوني بخبراتهم
هل اشترى كشك جاهز ومن وين والا ابني وكيف
كيف اثق بالعامل واحتاط من السرقه واتابعه وانا امرأة
كم مبلغ استئجار الموقع من المحطه وهل السعر محدد
من ًوين اجيب المكائن باقل التكاليف وايش افضلها
الدونات والحلا اشتريه والا اتعاقد مع مين بنظام الارجاع
كامرأة كيف احصل الدخل من العامل يومي او شهري وكيف ومتابعه التراخيص هل هي صعبه ومعقده
المحطه فيها مغسله سيارات ومتحركه هل احط الكشك اول المدخل للمحطه والا بجانب المغسله لان في المحطه صراف ماخذ مكان الكشك الطبيعي
واي شي يثري الموضوع الرجاء افادتي مشكوره

السلام عليكم

بما أنكم نساء، يصعب عليك فتح مثل هذا المشروع

نصيحتي لكم بعمل مقهى نسائي مخصص للنساء فقط

وممكن عمله بطريقة كلاسيكية تستهدف الطبقة المثقفة وسيدات الأعمال

بحيث يحتوي على مكتبة وجلسات هادئة ويمنع التدخين ويوفر خدمة الإنترنت وأجهزة محمول وخدمات الطباعة

وفقكم الله

لو قلنا ان الكوفي راح يستهدف طبقه سيدات الاعمال بالتالي لازم الديكورات والخدمه تكون فوق المستوى
ولازم يكون في حي راقي وهذي الاشياء صعبه لو كان راس المال قليل + ايش اللي يخلي سيدات الاعمال يجو للكوفي تبعك مع انو في مئات الكفيهات الموجوده والفنادق لازم يكون عندك شي قوي وممختلف ويبغى له دراسه مكثفه خاصه لو كان في مدينه جده او الرياض او الشرقيه

وقالت الاخت انها تبغى ادوات بااقل التكاليف فما اشوف انو طلبها مناسب مع الهدف اللي عرضته يااخي

ممكن لو في شي مافهمته توجهني له
لان انا ايضا في خطتي المستقبليه احتاج لمشروع بنفس طلب الاخت لكن عندي نفس التساؤلات
وايضا هل من الممكن اني انا اقوم بالعمل بدل العامل او اشرف عليه واللي يقوم بالعمل فلبينيات لكن باختلاف المكان مثلا اخلي المكان في مول ؟

[align=center]
سبحان الله التجاره عندكم في بيتكم وانتم اللي تشتغلون ولا فيه أحد يشارككم أو حتى يلعب عليكم

ومع ذلك تتركونها وتروحون للتجاره اللي خارج البيت واللي خارجه عن السيطرة واللي العامل أو غيره

يلعب عليكم ولا تقدرون تاخذون حقكم منه ... تسأليني وتقولين وش هالتجاره اللي عندنا في البيت

وأنا ما أدري عنها !!.. أقولك باختصار المطبخ نعم المطبخ باب رزق لكم لكن ما أدري ليه مهملينه !!!

ياختي الكريمه عندك انواع الطبخات والأكلات تخصصي في وحده منها أنتي تحبينها وتبدعين فيها

وانشرها عن طريق الانستقرام بعدين تعالي شوفي كيف الفلوس ما يصير عندك وقت تعدينها ...

أكلات شعبية .. أكلات دسمة .. حلا وما أدراك ما الحلا .. فطاير ..سمبوسة ..محاشي .. وغيره وغيره
[/align]

آول شيء بالتوفيق لك وأهنيك على هالتفكير والطموح الي أغلب نساء السعودية تفتقدة .

الأمر سهل جداً ، بعد اختيار الموقع ع أرض الواقع ، يوجد هناك مكاتب عقارية يوجد فيها خدمة " أدارة أملاك " توكيل منك للمندوب ، يقوم ب أجراء الاوراق + السجلات التجارية ، وينهي لك الموضوع بمبلغ وقدرة . . ويدير لك المشروع ، ومتابعتة طبعاً اتفاقاً منك ، الكوفي " يتم بنإءه ، وغير مكلف ويتبقى الديكورأت الخارجية وايضاء ، متوفرة بكثره ، وبسعر كويس " ،
اداوت ، الكوفي .. متوفره وبكثره اما مستعملة ، او جديدة سوي بحث عنها بالانترنت .. ، وراح ابحث لك ولي عودة هنا ، موفقه يارب

المقصد من اقتراحي أختي الكريمة أن متابعة المحل بشكل مستمر والإشراف عليه غير ممكنة لامرأة لأنه محل مكشوف وفيه عمال رجال

التجارة تحتاج للنجاح بعد توفيق الله إلى متابعة دقيقة ومستمرة من صاحب المشروع بشكل دوري والاطلاع المباشر على حركة البيع والتعرف على الدخل المتوقع بناءً على مشاهدته الشخصية المستمرة

قد يقوم العامل إذا كانت ذمته ضعيفة بالبيع بدون فواتير ويأخذ المبلغ لصالحه وقد يشتري هو قهوة رخيصة من خارج المحل ويبيعها ويظهر لك بأن القهوة التي تم شراؤها منكم ما زالت متوفرة ولا يوجد طلب كبير

أنا لا أقلل من شأنك وحماستك وقدرتك ولكن هذا الواقع

نعم كثير من النساء لديهن محلات ولكننا نعلم أنها تدار بنظام المبلغ الشهري الثابت الذي يتم الاتفاق عليه مع العامل

ومهما كان دخل المحل فالمبلغ هذا ثابت ولو كان أقل بكثير من الدخل الحقيقي وهو نوع من التستر

وجود مقهى ولو كان مصغراً يخدم النساء فقط ويعمل فيه نساء سيكون جاذب لكثير من السيدات

أو التوجه لفكرة أخرى مثل محل ملابس نساء أو أطفال في مول ليس بالضرورة مول كبير

ويتم توظيف نساء بالمحل وهذا يسهل عليكم المتابعة والجلوس بالمحل

ويمكن الآن بسهولة توفير البضائع المميزة وبأسعار ممتازة عن طريق الإنترنت والطلب من الخارج وتصلك إلى محلك

بالتوفيق لكم