شوركم علي ياجماعة الخير اليوم تعينت بوظيفة " مراقبة نسائية"في أمانة المنطقة الشرقية عليي نظام العقود و في نفس الوقت جابو لي طاقات وظيفة مسوقة هاتفية بشركة سمارت لينك المتعاقدة مع موبايلي براتب قدره4800 وشرايكم أود أن أستمع إلي آرائكم في هذا الموضوع؟ !

اقولك لاتفرطين في الوظيفة الحكومية احسن من شركات وانتي بكيفك راح تندمين اذا رحتي في احد شركات

حتی لو كانت بنظام العقود

امانة الشرقيه افضل والله يوفقك

خليك بالامانه

على الاقل بتتعينين اذا انتي
ع البند

الامانه افضل

وبالنسبه مسوقة هاتفية بشركة

الله يعينك اذنك راح توجعك من المكالمات هذا غير تعامل بعض العملاء

اهربي من موبايلي بس

من بعد إذنك بس كم راتب وظيفة المراقبه النسائية ؟

والله مدري لأنه إلى الآن ماوقعنا العقد اليوم سلمنا الأوراق و حاولنا نسألهم بس رفضو يعلمون

وظائف العقود في يوم من الايام سوف يكون هناك ترسيم , وقبل يومين تم طرح قضية تثبيت العقود وبند الأجور في قناة روتانا , والله يوفقك

ختنا الكريمة أم نادر :
أولاً : مبروك الوظيفة بالأمانة عسها خير وسعاده لك ,,
ثانياً : لو أنا مكانك ما أفكر نهائيــــــــــــــــاً حتى لو مجرد تفكير أن أروح لوظيفة الشركة وأنا بنفس الوقت يكون تم قبولي بوظيفة متعاقد بجهة حكومية .. دوام الحكومة من 8 الصباح إلى 2 ونص الظهر والراتب بتاريخ 25 هجري ولا يزيد ولا يوم وأحياناً ينزل بتاريخ 24 إذا صادف تاريخ 25 يوم الجمعه .. ودوام الدوائر الحكومية كلها راحه حتى لو كان فيه ضغط كثير شوي بالعمل يكفي الأمان الوظيفي _ بعد الله _ وأحتمال تترسمين مباشرتاً أو تدخلين مسابقات وظيفية بنفس مقر عملك وتنجحين ولك الأولوية فيها لأنك خلاص راح تكونين عارفه إجراءات العمل كامل ..
ثالثاً : الوظيفة بالشركات ( تمشيت حال ) حتى وأن زاد الراتب شوي .. الدوام 8 ساعات ويوصل 9 ساعات الإجازة الأسبوعية أحياناً تكون يوم الجمعة فقط .. الراتب ينزل نهاية الشهر الميلادي 30 وأحياناً ينزل بدخول أول يوم للشهر التالي .. طبعاً فيه شركات محترمة ورواتبها تنزل بتاريخ 28 ميلادي وإجازة يومين بالأسبوع وتأمين طبي وراتب إضافي مكافئة كل نهاية سنة .. بس نفس الحكاية ما أفضلها على العمل الحكومي .. لأن اللي جرب الوظيفة بشركة وبجهة حكومية (يعرف وش الفرق) .

وفقنا الله واياك وجميع المسلمين لكل خير ,,,