السلام عليكم شباب حلول

الحقيقة هذا المنتدى خدمني كثير في تنمية افكاري في البحث عن مشاريع تجارية ناجحة ..

دخول لصلب الموضوع ..

اخوكم من شباب هالبلد .. اتحدث اللغة الاسبانية بطلاقة .. تعرفت على مزارعين اسبان و تحدثنا كثير عن عمل تجاري مشترك .. استيراد فواكه موسمية من اسبانيا .. قالو لي تعال اسبانيا .. نوقع اتفاقية و نبدا .. طبعا هم تخصصهم في الخضروات بس قالو عندنا شبكة تواصل رهيبة مع المزارعين بخصوص فواكه التروبيكال ..

السوال .. كيف البداية .. من صفر .. خبرتي شبه معدومة .. انا من اهل المنطقة الشرقية ..

تجولت في حراج السوق المركزي في الدمام .. اخذت لمحة بسيطة .. بس للاسف فهم التفاصيل صعب و يحتاج دخول مع اهل السوق ..

من يدلني و يساعدني بمشورة واجابات شافية للكثير من الاستفسارات ...

لكم جزيل الشكر
الطموح الاندلسي- محمد

لا زلت انتظر اي معلومة .. لكم جزيل الشكر

[align=center]فكرة عجبتني كثييير >> كنت افكر فيها من فترة قريبة


تحتاج الى مكتب وثلاجة للتخزين
والشيء الأهم انك تصرف اللي تستورده في اسرع وقت ممكن

او ثلاجة بس وتبيع في سوق الخضار وممكن انك تمشي على اكثر من سوق في نفس المنطقة عشان تصرفهم أسرع
والبيع اكيد بالجملة لأنك مابتلحق تبيع بالكيلو

الثلاجة نفس هذي >>
[/align]

تأكد من وجود خط شحن مباشر بين الأندلس والسعوديه
لأن بدونه ما راح تاصل البضائع إلى بعد3 أو 4 أسابيع
فما يكون لك الخيار إلى ببعض الفواكه اللي تطول ما تخرب مثل التفاح الأخضر

الف شكر على هالمعلومات المفيدة ..
في الدمام هالايام معرض لركات الشحن الدولي ..
باروح امر عليهم واستفستر عن الشحن .. المدة والتاكليف والاجرائات

صدقني مشروعك جددا ممتاز بس يحتاج الى دراسة موسعة
من ناحية نوعية الفواكه اللي رح تستوردها
وكذلك مدة الشحن ومصاريفه
واخيرا التخزين والتصريف

موفق اخوي

بما إنك تتحدث الاسبانية
ليش ماتاخذ من البلد وتصدر هناك
احنا مانبي فواكه وخضار بلدنا زراعية ولله الحمد
لما تصدر هناك راح تنفع نفسك وتنفع بلدك
وهذولا الاسباان ماعليك منهم يفكرون ان السعوديين كل واحد منهم يملك حقل من النفط
احنا لازم نكون منتجين على سبيل المثال شركة المراعي تصدر عنب لدول اوربا

لاتحط راسك براس الكبار اذا فيه احد محتكر شغلة الفواكه وبتنزل زيه

بيخفض اسعاره حتى تخسر ..

صارت لواحد استور فاكهه وعرضها بالسوق وجاء احد التجار وخفضها تخفيض غير طبيعي لدرجة ان صاحبنا الجديد راح يترجى التاجر يشتري بضاعته وقفل مشروعه


اعرف الموردين واعرف وضع السوق واعزم وتوكل على الله اذا شفت لك فرصه وحاول ماتستورد كميات كبيره يعني جرب واستفد

زرقاء اليمامه ..

الشعب الاسباني فقير .. و يفركون اليويرو فرك ..
و بلد اداريا فاسد و غشاش ..
يعني ما بناكل معهم عيش ..
بخصوص تصدير المراعي للعنب لا اوروبا .. والله ما ادري ويش اقول ..
مزارع العنب عندهم يمكن تغطي مساحة السعودية ٥ مرات ..
يزرعون العنب بكثرة عشان انتاج النبيذ اللي هو جزء من الثقافة الغير مسلمة ..

بس الفكرة حلوة ..

محمد العتيبي ..
والله كلامك هو اللي مخليني اتردد ..
لان هالاستيراد يحتاج سيولة ضخمة عشان ادخل في المنافسة ، هذي اللي ماهي عند اخوك ..

اشكر لكم كلكم التفاعل ..
والله يوفق الجميع للرزق الحلال

السلام عليكم

مشروعك اتوقع انو فيها متاهات كثيره اقترح عليك تشوف لك مزرعه وفيها ماء متوفر وتحط لك بيوت محميه وتزرع خيار لانه انتاجة مايطول ويتحمل وتتعرف على احد الدلالين بالحراج ويصير تنزل كراتين الخيار عنده وتمشي لاتحرج ولاشي ونهاية الشهر تتحاسبون وبالتوفيق