[align=right][/align]السلام عليكم ورحمة الله وبركاته

ارجو منكم مساعدتي نريد نحن 5 فتيات هاويات طبخ
فتح مشروع بوفيه بالجامعه
لدينا الممول وحددننا ولله الحمد الموقع
لكن طلبو منا خطاب يحوي دراسة المشروع وللاسف مانعرف في هالشغلات
اذا ممكن احد يساعدنا في هذي الشغلة ياليت يفيدنا


ولكم جزيل الشكر

ليه كذا مشاهدات بدون ولارد يجبر الخاطر
حسستوني اني البطه السودة

شوفي دراسه جدوى يعني حساباتك من والى
تجين للايجار الشهري
عدد العاملات
عدد الطالبات
دخلكم اليومي
نوع الخدمه المقدمه للطالبات
اسعارها
الخصميات (كهرباء -مويه )ان وجد حسب منطقتك
قصدهم كذا انتوا تسسوها
بعدين لو الجامعه كبيره اوكى اما لو صغيره اشوف عددكم كثير
كمان لو انتم الى محتكرين الجامعه اوك اما لو معاكم مطعم او منافس ترا العمل بيكون صعب جدا لانو اكيد بيكون عملكم متقن +ارخص ولا المنافس بيكوش عليكم خصوصا لو له خبره بالمجال هذا
اتمنى انى اعطيتك الخطوط العريضه
كمان بامكانك تكتبين بقوقل دراسه جدوى وتبحثين ماراح يقصر معاكى وبالتوفيق لك ولا تنسون تدزون لى وجبه شهريه مجانيه لو فتحتم البوفيه حيث انى عطيتك الخطوط العريضه

اخ الدحبان يعطيك الف عافية
اثلجت خاطري بمرورك الطيب <<عجبتني اثلجت الدنيا برااد
الجامعه محتاجين بوفيهات لان بس 3 كفتيريات موزعه على مبنيين
وسالنا الطالبات ورحبو بالفكرة كثير
بخصوص المنافسه اعتقد الواسطه تلعب دور
اوما الوجبه المجانية ابشر طال عمرك ماطلبت شىء

ممكن يقصدوا بدراسه المشروع
يعني وش بتقدمون بالبوفيه ووش تتميزون فيه والخطه التشغيليه وعدد العاملات بالبوفيه

وبعدين لي ملاحظه على كلامك انكم عرضتوا الموضوع على الطالبات ورحبوا فيه اكيد بيرحبون فيه لانهم المستفيدين اذا كثرت البوفيات قل السعر وارتفعت الجوده وهذا متعب عليكم بما انكم في بدايتكم
بس نصيحه ضروري تسوون اصناف غير اللي موجوده عند البوفيات الموجوده واسعار منافسه بالبدايه لسحب البساط منهم والنظافه مهمه والتعامل المميز يجيب الزبون غصب عنه

مابي احطمك بس ع حسب مفهومي " للمشاريع الحكومية " انها تكون فيه منافسة للمشروع نفسه " يعتبر ايرادات حكومية " ، وتقديم أوراق + سجل المؤسسه + خبره بمجال العمل ، هاذي شروط الكوفياًت والمطاعم في الكليات والجامعات ، والمدارس ..

الوافي مشكور ويعطيك الف عافيه ع الرد والنصيحة الحلوة
مااسالنا بس الطالبات روحنا شفنا البوفيات كيف شغلهم واسعارهم
واشتكو البنات من الاسعار المرتفعه وسوء النظافة وبمناسبه تقديم شىء غير
هذا كانت فكرتن مشروعنا


....مسامر الدله مشكور ويعطيك العافيه
ابد ان شاء الله مافي تحطيم لان الموضوع مدروس بشكل جيد وشغله شروط جامعه
عندنا باذن الله من يمشي الموضوع
بس مشكلتنا نبي الخطاب هذا اللي لازم نرسله للجامعه

ثرثرة مشاعر^ ياقلبي ماقدر ارسل بالخاص لان عدد المشاركات مايسمح
لازم تقديم خطاب بالمشروع يضمن فكرة المشروع والموقع
وكل مايحتوي مشروعك جامعه الاولاد عند ادارة المشاريع
لو كنتي بمكه في شخص مسوؤل عن هالاشياء ارسلك اسمه
اذا وافق على فكرة المشروع تنتظري موعد تحديد المناقصات وتقدمي مشروعك دراسه الجدوي والتصميم وفي شركات تكون منافسه
ان شاء الله يكون افدتك وفالك التوفيق يارب

ماحد راح يسوي دراسة الجدوى احسن منك
الموضوع مو كيمياء ،،، نزلي اي تمبليت وعبي الخانات فيه

http://www.jcci.org.sa/Arabic/servic...ريا%20فئةأ.pdf

هاذي دراسة مشروع لكافتريا ..
غيري الأرقام و المحتوى حسب الحاجة


نصيحة :
اقترح لتمييز أنفسكم عن الآخرين القيام باستبيان يتم توزيعة على الطالبات و بناء توجهاتكم و مشروعك بناء على الاستبيان .. مثلا
هل الطالبات في الجامعة تبحث عن أكل صحي ؟
هل يفضلن العصيرات الطازجة ام القهوة
هل يفضلن القهوة العربية ، المعمول ، الفواكه (تفاح يقطع شرائح عن الطلب - موز)
كوكيز ؟ تعاملي مع التاجرات في انستقرام
وجود استبيان يعطي انطباع للممول او الجامعي أنكم ستوفرون المنتجات المطلوبه

بالتوفيق