6000+6000=صفر

جبل شدا · #1 (**permalink**) 25-11-2014, 07:04 AM

[align=center][/align] بسم الله الرحمن الرحيم

السلام عليكم ورحمة الله وبركاته

كل شهر توصلني 6000 ريال غير الراتب ولله الحمد .

وكل تاريخ 25 من كل شهر يكون رصيدي صفر لا 6000 اللي قلت ولا 6000 اللي هي راتبي واخوكم بالله عزوبي يعني لا قدر فايح ولاورع يصايح .
وصارلي تقريبا 9 شهور وهذا موالي وحالي .

السؤال يا اخواني هو كيف استثمر هذا المبلغ وهو تقريبا 8000 ريال شهريا .

طبعا 6000 اللي غير الراتب و 2000 ريال من راتبي يعني 8000 .المشكله ان الستتة الاف هذي ليست مستمره يعني تقريبا سنه ونص وتوقف وودي قبل لا توقف القطاره اكون طلعت بمشروع او معدة او اي شي اشتغل فيه خصوصا مقبل علي زواج ومستقبل الله به يعلم .

وجزاكم الله خير

.

فايز الاحمري · #2 (**permalink**) 25-11-2014, 07:19 AM

ما لك الا ابوك او اخوك او حساب تقدر تحول له من غير صرافه يمسكها لك. انا متزوج ولله الحمد مصروفي انا واهلي واغراض بيتي ١٦٠٠ ريال. والباقي واعطي زوجتي من ٢٠٠٠ الي ٣٠٠٠ ريال شهريا.
مبلغ المصاريف ١٦٠٠ ريال لو احتاج ريال خبز والله اخذ منه بالرغم اني عندي في محفظتي وحسابي فلوس. والله بقي من ١٦٠٠ تقريبا ١٦٠ ريال. اخوي الكبير الله يحفظه من توظفت عام ٢٠٠٩ وهو يقول امسك لك فلوس وانا اقول لا انا بمسكها والله العظيم كنت عزابي اكل شارب وراتبي يصفي ١١٠٠٠ تقريبا ينتهي الشهر ولا ريال. سفرات عطور ومجاملات علي حسابي وانا اضحك ومبسوط ولا حسيت فيها الا بعدين . تمنيت اني كنت اسجلها في دفتر مثل الحين كان معاي لا يقل عن نص مليون اذا ماني مبالغ. انا توي لحقت نفسي وانا متأخر تكفي ياخوي الحق نفسك حدك عزابي قبل تتزوج وتحتاج الريال اللي كنت تلعب فيه

جبل شدا · #3 (**permalink**) 25-11-2014, 09:01 AM

والله يالاحمري اني ماقدرت وانا اخوك اجمعها

. انا اعرف نفسي زين اذا مالقيت شغله اشغل الفلوس فيها والا مستحيل يجلس ريال واحد .
الوالد متوفي عليه رحمة الله واخوي صغير .
ومن تسع شهور يعني من بداية مابداء هذا المبلغ يجيني وانا اقول لابد ان الراتب يبقي بدون ما اصرف منه ريال في الصرافه والستة الاف بتكفيني وزود لكن ماقدرت .
والحمد لله علي نعمه علي كل حال

الفلوس لازم اطيرها فقلت احطها في شي ينفع يعني لابد من مشيريع اطقطق فيه ويكون له مردود جيد خصوصا ان الفكرة تبدا من 8000 ريال ويكون فيه دعم لهذا المشروع شهريا ب8000 + الربح والرغبة والعزيمه موجوده والمحل موجود .

الاحمري أسأل الله ان يرزقك ماتتمنى وفوق ماتتمنى وان يبارك لك في مالك واولادك

عاشق المرقاب · #4 (**permalink**) 25-11-2014, 12:14 PM

هذا ودخلك 12 الف وآخر الشهر صفر

المشكلة فيك انت يا اخوي

اذا ال 12 الف ماتوفر منها شيء اسمح لي اقول لك ابعد عن المشاريع لأن ماعندك عزيمه

حتى لو كلامي شويه عليك لك انا لا اجاملك لانك طلبت المشوره

فالبدايه اعتبر راتبك 6000 والسته الثانيه انساهم

قسم رابتك 2000 فواتير واجار اذا كنت مستأجر
كل اسبوع اسحب الف ريال ولا تسحب غيرهم

استمر كذا ثلاث شهور وقلص ألف ريال يعني خل مصروفك 5000ريال

بعد فتره قلص لين يكون مصروفك الاسبوعي 500ريال فقط

الشغله تدريجية وتعود
فيه عوائل شهريا مصروفهم 5000 ريال وماشيه امورهم

الزبده وانا اخوك البركه في العائله دام امورك كذا اقدم على الزواج حتى يتبارك مالك
انا كنت مثلك عزابي تطير الفلوس ما ادري وين تروح لكن لاصار عندك عائله ومسئوليات رايح تمسك الريال

فايز الاحمري · #5 (**permalink**) 26-11-2014, 01:39 AM

اقتباس:

المشاركة الأصلية كتبت بواسطة جبل شدا

والله يالاحمري اني ماقدرت وانا اخوك اجمعها

. انا اعرف نفسي زين اذا مالقيت شغله اشغل الفلوس فيها والا مستحيل يجلس ريال واحد .
الوالد متوفي عليه رحمة الله واخوي صغير .
ومن تسع شهور يعني من بداية مابداء هذا المبلغ يجيني وانا اقول لابد ان الراتب يبقي بدون ما اصرف منه ريال في الصرافه والستة الاف بتكفيني وزود لكن ماقدرت .
والحمد لله علي نعمه علي كل حال

الفلوس لازم اطيرها فقلت احطها في شي ينفع يعني لابد من مشيريع اطقطق فيه ويكون له مردود جيد خصوصا ان الفكرة تبدا من 8000 ريال ويكون فيه دعم لهذا المشروع شهريا ب8000 + الربح والرغبة والعزيمه موجوده والمحل موجود .

الاحمري أسأل الله ان يرزقك ماتتمنى وفوق ماتتمنى وان يبارك لك في مالك واولادك

الله يرحم ابوك ويحفظ لك اخوك ويبارك فيه. انت استخير واستشير حراج الخضرة فيه رزق. اوقات الفراغ حاول تكد منها تتمشي ومنها تحصل علي مال يمنعك من صرف المبلغ اللي معاك. وعسي الله يوفقك ويسهل امرك ويرزقك اضعاف ما تتمني لي.

reeem22 · #6 (**permalink**) 26-11-2014, 03:08 AM

ورقة وقلم وجدول واكتب كل المصروفات عشان تعرف وين الخلل ووين تنصرف الفلوس
إلغي الغير لازم أو خفف منه ورتب الاحتياجات الأهم فالمهم

شوف دورة ريالي تستفيد منها
لان ادارة المال هي الاساس لو ماتعلمتها ماتقدر تدير شغلك وارباحك
https://twitter.com/riyali_ksa

داعمالنصر · #7 (**permalink**) 26-11-2014, 03:09 AM

بتوفيق

مهندس راايق · #8 (**permalink**) 26-11-2014, 05:50 PM

[align=center]

فيه برنامج عند البنوك مدري وش يسمونه محفظة توفير او شيء زي كذا
المهم تحط المدة المعينة مثلا سنة وحدة وتحدد المبلغ الشهري اللي تودعه في الحساب
يعني (8000 ريال ×12 شهر =96 الف)
ميزته انك ماتقدر تسحب اي شي من الفلوس قبل السنة هذي
وخلال السنة فكر في مشروع وخطط واعمل دراسة جدوى بعد السنة ابدأ مشروعك
هذا حل مؤقت عشان ماتصرف الفلوس في الهواء

موفق عزيزي ..

[/align]

al_waleeed · #9 (**permalink**) 28-11-2014, 10:49 AM

ابسط حل ادخل جمعية
او دخل فلوسك عند احد مشغلين التقسيط اذا ماتقدر تشغلها بنفسك

بالتوفيق

بيني وبين الريال · #10 (**permalink**) 28-11-2014, 11:23 AM

كيفية الاقتصاد في الراتب تراها مهمة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

6000+6000=صفر

قسم مشاريع وأفكار

بسم الله الرحمن الرحيم السلام عليكم ورحمة الله وبركاته كل شهر توصلني 6000 ريال غير الراتب ولله الحمد . وكل تاريخ 25 من كل شهر يكون رصيدي صفر لا 6000...

6000+6000=صفر

تسجيل الدخول

6000+6000=صفر

قسم مشاريع وأفكار

بسم الله الرحمن الرحيم السلام عليكم ورحمة الله وبركاته كل شهر توصلني 6000 ريال غير الراتب ولله الحمد . وكل تاريخ 25 من كل شهر يكون رصيدي صفر لا 6000...

6000+6000=صفر