مسااء الخير جميعاً!!

وش أفضل تخصص جامعي من حيث مستقبل التعيين والوظيفة بحسب رأيكم؟!

1ـ تخصص تربيه بدنيه في كلية التربيه .. ((( معلم تربيه بدنيه مثلا )))
2ـ تخصص لغة إنجليزيه في كلية الآداب ..
3ـ تخصص موارد بشريه في كلية إدارة الأعمال ..

أرجو التفاعل للي عنده خبره ومعرفه!!

اذا تقصد الاختيار من بين الثلاثه اللي انت كاتبها,
عني شخصيا الموارد البشريه تخصص ممتاز!!
في كل اعلان الاحظ من ضمن الوظائف الشاغرة = تخصص موارد بشريه

مساء النور ..

اذا عادي تسمع رأي البنات اسمع مني

بالبداية مافي غيرك بــ يحدد مستقبلك ربي يوفقك ويختار لك اللي فيه الخير ..

البدنية استبعدها لأسباب اول شي راح تحصر تعيينك في مجال التعليم فقط وبعد التخرج
يبيلك سنين على ما يجيك التعيين خصوصا مع نظام جدارة والنقاط والله بهذله ..

ادب انجليزي ياسلام بس من الناحية الوظيفية ما عندك غير التعليم ونادراً تجي مجالات وظيفية تطلب هالتخصص .!

كلية ادارة اعمال (موارد بشرية) ممتاز جداً
أنصحك في هالتخصص وكل تخصصات ادارة اعمال اعمال بنكية ، تسويق و ادارة عامة
هذي تخصصات وبنسبة للموارد البشرية كختيارك في سوق العمل مطلوبة بكل القطاعات الحكومي والخاص
في القطاع الحكومي في الإدارات بكل الجهات الحكومية
في المجال التعليمي كثير من المعاهد تعمل دبلومات موارد بشرية وتطلب مدربين خريجين البكالوريوس بهالتخصص .
اذا جينا للقطاع الخاص كل الشركات والبنوك تطلب موظفين موارد بشرية
من المستحيل تجد شركة تخلو من هالتخصص .!

الله يوفقك .

الرياضيات + الإنجليزي للتعليم

الهندسة للقطاع االخاص

المجال الطبي

البدنية .. مجالها ب التعليم اكثر وفيه احتياج
بالتوفيق لك .

الانجليزي له مجالات مو بس التعليم كمان مترجم وفيه شركات تطلب مترجمين وممكن تعمل لنفسك بالترجمه للطلاب
والموارد البشرية اشوف احتياج كبير عليها من الشركات اما الحكومي ما ادري

اول شي استخير
ثاني شي اشير عليك ب الموارد البشريه

اول شي التربيه البدنيه = ثقافته شبه معدومه هنا ومجال العمل جداً محدود والرواتب محدده ومتعارف عليها
الانجليزي = مجالاته كويسه لكن التعليميه رواتبها محدوده + والقطاعات الاخرى رواتبها شبه ثابته ولاتستطيع ان ترتقي الا في حاله كملت دراسات عليا وهذا شي مرهق نوعاً ويتطلب وقت كثير

الموارد البشريه = في جميع القطاعات الحكوميه والخاصه . ورواتبهم ممتازه كبدايه وتستطيع ان تدرج بأخذك لشهادات متعدده في البزنس تساعدك في رفع مرتبتك ان كنت في قطاع خاص . ويمكنك العمل في كل مكان بالموارد البشريه لانه مافي دائره خاصه ماتبغا موظف موادر و الدوائر الحكوميه تطلبهم

بالتوفيق

1- الانجليزية السبب اذا صار عندك انجليزي ميزة حلوة لك صراحة بتحصل وظائف رواتب حلوة قوية

اذا عندك بكالوريس انجليزي تقدر تتوظف في الادارة عادي

2- اداراة اعمال

3- بدنينة

الانجليزي سهل الواحد يتعلمه مو لازم يكون عندك بكالريوس عشان تعرف انجليزي
تقدر تدرس اي تخصص وبنفس الوقت تتمكن من اللغه
عندك مثال : السي بي اي كليه في جده تدرس تخصص اداره الاعمال باللغه الانجليزيه وقبل ماتبدا عندهم يعطوك سنه تحضيريه للغه
يعني بعد ماتتخرج تحصل على الاثنين انجليزي وبكالريوس في الموارد
وممكن تدرس الموادر في اي محل وتاخذ كورسات انجليزي

يعطيكم العافيه جميعاً..

طلال العنزي بصراحة اللغة الإنجليزية كانت هي مادتي المفضلة خلال دراستي الثانوية ..
جبت فيها 99 درجة من أصل 100 بالمعدل هههه وأستمتع بدراسة هالمادة وقواعدها ..

بس تعرفون الواحد يخاف يدخل تخصص حتى لو يحبه وبالنهاية يعاني في إنتظار التعيين!!

البدنيه سمعت أنه صار فيها عجز وتعيينها كـ معلم مثلاً يكون خلال سنة الى سنتين من تخرج الواحد!!
اللغة الإنجليزية مادتي المفضلة وبنفس الوقت سمعت أن مستقبلها محدود دام دراستها أدب انجليزي!!
الموارد البشريه ما عندي أي خلفيه عنها لكن نصحني فيها واحد مقرب أنها حلوه وممتازه!!

حالياً محتار ولكن الله يكتب اللي فيه الخير..شكرا جزيلا على تفاعلكم..الله يسعدكم ويستر عليكم..آآآمين