ادخلــــــــــــو بسرعه ضروري ...؟

عاطوله · #1 (**permalink**) 23-01-2007, 09:18 PM

اهلين وسهليم بالجميع ..

كل عام وانتم بخير .. عساكم بخير انشالله >> اخلصي عليهم

وش اقولكم .. انا متخرجه لي سنتين وجالسه في هالبيت مادورت وظيفه الحق يقال:o

لكن حبيت استغل وقتي وادرس انجلش مابي ادخل المعهد واجلس فيه عشر سنين وانا مافهمت منه شي ولا ابي معهد ياكل الفلوس اكل وانا مااستفيد .. راح وقتي وانا ادور مركز يعلم الانجليزيه صح واطلع وانا بلبل بالانجلش

معانتي الثانيه انا خريجة دبلوم محاسبه من خدمة المجتمع تبع جامعة الملك سعود لكن عندهم الشهاده ماطلعتها لازم ادفع فلوس حسوفه عليهم القهرانهم درسنا محاسبه والمفروض الواحد يطلع بلبل اول ماسجلت عندهم اشوف تخصص المحاسبه سنتين كاتبين انجليزيه مكثفه قلت ماشالله حلووو اتخرج من عندهم معي دبلوم محاسبه واصيربلبل انجلش صارت انجليزتهم مثل وجيهم ندرس انجليزي القواعد من اول وجديد ولا فيه مكثف ولا يحزنون

قلت لكم معاناتي .. ابي مساعده منكم

انا معي دبلوم محاسبه واخذت دروه شهر في العلوم البنكيه ؟وين القااء وظيفه

والي يعرف اي معهد زين يدرس الانجليزيه وباسعار معقوله لايبخل علينا

انشاءالله تفيدوني اخواني ..

خريجة عاطله · #2 (**permalink**) 23-01-2007, 10:12 PM

هلا وغلا اختي عاطوله

الله يوفقك ويكتب لك اللي فيه الخير

وانتي قلتيها بنفسك انك ماقدمتي ولا دورتي

ابحثي عن الوظائف اللي تناسبك وروحي قدمي بكل مكان

وان شاء الله تلاقي الوظيفه اللي تناسبك

بالنسبه للمعاهد فيه غيري عنده معلومات تقدر تفيدك

والله يوفقك اختي

أميــرة الــورد · #3 (**permalink**) 23-01-2007, 11:03 PM

طيـب يالغلا انتي من وين.؟!
اذا الرياض بأقدر افيــدك ان شاءالله

موفقهـ ^_^

المحاسبة · #4 (**permalink**) 23-01-2007, 11:43 PM

الكل يمدح المجلس البريطاني في حي السفارات

r-w · #5 (**permalink**) 23-01-2007, 11:57 PM

بالتوفيق خيتووو

الله يفرج همك يارب

هرجك_عسل · #6 (**permalink**) 24-01-2007, 12:11 AM

بالتوفيق يابنوتة

برب

عاطوله · #7 (**permalink**) 24-01-2007, 04:37 AM

يعطيكم العافيه حبايبي . جميعا

اميرة الورد ..

وبالنسبه انا من وين >> من الرياض طال عمرك ..

المحاسبه ...

لكن مشكلته بعيد حبيبتي .. طيب كيف تدريسهم .؟ ممكن تفيديني اكثر .؟اذا على التدريس كويس واسعار معقوله ماتهم المسافه ..

وشكرا لكم على تعاونكم ..