السلام عليكم

مشروع صغير لكن الكثير يقول انه مربح !!

أنت متوقع علاقه تجيب لك دخل مربح ,, علاقــه ي ولد مهي معقــولـه ولا تخش بالي لكن الصدق ينقال عــلاقه فيها دخل مربح < بعترف بذا الشيء = *(

حسافه اني ما جمعت العلاقات من طفولتي وانتهت هوايتي بطرد قطاوة الحاره = *(

بتكلم على حسب المعلومات اللي لدي واتمنى الفايده = )

تقريبا تحتاج مكينه لصنع العلاقات وتحتاج لمواد خام لانتاج ( السلك ) العلاقه ومساحه صغيره للجهاز الصانع ومكان تخزين للعلاقات وما اتوقع ان تحتاج رخصه ,, متخيل بس بساطتهـآ = \

على حسب اللي فهمتـه ان ممكن ان تربح من خلالها باليوم ما يتجاوز 1000 ريال < متخيــل انت علاقه 1000 ريال منها باليوم = *(

لكن تحتاج لرجال ذيب يقوم بتصريفها وعلى حسب اللي افكر فيه ان اغلبهم اصحاب المغاسل والمشاغل ومحلات الملابس او الشركات المنتجه لها ( شركات مصنعه للملابس ) تقريبا والله اعلم ^^

طبعــآ خويكم نقز ع المواقع ودور عن سالفة المكاين لكن لقيت المكاين تختلف عن بعض واذا تطلبها من برا بتطلع ارخص بعد

المكاين تقريبا تبدا من 8000 ريال والعلم عند ربي لكن وحده تكفي مبدئيا

المواد الخام ( السلك ) تقريبا 4000 ريال والعلم عند ربي شركه ممكن تراعي وممكن ترفع

ف علشان كذا جاي اطرح عليكم ذي الفكره نتناقـش فيها واستفيد منكم وتستفيدون وانفيد غيرنا = )

طيب السؤال هنا هل عندك دراسه جدوى مفيده عن هذا الموضوع او خلفيه عن هذا الموضوع او تجربه ^^

انت بالرياض وانا بمكه وذاك مدري وين وكلا بديره

لا تبخــل على احد من علم لكن اسرار مهنتك خليه لك .. بس فكرة المشروع ربما تفيد فيها ناس قد يحتاجون لها وتكسب فيها دعوه جميـله

باتوفيق

فكرة طيبة من انسان طيب

السلام عليكم
اخوي حسب ما اعرفه من اللي اشتغلوا بالعلاقات واشتروا الهنقر وتعبوا اخرتها يطلع راس براس لأن الشركات اللي تبيع لك السلك عندها هناقر وخطوط انتاج للعلاقات وماتسمح لك الا بهامج ربع مايسوى تعبك , هذا ان قدرت تصرف والله اعلم

الله يوفقنا جميعا ي رب

هي الفكرهـ مهي بطاله لكن الوضع في التسويق لعلاقاتك ^^

غالبيا اللسان

اللي سمعته قبل كم يوم يقولون ان هامش الربح ممكن يكون 25 ع 500 حبه من العلاقات والاله انها تنتج ما يقارب 19 الف في اليوم الواحد

لكن لو بعد تكسب 50 او 100 في 500 حبه لازم تسسوق للمشروع هنا الهدف الاساسي اللي هو التسويق والدخول في اكثر من شركه واعطائهم عروض معينه والخ = )

ي غالي مو بعض المخابز يجونك يقولون بكم تشتري العيش من هناك تقلهم بخمسه الكيس يقلك ابيع لك ب 4 ^^

والله فكرة طيبة ، ياليت حد يفيدنآ

اهلا اخي

هذا موضوع قديم في مشاركات قديمه لي ان شاء الله تفيدك

https://www.btalah.com/showthread.*****..E3%E1%C7%C8%D3

مشكلة مشاريع علاقات الملابس انه في احتكار واعرف اكثر من مصنع اغلق بسبب المواد الخام لانه محتكر وغير مجدي فتح مصنع خاص بعلاقات الملابس
بالنسبه لهامش الربح لا يتعدى ريالين في الكرتون ويمكن اقل ولكن هم يعتمدون على كميه المبيعات والان مصانع العلاقات الملابس اتحدت واغلب اللي في السوق من مصنع اتحاد الاسلاك ولكن بأشكال واسماء اخرى يعني احتكار
تحياتي

يعطيك العافيه السلاطين

قمممة التحطيم والله ويش بقوو لنا مع ان الله رازقهم لكن مو بمشكله ذكروني بالمافيا الاجنبيه والعربيه

اذا دخلت بمحل وشافو محلك يربح اكثر منهم نقصو باسعارهم لين يخسرونك

الفكره حلوه لكن الاحتكار شين = (

لكن السالفه هنا هل في امل اني استورد من الخارج مواد خام ارخص من هنا ولا مجبور اني اخذها من هنا المواد الخام ؟؟ وهل تصريفها بيكون سهل او بيكون اصعب من المتخيل ؟؟

غالبيا التصريف يكون عن اعالانات وتنزل تسوق لنفسك فهل راح اجد صعوبه بذا المجال

واكيد ما اتوقع ان الواحد راح يعتمد ع صناعة علاقات فقط لو فهم الية الاله وعرف ايش ممكن من امكانيات يقدر يسوي فيها