تفاهة الدنيا بعيني من بعد جرحي الاخير
تفاهة احلام الفقارى في.. عيون الاثريا*

يارب جعل اسمي ما يذكر بالحياه الاّ بخير
وجعل طموحاتي لـ فعل الخير مافيها ريا

انا الفقير اللي يواسي عمره ان قالوا فقير
بالجنه.. وسذاجة المترف.. وزهد الانبيا

شاعر ويجذبني على بوح الشعر سلك الحرير
واقول ما لا افعل واغنّي لـ الظلام ولـ الضيا

امدح فعل سابق واهل معروف واقدّر كبير
واعطي الرجال حقوقها وافخر بفعل الانقيا

واموت ما ذليت عمري عند شيخ وعند امير
انا لو ان مافي يديني شي ، في وجهي حيا

وأكره دروب العشق لكني ليا فاح العبير
اسري لها مساري العسّاس لديار الحيا

حبيت لكن غلطتي بالحب حبيت بضمير
واللي يحبون بضمير وصدق دايم اشقيا

ياقلب سامحني.ع اللي صار واللي مايصير
الحب غفوة عقل ما بين الهدايا والغيا

جرح الخوي غير الجروح وجرح من حبيت غير
هذي شياطين الجروح وما سواها الاتقيا

ومن كثر ماجاني من الاثنين فالوقت الاخير
احيان ودّي ما على الدنيا.. حبايب واخويا



مما راق لي
للشاعر / محمد جارالله السهلي

صح لسان الشاعر

تسسسلم الايـآدي على
روعه طرحك
الله يعطيك الف عافيه

لاهنتم ع المرور

احترامي ..~

رائعة تسلم يدك

انتقاء مميز ..

صح لسانن الشآعر

وتسلمِ يمين النآقل .

سبايدر مان
اكابر
عاطل يستلم حافز

نورتوني بطلتكم
لاعدمتكم ..

صح لسااانك

صح بدنك

لاهنت ع المرور ..؛