السلام عليكم

هنا بيكون تجمع المرشدات المعينات بالقريات

صح في البداية حزنت لاني هناك لكن لعل الله كاتب رزقي وخيرة هناك
خطوة جديدة بحياتي خاصة هالوظيفة مرشدة طلابية يعني برقبتك امانة طالبات و تحتاج للانسانية قبل تكون رغبة واسال الله ان ينفع بي وبعلمي في ارشاد طالبات الثانوية خاصة هالمرحلة تحتاج لدعم اقوى هم ثمرة ولازم نعرف كيف ننميها وانا الحين همى الوحيد كيف رح اعتني بالثمرة واسال الله ان يوفقني ويوفقكم في تنمية جيل ناجح و نكون قد هالوظيفة وندعم ونقدم علمنا لوطنا

الاخصائية النفسية : عائشه احمد

طبعا انا بالرياض ولا اعرف شيء بالقريات فاتمنى من المعينات بالقريات يكون بيننا تواصل
عشان نتساعد في سكننا ومواصلاتنا

اللي تبي سكن تقرى موضوعي

وترسل رقمها خاص عشان اتواصل معها

واحب اطمنكم المنطقه هاديه وصغيره وفي خدمات متوسطه واهلها طيبين وانا لي ٣ سنه هنا

انتي كاتبه بالموضوع تبي مبادله ياحبيبتي انهو حركه التبادل

بين المعلمات من قبل كم سنه توكلي على الله

موفقة

السلام عليكم انا نزل تعييني بالقريات ويسعدني انضم لهالتجمع

اوووول شغله عندي


وشلون بتروحون للمقابله من الرياض سفر ولابر ؟

مساء الخيررر

انا مثلك يا ام ديمة ماعرف شئ ابد

لكن الله يجزي خير (هنا القريات)
a_r_h_m430@

هذا حسابي بتويتر وبعدها ان شاء الله تسوى لنا قروب بالواتس اب
واتمنى نسكن قريب من بعض ونجيب لنا سواق يكون يودينا كلنا يسهل علينا من المشورة



طبعا مقابلتي يوم الثلاثاء 17_2 الوقت الظهر 12

وانا تونى بالرياض وابوى رح يحجز لنا وبنروح طيارة بأذن الله

بس وش المطلوب منى بالضبط اجيبه معي

و الكشف الطبي اسوى هنا بالرياض واروح والاكيف لان طالبين بالكشف تحليل وكذا كيف اسويها بيوم يبيله اكثر من يوم اتوقع

دلونا وش نسوي اننى ب حيرة من امري

ام ديمة احنا اسعد

و وبر صعبة مرة مارح توصلين القريات الا وانتي هلكانة وتعبانة وهذا بيضرك بالمقابلة

فنصيحة روحي واحجزي لك طيارة

عشان توصلين وانتي مرتاحة ومهئية نفسيا للمقابلة

موفقة قلبي

الحجز فيه ترانزيت للحين ماقررت بالضبط الله يعين

بنات ضروري يكون معك ملف اخضر وداخله
٣ صور من الشهاده
٣ صور من حساب البنك
٣ صور من بطاقتك الشخصيه
وضروي يكون معك الاوراق الاصليه للمطابقه
واحتياط كرت العايله
وشهاده قياس اللي اختبرها من ٣ صور
راح تاخدها منك الموظفه وتعبي عندها استماره وبتحطيها بملفك وبعدها
بتروحي لغرفه ثانيه فيها مقابله شخصيه

حاولي المكياج يكون ناعم واللبس محترم ومحتشم واقري عن تخصصك وايش هدفك من الوظيفه وثقفي نفسك واهم شي الابتسامه والهدوء بالاجابه

بعدها يعطوكي ورقه تحليل طبي بتروحي المستشفى وعاده يطلع التحليل اليوم الثاني بس تروحي تاخديها وتعطيها لهم يحطوها بملفك
وبعدها اساليهم متى اباشر وهم بيقولو بعد اسبوع او الفصل الثاني ع حسب الخطه حقتهم

طبعا بالنسبه للسكن في شقق مفروشه ايجارها لو غزفتين وحمام ومطبخ بالشهر ٤٠٠٠ الى ٣٠٠٠
ولو غرفه وحمام فقط مابين ٢٠٠٠ الى ١٥٠٠

الخدمات متوسطه في سوق نسائي يعتبر شعبي لايوجد مركزي
وفي مطاعم مثل كودو الارنب الجايع مطاعم رز بخاري وكبسات تفتقر المنطقه للمطاعم المعروفه
في مكتبتين شبه كبيره مثل الخلف ومكتبه الشرعان وسوبر ماركت في اكثر من ٣
والجو الان بارد شديد البروده انصحكم بملابس شتويه

بالنسبه للسكن انا عندي شقتي انا فرشتها وفيه عندي غساله وثلاجه وتلفزيون بالصاله
وباقي غرفتين عندي غير مفروشه اللي تبي غرفه ايجارها ٤٠٠ ريال + المشاركه بالكهرباء
هنا بالقريات الاثاث يعتبر غالي
لايوجد ليموزين سيارات سواقين بالمنطقه قليل حاولو اول ماتجو تدورا سواقين اغلبهم مرتبطين مع بنات بس اسئلو السواقين هم يقولو لكم عن سواقين

بالنسبه للقرى ابعد منطقه للقريات العيساويه تبعد عن المنطقه ٩٠ كيلو

وقليب خضر ٨٠
والناصفه ٤٥
وغطي ٢٠
والعقيله ١٠
وفي قرى اخرى حولها

وابشركم الخط دولي مسفلت

لااريد منكم غير دعوى يعجل نقلي هالسنه
واي سؤال انا موجوده