[align=center]بسم الله الرحمن الرحيم

السلام عليكم ورحمة الله وبركاته

اخواني وخواتي

انا شخص عندي مشروع وحبيت ستشير اهل الخبرة

اول شي انا موظف في شركة وراتبي الحمد الله حلو لاباس وعلي قروض قرض زواج

وقرض من بنك ثاني

المهم انا عندي فكرة مشروع حلووو

وعندي شخص راح يمول المبلغ للي تكلفة المشروع بحدود 120 الف ريال

راح اتفق معاه على ان المبلغ يكون سلف او دين ويرجع له على اقساط يتم توزيعها على فترات من دخل المشروع

او يدخل معي بنسبة 40 بالمية بدون اي تدخلات بالمشروع

بالنسة للمشروع المشروع ناجح جدا واعرف 2 من ربعي او صحابي

عندهم نفس المشروع والفكرة

المشروع الي بخاطري وعندي خبرة وخلفية كبيرة فيه هو

افتتاااااح محل كفي شوب طلبات سياره مثل ( قهوة الطريق او دربي )

طبعا انا براسي افكار جديده كديكور وتقديماااااات الخ ..

طبعا دخل الكفيات هذي يترواح من 15 الى 20 الف شهريا

والصافي بعد المدفوعات يوصل 8000 ريال الى 10 الف ريال

انا حصلت موقع ممتاز واجار ممتاز جدا ايش رايكم يالاخوان

توكل على الله واخذ المبلغ من الشخص الي راح يمولني ايش تشورون علي

يشاركني او اعتبرة سلف

عطوني مقترحاتكم بفكرة المشروع والتمويل [/align]

والله يا اخوي ما أدري وش اقول لك

بس أنت عليك قروض ، لو تسددها أول وترتاح احسن
عليك قرضين / وفوقهم 120 الف

كم أجار المحل شهري ، ويبي لك عاملين : ومعدات وديكورات اتوقع اكثر من 120 الف

انا ماودي أحبط من معنوياتك ، أنا عندي 3 محلات كوفي شوب ف منطقه و 3 محلات كوفي شوب بمنطقه

وللحين مافكرت أفتح كوبي شوب سفري : لأنه ممكن ينجح أو يفشل مافي حل وسط

المحلات على الاقل حتى لو تفشل : دخل المباريات فيها يمشي الحال ويغطي الخساير

أستخير ، ولا تحسب حساب أن المشروع راح ينجح على طول حط 99 أحتمال انه يفشل وسد ثغرات هالاحتمالات : وحط أحتمال واحد انه ينجح وقاتل عشان هالاحتمال

والله يوفقك يارب ويوفق الجميع

اول شي لازم تسوي تنظيم لسداد ديونك

ثاني شي : اذا دخل شريك فمعناه انت مادفعت ولاريال انصحك تعطيه نسبه اكبر من نسبتك ويكون لك راتب بعد نجاح المشروع لإنك المشرف على المشروع وهو بيتحمل الخساره معك ..

اما اذا مابغيته شريك فبتزود الديون عليك سواء نجح المشروع او فشل لاسمح الله

ياخوي توكل ع الله وسم بالرحمن

افتحه وبذن الله تنجح وتطلع وهذي دخلتها براسي وبذن الله افتحه

توكل ع الله لو دخلك بسيط راح تربح أن شاء الله
موفق يا عزيزي

اعتقد شريك افضل من موضوع القرض