السلام عليكم ورحمة الله وبركاته
بعد تفكير عميق قررت افتحل محل خضار وفواكه في مدينة الجبيل البلد وحصلت المحل لكن انا شخص ماعندي اي خبره في هالمجال ولا اعرف وين موقع حراج الخضار والفواكه في الدمام ولا اعرف لاسعارها وطريقة التعامل مع الخضار والفواكه ومبتدئ جدا في التجاره بشكل عام وهذه اول فكره لي ..

الاهم ابي شخص نشيط شاب يكون متفرغ ويكون يساعدني في البدايات ويدرب العامل ويعلمني كيف الاسعار ويتابع المحل ويبشر بالخير طبعا .. او يكون شريك معي وهو الافضل النص بالنص

طبعا راح اسوي خدمة توصيل مجاني للصناعيه واحياء البلد

فيا ليت لو احد عنده خبره ونصيحه لايبخل علي فيها واسأل الله التوفيق للجميع وشكرررررررا لكم

معقول مافي احد

فيه وانا اخوك
انا من الدمام وبعض المرات اطب حراج الخضار الصباح بدري الساعه 6 او 5 ونص .
طبعا حراج الخضار اذا بتروح تخلي رامز على يدك اليمين وتمشي اشوي الين يجيك بوابة السوق على يمينك وتدخل منها وتمشي اشوي تحصل مشتل على يمينك بعد المشتل ادخل يمين وتحصل الحراج قدامك زحمة السيارات.
اما بخصوص الاسعار فتختلف حسب الموسم الصيف ولا الشتاء والبيع هناك جملة وبتحصل ناس تفرد .
مره تحصل خضرة الرياض ارخص من الشرقية والعكس .
اما بخصوص الفواكه تروح لثلاجة ابار وزيني و الشربتلي وتشتري منهم الفواكه.
انا طبعا كنت اشتغل بهذي الشغله قبل 10 سنوات فعطيك من الخبرة الي اكتسبتها.

اي شي تبيه اسألني انا دايم اتردد على السوق ومن عشاق السوق خاصة الصباح شي يرد الروح
تشتري حتى لو مانت محتاجه.
صدقني لو تحطلك ثلاجة داخلية ذو واجهه زجاج للدجاج المبرد والصدور والمفروم والبيض راح يكون محلك توب لانه شامل كل مايحتاجه اي بيت.
بس طبعا الاسعار بسوق البيض والدجاج بنفس السوق يفرق تقريبا ريال او ريالين عن السوبرماركت فمابالك لو خذيت من الموزع .

حلو طيب تواصل معي اخي ارسلت لك بالخاص

ماوصلني شي

اخوي يبدو في مشكله بالرسايل لو ترسل لي رقمك ماعليك امر