بسم الله الرحمن الرحيم

حتمااا اعدتو قرائة الرقم لتتأكدو من المبلغ . . .

نعم 800 ريال ..

كلمتني احد الزميلات واعطتني رقم وقالت لي : اتصلي تبي موظفات

انا انبسطت وقلت اخيرا بتوظف لو راتب 3000 .. واتصل وتسالني اساله طويله عريضه بالنهايه كم الراتب ؟؟؟؟؟؟؟؟؟؟

800

مدري وقتها اضحك ولا ابكي !

سالتها طيب مافي غير المقصف مثلا كفتريا بالجامعه سمعت انو روابتهم الفين وعليها .؟
قالت لاهذيك غير .؟

طيب مو سمعنا خبر بعد انو اقل راتب يكون 1500 ؟ وين هالخبر من المقاصف بالمدارس ؟

البعض يقول هي تبيع بس ساعات معينه يعني ماتشتغل كثير ؟ فتستحق هذي الطفسه / ايش يابوي ؟

هي مو بس تبيع هي تحمل كراتين المويه وكراتين الطعام الي تبيعه وغير عد الفلوس لما ينتهي البيع ..

وتطلع من بيتها من 7 الى 1 ونص ؟ وكل هذا عشان 800 ريال .؟ ولااااه ولما كلمت وحده تقرب لي قالت لي نصيحه ابعدي عنهم حراميه واستحاله يعطونك 800 ينقصوها احيان الى ان تصل الى 500 ومرات يتاخرون بتسليم الراتب ؟


مانقول الا حسبي الله ونعم الوكيل حسبي الله ونعم الوكيل

راتب الشغاله اعلى من راتب السعوديه .. الله يالدنيا .. هذا وانا بكالريوس .. وافكر بهالوظيفه اهم شي بس ابي اشغل نفسي .. اقلها اقلها يراعون الشهاده راتب البكالريوس غير والثانوي غير والمتوسط وهكذا ..

هههه الا سمعت انهم يفضلون قبول الجامعيه بهذا المجال ..


ولاحول ولا قوة الا بالله

والله مسخرة


800 البنقالي راتب 2000






اقل راتب للسعوديين 3000 فقط

والله مشكله لكن شيء افضل من لا شيء ، يعني اعتبري الوظيفه لكسر الروتين واشباع الفراغ
وترى بعض الوظايف البسيطه تقدرين من خلالها تكونين علاقات وتاخذين حقك
عموما لك القرار ، وانا لو مكانك رفضت حقيقه ، يعني كلامي السابق مجرد مثاليه

تاكدي انهم راح يسجلو اسمك في التامينات باعلى من هذا الراتب 3 او 3 ونص

وراح ياخذو دعم من الموارد نص الراتب 1500

اذا حيوقعوك على عقد عمل ويسجلوك في التامينات وافقي

واليوم الثاني اشتكيهم

لان نظام الدولة يقول اقل راتب 3 الاف

فلو سكتي عن الظلم والنصب اللي جالس يصير يكون عليك ذنب

الصامت عن الحق شيطان اخرس

تفكيري بالمقصف كان 20 بالميه ولا مو جاي ببالي اوافق ابد .. وبعدين وش فايده تغيير روتين وكرررف على 800 والله عمره ماتغير روتيني ..


طبعاا اناا ولله الحمد بنفس اليوم جتني رساله من نفس الي قالت لي عن المقصف عن حاجه احد الحضانات لحاضنه واليوم باشرت التدريب لمدة اسبوع .. العمل متعب لاكن راضيه براتبها (1500) وبدون تامينات يعني الحمدلله الضمان يضل يمشي لي وبكذا يكون كني استلم كل شهر 2900 / لانو الضمان يمشي لي 1400 . وكل سنه ونص استلم المقطوعه 12 الف .. الحمدلله لاكن ان شاء الله اترسم لانو الان فترة تدريب وبعدها تقرر اذا اداوم معهم ولا لا .

حسبي الله عليهم عالم نصابه يستغلون حاجة الناس وهم المستفيدين ياخذون اسمك سعوده


والله لو تبيعي فطاير بالانستقرام تجيبي دبل الطفسة اللي معطينك خمس مرات

ربك يعينك