[align=center]
عجيب امرك لاتسئلون عن الوظيفه ولا راتبها ولا راح تعلق ولا نستفسر وبالنهاية مؤسسه

وانت منزل اعلان وكله اخطاء املائيه فادحه ومع ذلك لاتسئلون وتهدد

بالله هذا اسلوب واحد يبحث عن موظفين

ورد على شرطك تحمل ضغط العمل مهم جداً

انت مو جاي تتحمل اسئلة وردود الاعضاء بالمنتدى كيف بتتحملهم على الطبيعه في حدود العمل

كن خيراً نكن لك اخير

نصيحة اخويه لاتتلعبون في الناس ومشاعرهم ولا تأملون احد بوظيفة وبالنهاية تسحبون عليه بحجة ان فيه شخص انسب منك تقدم للوظيفة


حدد أمورك و اولوياتك ثم اطرحها هنا

على الرغم اننا عارفين انكم تبون الموظفين علشان السعودة

علشان تضغطون عليهم وتخصمون من رواتبهم على اتفه الاسباب وانت تكون مستفيد من الجهتين الماده و السعودة



والله ولي التوفيق


[/align]

الى جميع الأخوان يرجى فهم الأمور عساس ماتنلبس عليكم

لم يكن هناك تهديد ومن حق كل شخص ان يسأل في وقت المقابله وليس بالمنتدى هذا قصدي أرجو عدم ظلم الناس دوةن فهم القصد.
وبنسبه للي يقول لو توظفت عندكم أخوي أنا احتاج رجال بمعنى الكلمه يعني يتحمل ضغط العمل مو يجيني يداوم وبالاخر يقول ماتحملت ضغط العمل ولهذا الاسباب الي حصلت من قبل تم طرحها الآن.
وبنسبه لأخوي الي يقول أخطاء أملائيه يا اخي ماجيت أختبر أنا أملاء جيت أعلن وأكيد ماراح أرد على التعليقات الي مجديه بالنفع ويا أخي الكريم مؤسسة ولا شركة ولا بقاله لاتفرق ولا يجوز الاستهزاء بأرزاق الناس وربي قدر راعي الحلال أن يفتح مؤسسة يعني خلاص مؤسسة محد يتوظف ولا وش سالفه.

وبنسبه للراتب الي يتطنز ويقول 10.000ريال لاتفتي وأنت لم تعرف الراتب.

أختصارآ للأسئله وسوء الظن.

التهديد الي فهمتو كان المقصد منه عدم تفرع الاسئله بالموضوع وبسبب بعض الناس الي فاضين للمنتدى يجون ويدورون المشاكل.


أخواني الكرماء من حق كل شخص أن يسأل عن الراتب والامور الاخرى بوقت المقابله وبعد قبوله أما قبل للأسف لانستطيع افشاء الامور هذه أمام الناس.

وبنسبه لأخوي الي يقول سعوده وماده يا أخي الكريم لو كان كل الشركات تفكر مثل هذا التفكير كان محد توظف, وياكثر الشركات الي تدرب السعودين فقط على اساس السعوده, فلا تظلم وياليت تقفلون المواضيع لاني تعبت من الاسئله الغريبه.


حرصآ مننا لانهاء الاسئله.

الرواتب تبتدي من 6000 الى 10.000 للوظائف المطروحه.

من ناحية الاسئله الاخرى لاتستعجل يا أخي وقت المقابله راح تعرف كل شيء وراح نجاوبك على كل الاسئله الي تحتاجها.

ويا أخوي بسك ظلم ترا ذبحتونا كل دقيقه مشاعر الناس كأننا قاتلين أحد يا أخوي هذا الاعلان ومليون شخص يقدم وتتراوح الخبرات والمعطيات للمتأهل وهي كلها ثلاث وظائف يعني لمن نسوي مقابله ل 15 شخص راح يطلعون منهم 12 شخص ولا يتوظفون.

يا اخي الكريم ويا أختي الكريمه مو كل مره بيجي واحد ويقول سويت مقابله وما قبلتوني يا أخوان مو بقاله هي كل من جا بنوافق عليه وتم قبول الكثير وهذا هم يدامون معنا.

فا أفهمو طبيعة التوظيف مو كل من تقدم راح يتوظف.

ويا أخوي والله أنت ماتدري أن الرد على الاستفسارات تضيع الوقت ولا في فايده منها الي يحتاج الوظيفه راح يقدم وبعد أختيار سيرته الذاتيه راح يتم الاتصال به ومو شرط كل السير الذاتيه تنجح بالاختيار عاد حسو شوي بمشاعر الناس على كلام الرجال, مو ذنبي الي مايفهم طريقه التوظيف ولا يفهم أن في ناس غيره متقدمه وفي آليه للأختيار.

ومو شرط أثبت أن تم توظيف العديد ولكن الحمدلله من 700 سيرة ذاتيه تم توظيف 30 موظف, ولذلك العدد الباقي هو الي يتحلطم علينا بالمنتدى.


أعتذر على الاطاله.
ونكرر التهديد الي تعتبرونه تهديد هو حرصآ مننا أن لا نجاوب الاشخاص كالماضي ويتأملون بالوظيفه وبالاخر يجي بالمنتدى ويقول انا وافقتو علي ويطلع كل الرواتب والمواضيع كلها ويشوه سمعة المؤسسة.
كنت حريص ان الي يتم أختياره بالمقابله له الحق في الاستفسار وهذه الأمور.


ومن الآن أعتذر من كل شخص تم ارسال سيرته الذاتيه خارج عن موضوع HR وأعتذر لمن لم يكتب بالموضوع الوظيفه المطلوبه, ليس لدي وقت أن أفرز كل هالسير الذاتيه وهي لاتخص الوظائف المطروحه ولا توافق الشروط.


تحياتي للجميع.,


اليوم أخر يوم لاستلام السير الذاتيه لانها وصلت 200 سيرة ذاتيه وأعتقد أنها كافيه جدآ, وهي كلها ثلاث وظائف بس عشان تفهمون أن ماراح نوظف 200 شخص.

تحتاجون مساعد إداري عندي خبرة ف العمل وجاد بالعمل ؟

ي استاذ رامي، من المفترض ان تختار عبارات مناسبه، عند المخاطبه وتختار كلمات تجذب المتقدمين ع الوظيفه، وعبارتك ، للاخت ، جا واحد احسن منك ف عباره ثانيه اسمها.. جا شخص وقبلناه ، لانه مناسب للوظيفه الشاغره، حاول، تتكلم باحترام، ومع احترامي لك ، نصيحه، لك اختر الجمل المناسبه ، وفي كتاب تحصله ف مكتبةة جرير اسمه ، اتش ار، ب خمسين ريال تحتاجه كثير ويعلمك كيف تتعامل مع الناس
واسف ع الاطاله بس حبيت اعلق ع كلمةة احسن منك،، .. وسالفةة لنك تمنع السؤال عن الراتب هذا مو من حقك.. ابد في قوانين للمنتدى ،
الشي الثاني.. من المعروف .. ان الشركه القويه تصرح بالراتب ان كان 7 او 8 الاف
بس بما انك استحيت تصرح بالراتب هذا يدل ان فيه مشكله الراتب
،،

حالته، مستعصيه، اعتقد مو خسران شي اذا الراتب ، كل الشركات تصرح برواتبها

السلام عليكم للجميع
اخواني اعتذر للكلام وطريقه كلامي واسلوبي معكم يمكن من كثر الضغط واشياء اخرى منها بعض الاعضاء الي سببو لي العصبيه في ردودي
على كل حال بعد نصيحه اخوي ايوب الحربي لاحظت ان ليس كل مايكتب يمكن الناس تفهم القصد ولابد من طولت البال.
وبصراحه اشكره على النصيحه.
لذلك اعتذر من اخوي تركي والكل رغم كلامهم لي ولكن مقبوله وراح اشتري الكتاب ولاتزعل.

بنسبه للوظائف الراتب يتراوح مابين 6750 الى 10.000 ريال
والمؤسسه في حالة تأسيس وضغط بالعمل ولها نظريه في الايام المقبله انها تصير شركه والحمدلله الاعمال ماشيه
لها فرع بالجبيل والمكتب الرئيسي بالدمام في قسم نسائي متكامل وقسم التشغيل وقسم الخدمات وقسم المشتريات وقسم التخطيط والتدريب وقسم الموارد البشريه.
حاصله المؤسسه على شهادة الايزو .
عمر المؤسسه خمس سنوات
لها عقود تشغيل وصيانه كثير من الشركات ومن اهمها الزامل والميناء والبواردي وبعض شركات الصناعيه الثانيه ورضايات.
وحاليآ في نهاية عمل عقد مع مؤسسة بناء العطا - مؤسسة خيريه تعمل في خدمة المجتمع ونحن بأذن الله سنكون الراعي الاستراجي لهم.
لنا نظره في تبديل موقع المؤسسه الى مكان افضل في الايام المقبله.
اوقات العمل بالوقت الحالي: 8الى 6 مع بريك من الساعه 11:30 حتى الساعه 1.
جميع من تقدم للوظائف وتم قبوله ولم يتم الاتصال به لايشيل هم سيتم الاتصال به في الايام المقبله.
وبخصوص النساء الرجاء مراجعة قسم النساء في المؤسسه للاستفسار.
الحمدلله المؤسسه كلها شباب ورجال شرواكم ولا حد ياخذ فكره اني عصبي بالعمل بالعكس ان شاء الله الي يتوظف معي راح يشوف كيف انا دائمآ مبتسم واضحك.

تعطي المؤسسه تامين طبي بوبا للموظف وعائلته. وللنساء الموظفات وهنام تقييم كل ثلاثه شهور للزياده السنويه.
العقود معتمده من مكتب العمل وصندوق الموارد البشريه.
المؤسسه تعطي الموظف المبدع دوره تدريبيه ترفع من ابداعه وتعطي دوره تعليميه للموظف الذي يحتاج للدعم.
المؤسسه تسمع لاقتراحات الموظفين ولا تفصل موظف الا بعد التحقيق معه حتى يتبين الخطأ من مين.
ولا يتم قبول الاستقلله حتى يتم معرفه الاسباب حتى لانخسر الموظفين.
اعتقد هذه ابرز الامور للمؤسسه.

وارجع واشكر اخوي ايوب الحربي على رفع معنوياتي وليس غلط ان للانسان يغلط ويلقى من ينصحه لان اليوم النصيحه ببلاش بكرا تكون بفلوس واحتمال حتى بفلوس محد ينصحك.
فا اشكر هذا الرجل الي نصحني وجزاه الله خير.

وتفضلو لو حبيتو تستفسرون عن اي شيء اخر.



اعتقد هذا ابرز الامور بالمؤسسع