الله يسعد الجميع كوني عاطله وتعبت من جلسه البيت وكل ماسمعنا وظيفه قدمنا وأخذوها أهل الواسطة تعبنا من تكفون توسطوا وتكفون نبغئ وظايف
مشروع استوقفني وهو مشروع المقاصف المدرسيه اللي الحين صار مصري مسؤول عن توظيف السعوديات وبراتب 1500 وانا كلمته بنفسي قال احنا بس في الشرقية عاد اي من محافظات الشرقية الله اعلم لانه قال احنا بنوظف فقط داخل الشرقية ولإعاد أخذت وأعطيت في الكلام
استوقفني هذا المشروع
كسعوديه وانا اولكم لو جاني وظيفه براتب 1500 بوافق مليت من جلسه البيت ،،،
سؤالي هنا لو فكرت في المشروع كيف ابداء فيه ومن وين أجيب مواقفه للمشروع حاولت فيه اسأله ولا عليك امر كيف قدرت تأخذ الموافقه انك تمسك جميع المدارس توظف فيها مارضي
الحين ابغي اعرف ايش الأساسيات لفتح شركه خاصه وكيف اقدر أخذ الموافقه من مديرات المدارس او من الاداره
زوجي عنده راس مال والحمد لله
وهو يقول لو تم المشروع وبداء في الاساسيات اقل راتب يكون 2000 الي2500 يعني لو كل عاطله 2000 الي 2500 حلو

رأيكم بتوافق وان بعد ماطرح المشروع اوافقه عليه وإلا ارفض وانتظر الواسطة اذا خلصوا يوظفوني أنا وغيري من العاطلات

موفقه يا رب .. الله يسعدكـ

ممكن رقم مسؤول المقصف يمكن يكون لي نصيب في الوظيفه
مللنا الحياة الصعبه

فكرتك حلوه حاولي تبدئي فبها وتدرسيها زين وخليك من القيل والقال بالتوفيق

للأسف مااحد أفادني ممكن تجمع بنات جيزان ولو احد يعرف مديرات المدارس يسأل المديريات بيوافقوا علئ انه تتاجر المقاصف المدرسيه بشركه صراحه ملينا من جلسه البيت

تاجير المقاصف من التربيه والتعليم في المنطقه لازم تكون عندك مؤسسه خدمات عامه وحطي في بالك لو سعيتي وفتحتي خدمات عامه ومسكتي مقصف واحد يكون دخلك في الشهر حدود 30 الف ريال حسب المدرسه طبعا . تخيلي مدرسه فيها 300 طالبه وكل طالبه تشتري بريال في اليوم يعني 300 ريال ضرب 30 الشهر
= 9000 الاف وانا حاسبها باقل نسبه واكثرهم يفطر في المدرسه والفطور يكلف 3 الى 5 ريال وايجارها بكون حدود 2000 ريال في الشهر تخيلي انك ماسكه مدرستين او 3 مدارس بعد سنه تدخلين ذهب
بس لا تيأسين من شئ ودعم المشاريع كثير مو شرط يكون معك راس مال
اهم شئ دراسة المشروع والجديه في العمل بعد فتره تصيرين انتي توظفين مو تدورين وظيفه
الاجانب استغلونا ويتشرطون علينا وبعضهم رواتهم توصل الى 50 الف
---------------------------------------
والفكره الثانيه حضانه
----------------------------
الله يرزقك من واسع فضله
---------------------------
الصبر مفتاح الفرج ( بعد كل عسر يسر )
---------------------------------
استغفر الله ( فتح باب الرزق )

---------------------------

سبحان الله وبحمده سبحان الله العظيم

تحية طيبة لك اختي وبعد


اولا تقومي باستخراج سجل تجاري ونوع النشاط يكون تغذية وتشغيل مقاصف مدرسية

وهذا ياطويلة العمر تطلعية من وزراة التجارة ( عن طريق الموقع الخاص بوزراة التجارة )


ثانيا استجري مكان صغير يكون مقر لاعمالك وانتبهي لازم يكون مرخص من قبل البلدية اسئلي صاحب العقار قبل توقيع العقد واستخرجي رخصة البلدية عن طريق البلدية التابعة لكي في الحي


ثالثا تروحي للمدارس الخاصة والحكوميةوتقدمي لهم خدماتك بصفتك صاحبة مؤسسة تشغيل مقاصف مدرسية وبعض الاحيان اصحابالمدارس يحطون مناقاصات تشغيل مقاصف وتقدمي عرضك لهم وهم يرسون علي العرض الافضل لهم


هذة الطريقة المناسبة للبداية لكي بشكل يكون رسمي


دعواتي لك بالتوفيق واي استفسار انا في الخدمة

والله مااعرف حاجه بهذي الامور بس بالتوفيق ان شاء الله

الله يسعدكم بس تتوقعون مديرات المدارس يوافقون يسلموني المقاصف لان بعضهم يجاورها من أقاربهم