يا شباب انا متخرج من 4 سنوات وطبعا زي ما انتو عارفين مافيه وظايف حكوميه بس قطاع خاص وكل الى اعرفهم لم يتم توظيفهم وحتى الى تخرجو قبلي ما عدا الى عنده واسطه قويه انا الحمدالله وضع اهلي المادى كويس عشان كذا انتضرت لاكن المصيبه كل الى اعرفهم ما توظفو او توظفو بعيد عن اهاليهم براتب 4000 وشركه صغيره امس كنت قاعد مع واحد من الشباب تخرجنا مع بعض يدرس هو في كلية المعلمين يقولي انسى تجيك وظيفه الا بواسطه تعال سجل معاى ولا تضيع عمرك عمري 26 سنه ايش رايكم والله تعبت من التفكير من جد 4000 ولا 5000 ما توكل عيش كنت اول في الجامعه وحطونى تخصص تربية حيوانات درست سنه وانسحبت من جد هذا تخصص ولما حاولت اغير ما قدرت قالو هذا الموجود وبعدها حولت تقنيه وهم مستقبل اسود نصايحكم تكفون انتظر ولا ادخل كلية المعلمين

الرزق على الله والحمدلله ان مادية اهلك كويسه ..

سجل في العسكريه .. واذا تقدر تدرس جامعه من جديد في شقراء ولا غيرها .. لن المحافظات تدريسهم سهل جدا افضل من المدن ...


وانتظر اراء الباقي وشوف المناسب ..

والله شوف اخوي تقريبا عمري مثل عمرك بالضبط وكنت اتساءل والى الان اتساءل وادور مكان اكمل فيه دراستي لان شهادة الدبلوم صارت للاسف ما توكل عيش الا في العسكرية و الى الان اسأل واستشير الناس اكمل في جامعة او في التقنية لاني انقبلت مرتين في البكالوريوس وتم تأجيل الدراسة لعدم اكتمال عدد الطلاب والجامعة ما تعترف بالدبلوم ابدا وتطلب اعادة الدراسة كأني خريج ثانوية فمحتار مثلك لكن شوف اذا انقبلت في بكالوريوس التقنية و بدأت الدراسة اتوكل على الله و روح وان ما قدرت وكان عندك طموح بامكانك الدراسة مسائي لكن قليل جدا الجامعات اللي فيها نظام مسائي والانتساب ابدا ما يخدمك لان الانتساب غير معترف في الخدمة المدنية و كذلك التعليم عن بعد

اذا سألتني انا وش اسوي بنفسي راح اقولك راح اقدم الفصل الجاي في بكالوريوس التقنية والثالثة ثابتة ان اجلوها ايضا راح اتوكل وارجع ادرس من جديد في الجامعة واعمل اي عمل بدوام جزئي قدر الامكان والله يعوضني في عمري وعن الايام اللي باستمر فيها عزابي لين سن الثلاثين والله المستعان