أخواني الكرام

الموقع الرياض

بعد معاناه وجهد طويل قمت بأستأجار محل مساحة 450م مربع
وتم تنفيذ الديكور والتكييف وثلاجات العرض

المحل يشمل
خضار /ملحمه /أسماك / مخبز / محمصه / أجبان / جمله / ثلاجه

المشروع كلفني للأن قرابه 700 ألف ويعلم الله أن المبلغ بالدين
ولكن عقدت العزم وعسى ربي يوفقني ويوفقكم

سؤالي كيف أعبي المحل علما بأني راح استلمه من الشركه المنفذه بعد أسبوعين شامل الديكورات ومكائن الكاشير ومعدات التبريد وانضمه البصمه والمراقبه وأنضمه الجرد

سؤالي
كيف أعبي المحل بالبضاعه
تكفور ردو علي

ماشاءالله تبارك الله
الله يوفقك ويعود عليك ان شاءالله المحل بكل خير
وتوفي بدينك ي رب ..
ماعندي خلفيه عن الموضوع
اتمنى من الاخوان يفيدونك
لكن لاتنسى تستودع الله محلك ورزقك

احترامي لك ..

للرفع للفايدة ...

ماشاء الله
حاول تبدا الان تكلم الشركات والمندوبين وتتفق معهم اما الخضار والملحمه والاسماك والمخبز والمحمصه هذه اغلبها تؤجر
اتمنى لك التوفيق

الف مبروك مقدما

بأي منظقه فتحته

الف مبروك الله يقويك يارب



الافضل تتعامل مع المناديب بالاجل (دين) حتي تمسك المندوب من يده اللي تعوره

لن الكاش يسمح لمندوب (بسحب عليك في اي وقت) لكن اذا مسكته بفواتير يجي محلك بستمرار وينزلك بضاعه بستمرار

مثل //تنزل بضاعه من مندوب بقيمة 3000 ريال تعطيه 1500 ريال وتاجل 1500 باقي بعد شهر
ويجي مندوب بعد شهر بيستلم حقه نزل بضاعه مرا اخر بـ1500 او المبلغ اللي تبيه وتسدد القديمـوهكذا تسمر الحياه


فايدة طريقه هذي انك تجبر المندوب يمر عليك شهريا ينزلك بضاعه او يحضر عندك وقت الاتصال عليه مباشره لنك ماسك عليه فلوس


طريقه ثانيه لنجاح مشروعك مهمه جدا جدا
المحل (ماتسحب منه ريال واحد الا بعد مرور سنــه بختصار
لم تبيع بضاعه علي طول تمسك الفلوس وتشتري فيها بضاعه اخر وهكذا وتسمر الحياه بعد سنه تتفاجاء عنك راس مال كبير+ مستودع مليان بضاعه

وثالث شي والاخر ولاهم انك تجلس في محلك تتابعه بنفسك تداوم معهم
لا تقولي اجيهم العصر اشقر عليهم لا وربك الفتره هذي تسرق منك ملاين
جلد ماهو جلدك ع شوك جره


قسم بالله اذا لم تطبق هذي طريقه فانت فاششل فاااشل لآ محاله وتحدي اكبر تاجر فيهـا



6 سنوات في تجاره وخسرت م يقارب 250 الف حتي اتعلم اسلايب التجاره مخفيه
ها انا اسردها لك بلآش فحذرك اذا خلافت كلامي فانت فاشل من الآن

استمر في مشروعك سنه سنتين لين تتعلم مايخفي ولا تقول مشروع هذا مافي فايده لا وربك انت اللي مافيك فايده لابد تخسر حتتي تتعلم وصدقني بعدها راح ترتاح

اسف علي اسلوبي الهجومي لاتلومني ابغي عيال بلدي يشتغلو

العاده
في البدايه تطلب مناديب يجونك
تسحب بضاغع خفيفه بالكاش
والمرات الجايه بتصير كريدت بالاجل

بعدها المناديب هم الي يجونك وينزلوه بضائع بالاجل

اتبع نصائح الاخ ثلاث شهور ترى بضيعك ويدمرك اصح يبي يستولي على السوق خخخخخخخخخ امزح

نصائح ذهبيه وثمينه جداا اتبعها ضروري
وازيد
خلك حريص جدا على كل هلله تطلع وتدخل

واحد من اخوياي كان فاتح بقاله ضيعها بسته شهور
بسبب كان يصرف منها بدون حساب ومخلي العامل بكيفه على حل شعره

وفي النهايه اتضح انه العامل جالس يسلخه على خفيف ويسحب مبالغ قليله لحد ما خلى الارفف فاضيه والديون متراكمه على البقاله
فانتبه
خلك صارم على كل ريال لانه القليل يولد الكثير
وادعو لك بالنجاح

اقسم بالله ياستاذ اسد لو اقولك القصص اللي اشوفها وتصير معاي وربي لا تبكي

تخيل بقاله صغيره جدا جدا تشوفها تقول يادوبها تطلع راتب العامل وربي وربي هذي القصه حقيقيه وليس من نسج الخيال


كان ماسكها عامل بنقالي وكان صاحبها رجال كبير بسن وكان يجلس فترة صباح يشقر علي بقاله مثل باقي سعودين

المهم توفي هذا رجال كبير( رحمت الله عليه) وعزم البنقالي اللي ماسك البقاله السفر 6 شهور (خروج وعوده)
استغلو الفرصه أولاد صاحب المحل سفر البنقالي 6 شهور وشتغلو في البقاله صغيره ونزلو بضاعه ورتبو المحل من جديد يحلفو بالله ان خلال 6 شهور اللي اشتغلو فيها بغياب البنقالي شافو عز من البقالـه مايعلم فيه الا الله سبحان يقول (طلعت البقاله صغير اللي داخل حي ) راتب 3 عمال+ ومصريف وايت شفط لعماره وانتم بكرامه+ صيانة مصعد العماره شهريا 1500 + مصاريف بيتين اغراض لهم من بيض ومعلبات وخبز ورز والخ+ ارباح - وبالاول يقولي ايام البنقالي كاننا ندفع راتبه من جيبنا............؟؟؟؟؟؟؟


يرجال تكفونٍ!!!!!!! لا متي وحنا مضحوك علينـأأ؟؟؟؟

الله يرزقك يارب الردود ممتازه بضيف شي مهم جدا انصحك حطي سعوديين وسجلهم تامينات وموارد بشريه فورا
عشان يصرف لهم الدعم وترتاج من شغله الرواتب

للرفع