السلام عليكم ورحمة الله وبركاتة ,,,

أنا قدمت على صندوق المئوية و سجلت نشاطي بيع أدوات السباكة والكهرباء و بأن ناوي على هذا

لان فيه عامل كان سابقا على كفالتي بموسسة مقاولات ولما قفلت الموسسة اعلنت عنه هروب

و كل سنة يتصل علي ليرجع على كفالتي و على كلامة بأن السباكة والكهرباء شغلها ممتاز و انه

متحمس على الشغل و استفساري هو عن صندوق المئوية لانهم اتصلوا علي وياخذوا معي مقابلة

ودراسة نبذه عن المشروع وعن بنك التسليف و هذا بناءا على كلام الموظف للي اتصل علي و من

لديه خبره او عنده علم من ناس اخذوا مقابلة وهل فيها خسائر وهل الكفيل يتحمل الخسائر بعد

فشل المشروع لان دعاياتهم تشجيع للشباب و و دي اعرف اكثر على الواقع وهل صندوق الموارد

البشرية يدفع شهريا لي راتب 3000 ريال .

و الدال على الخير كفاعله

وجزاكم الله خيرا ،،،،

المقابله يسألونك عن المشروع وبعض تفاصليه

لازم يكون عندك المام كامل عن المشروع او تكون عندك شهادة خبره


ونعم تتحمل خسارة المشروع بمجرد يعطونك القرض ومن السنه الي راحت بدوا يطلبون كفيل

في حال ماسددت الكفيل يسدد

لازم ماتعتمد على العماله في نشاطك وتكون لديك شهادة بنفس المجال ..

اذا هو ضحك عليك من البدايه وهرب...باقي تثق فيه؟؟
المهم براحتك
بالنسبه للمئوية انا سويت معهم مقابله قبل فتره طويله
سويتها مرتين مره بالرياض ومره بجده
اول شي لازم تسوي دراسة جدوى..مو شرط تكون دقيقه ميه بالميه المهم انك فاهم وش بتسوي
بعد كذا تمر على ثلاث اشخاص كل واحد منهم يسأل عن معلومات معينه
واخر واحد يدقق معاك في دراسة الجدوى

بعدها يقولوا لك روح بندرسها وراح نعطيك خبر..فعلا مايتاخرون تجيك الموافقه ويقولون تعال وقعد العقد واستلم الدفعه الاولى
اللى هي مثل تجهيز المحل ديكور وزي كذا
وبعدها يعطونك على دفعات

بالنسبة للكفيل والله مادري
اما بالنسبه لسداد المبلغ اي لازم تسدده هذا قرض

وراتب 3000 ريال هذا عن طريق برنامج هدف
تقدم عليهم بموقعهم...وتقولهم المئوية هم اللى راعين مشروعك....او حتى لو تقول الغرفه التجاريه اللى عندكم ترعى المشروع
الراعيه القصد منها متابعه مشروعك ..احيانا يزورونك بين فتره وفتره
ويرفعون لك كل شهر بطلب صرف الراتب .


مشروعك ممتاز جداً
شرط الموقع .... وانت توقف عليه ...وراح تعين خير.

موفق

اولا اشكر من دخل ورد على استفساري وجزاكم الله خيرا

علما دقوا علي الصندوق وخذو معي مقابلة وكان وقتها بنفس موقعهم عند طلبي مكتوب المقابلة

وبعد ما قابلتهم يظهر لي أعتماد الدراسة الماليه واتصلت عليهم ويوقولوا لي ان مشروعي تحت

الدراسة ولا اعطاني اي علم اكثر

وهل فيه احد عنده علم اكثر يقول لي وهل مشروعي يحتاج دراسة جدوى لاستفيد منه اكثر بالتفصيل

وهل مشورعي ناجح مية بالمية ام مخاطره وانا من منطقة حائل وبائيعن ادوات السباكة والكهرباء قليل

وفيه شركات من المناطقة الكبرى لها فرع بحائل هل سعرهم بالجملة مثل بعض ام يفرق كون بجده او الرياض ارخص
او فيه بضاعة تشراء عن طريق الميناء بجده بكميات اكثر وارخص من الشركات الموجوده

من لديه معلومات عن هذ المشروع يفيدني اكثر من ناحية البضاعة عن طريق الميناء او شركات او موسسات تكون
رخيصه من منطقة حائل .


وهل فيه تجاره بدون اي تكلفة افضل من القروض مثل بضائع من جده للي اسمع عنها ولا جربت باي شي

لان حياتي كلها على وظيفة بالشركات والموسسات وتعبنا من الوظائف فيه مشاريع حلوه مناسبة من ناحية الترصيف البضاعة

او المال بدون تكلفة

اولا ودي اعرف عن نشاطي ادوات السباكة اكثر وهل فيه صعوبه من ناحية المكسب على البضاعة وهل يغنيني عن الوظيفه

وارجوا بأي مشروع تنصحوني .


ووفقكم الله بما يحبة ويرضاه ,,,