السلام عليكم ورحمة الله وبركاته,,


اخواني حاب أسئل عن برنامج البكالوريوس الهندسة التقنية بالكلية التقنية تخصص (ميكانيكا- انتاج).

انا احد طلاب المعاهد الشراكات الاستراتيجية قالوا راح تكملون هندسة على تخصص ميكانيكا -انتاج (طبعا هو مو تخصصنا) لكنه اقرب تخصص لنا فما عندي فكرة عن التخصص.

باقي لي شهرين تطبيق واخلص ان شاء الله فقرأت ان فيه اختبار تخصص عن ميكانيكا انتاج .

فياليت تعطونا وش الي جاكم بشكل عام؟؟ كيف الاسئلة سهلة أم صعبة ؟
رياضيات ولا فيزياء .....الخ.؟؟




أتمنى من طلاب البكالوريوس التفاعل معنا جزاكم الله خير.

وعليكم السلام ياسطام
الله يوفقك وتتخرج وان شاء الله تكون زميلنا، انا مقدم على انتاج بتقنية الدمام والى الان انتظر رد الكلية
طبعا الاختبار متوسط يعني لاسهل ولا صعب
يتكون من اسئلة في الفيزياء الاساسية ومقدمة الرياضيات واسئلة عن الميكانيكا
طبعا الفيزياء والرياضيات انا راجعت ملخص للمادتين (راح انزلهم قريبا للاستفادة) وجات نفس الاسئلة بتغيير الارقام طبعا
اما الميكانيك كانت الاسئلة في المواد العملية المستخدمة في الورش
يعني يجيب لك ريشة دريل ويقولك ايش مسماها العلمي ويجيب لك اداة قياس بفتحة ويطلب منك تحديد المقاس، واسئلة مختلفة.
طبعا انا خريج قديم واسئلة الميكانيك خبصت فيها وجاوبت بالتخمين، والاختبار بالوضع الحالي مايركزون علية بقدر تركيزهم على درجة اللغة.. يعني فيمالو حصلت درجة ضعيفة في الاختبار راح تقبل في البرنامج اذا كان عدد المستوفين للشروط قليل وهذا الشي ممكن يتغير في الفصول التدريبية القادمة ممكن يزيد عدد المتقدمين ويبدؤون بالقبول على مفاضلة الدرجات الاعلى فالادنى..
على اي حال اتمنى لك التوفيق وكذلك اتمنى منك تسويق البرنامج لزملائك حتى يتواجد عدد لاباس فية من المتقدمين لفتح اكثر من شعبة ونبدا دراسة
والمعيار الاول للقبول هو درجة الانجليزي

تحياتي

الله يعطيك العافية أخوي.


نحن طلاب المعهد العالي للصناعات البلاستيكية ماعندنا مشكلة في اللغة الانجليزية لان دراستنا كلها بالانقلش فإن شاء الله بننجح في اختبار كفايات اللغة الانجليزية (step) لكن مشكلتنا اختبار التخصص مافي اي خلفية عنه وممكن بعض المصطلحات كنا ندرسها باللغة الانجليزية مو بالعربي مثل أدوات القياس وغيرها...
مادرسنا عن الفيزياء اي شيئ.


وش تنصحني اقرأ من أسئلة ميكانيكا أي كتب؟؟علم المواد , اختبار مواد ,تقنية لحام , ورش تأسيسة, تقنية تشغيل ,تقنية تشكيل, ادارة انتاج.....الخ. ؟؟؟ ممكن اشتريها لكن ابي المهم منها.

أما ملخصات الفيزياء والرياضيات بإنتظارك تنزلها لي أو ترسلها على ايميلي sso319@hotmail.com

الله يعافيك

انصحك بكتاب الورش التأسيسية لانة فية اسماء القطع المستخدمة في الورش وتفصيلاتها والغرض من استخدامها، ولازم تركز على القطعة واسمها ووظيفتها لان بالاختبار يجيب لك صورة لقطعة ويسئلك عن وظيفتها.ويركز على قطع الحفر والتشكيل والنحت.
وكذلك كتاب ادارة الانتاج لان جا كذا سؤال عن تفصيلات في عمليات الانتاج بالمصانع وترتيب العمليات وتعاريف عنها.

سمعت ان الاختبار كله اختيارات صحيح؟

أنتظر الملخصات منك اخوي جزاك الله خير.

اي نعم الاختبار اختيارات متعدد ومايحتاج الة حاسبة

وهذا رابط تنزل منة ملخص مبادئ الرياضيات لدكتور بجامعة الملك فيصل
الكتاب من اربعين صفحة وشامل ومرتب بشكل بسيط

http://www.4shared.com/office/YErnUO...__33-1434.html


وهذا موقع فية اكثر من رابط لاسئلة للفيزياء لاختبار التحصيلي لطلاب الثانوية علما بانة شامل للفيزياء العامة وحاولت افتح الروابط واختار لك افضل الملخصات بس المشكلة مايفتح على الاجهزة اللوحية ولابد من لابتوب او كمبيوتر شخصي
هذا الرابط
http://tu.sch.sa/vb/showthread.php?t=1227

واذا حصلت شي افضل للفيزياء راح انزلة. انا ذاكرت للفيزياء من كتاب تدريبي للتحصيلي شفتة عند واحد من اخواني اسمة "القمة في التحصيلي"