السلام عليكم

اود فتح النقاش حول موضوع السعي في بيع حديد سابك باقل من سعر السوق ومدى مصداقيته

نعلم ان 99% من العروض نصب وكذب واوهام

ولكن يبقى 1% قد تصدق مع البعض

لو حسبناها حسبة بسيطة مثلا يتم توريد 100 طن يوميا الى احدى الشركات وعمولتك فيها مثلا 100 ريال
بيصير نصيبك يوميا 10 الاف ريال يعني شهريا 300 الف ريال ! يعني سنويا راح تكسب 3 مليون ريال تقريبا !!

معناها راح تغتني وما تحتاج لوظيفة ولا فتح محل ولا غيره !

ادري ان البعض بيقول مستحيل
بس ياليت اللي جرب ونجح في اتمام بيعة يعلمنا وينورنا الله لا يهينه

والله مافهمت شلون

سواليف يارجال ...

انعرضت هالسالفه علي اكثر من مره وكلها طلعت كلام فاضي لاشفنا مشتري ولا بائع .. كلها فلان عن طريق فلان الى فلان الى فلان الى الخ.........

عموما يمكن ماانكتبت لنا ... ويمكن تنكتب لك ...

والله يرزقك

طبعا ماني فاهم بالموضوع لكن

بكم تاخذ 100 طن من شركة سابك وبكم تبيعه بالسوق ؟؟

2- اتوقع غالبيا يكون التصريف هو الشيء الصعب لان معظم الناس متفقه من الاساس مع شركات مورده لهم لكن ما يبقى انه مستحيل لو نزلت للسوق وكاسرت اسعارهم وجذبت اثنين اتجاهكم وهم بيجبون الغير

3- هل من المعقول ان الشركات راح تاخذ كل يوم 100 طن !!

انا سبق لي العمل في الوساطات
الوساطات الكبيرة ( حديد واسمنت ومشاريع ) اغلب من يديرونها اجانب وكلاء وموظفين عند مكاتب كبيرة فلا تضيع وقتك تدورها ممكن تجيب زبون لكن ما تحصل شيء يأكلون حقك لاذمة ولا ضمير

طيب من وين جالك هالعرض ؟؟ وهل هناك احد تعرفه اشتغل معاهم ؟؟

للرفع

اتمنى احد يفيدنا بالموضوووع

حيآك الله ،
هي شغلة متعبة تكون وسيط وفيه سعآة كثيرين ، عآد شف هم صآدقين ولآ
و هل المآلك جآد أم لآ

هل تمت المبآيعة أمآمك ام من خلف ظهرك وإنت يآ غآفل مآ تدري ، فيهآ سرقة وهضم للحقوق

الشغله هاذي وسخه جدا
تدري انها تفرق بين الاصحاب لان الفلوس دخلت بينهم
اعرف شخصين اصحاب مثل الاخوان الاول يفهم في هشغلات
وسبق واشتغلها والثاني ما يعرف فيها شي لكن يسمع الاول
يتكلم فيها الثاني جاه عرض في احد القربات كميه كبيره وجدا مناسبه
ونسخ الرسالة كما هي برقم الوسيط وارسلها للاول وبدات مشكلة النفور وشغلت ما اعرفك