سلام عليكم ياخوان

محتارين بالتقديم بالمخدرات ابي رايكم تكفون

فية ناس تقول التعيين على الحدود وناس تقول هجولة وتعب ونا طالب رايكم لاهنتم

اولا عندما تدخل عالم العسكريه فأنه تنطبق عليك قوانينهم
( هم يقررون وانت تنفذ ) هذا المختصر المفيد

العسكريه بمعضمها تعب والمخدرات اللي اعرفهم دخلو الدوره توظفو بالرياض اول مره اسمع ان التوظيف بالحدود اللي متخصص بالحدود هو حرس الحدود
من مميزات المخدرات ان رواتبهم من افضل رواتب بالقطاعات العسكريه لاكن فيها مخاطر كبيره ويمكن تفقد حياتك بالمداهمات

يا اخي توكل على الله , واحد من اخوياي متوظف في المكافحه بس مو في الميدان شغال في نفس الاداره وراتبه 7 وزياده , ووضعه تمام وكويس , اهم شي اهم شي اهم شي استخيييييير

الله يجزاكم خير جميع

انا اشتغل في مكافحة المخدرات
اللي يقول ان شغلها على الحدود غير صحيح
المكافحة في كل المناطق واغلب المحافظات
واللي يقول شغلها تعب اقول غير صحيح
انا قبل ادخل المكافحة كنت اسمع كلام كثير لكن يوم دخلتها شفت عكس اللي سمعته

عموما ترى مو شرط اذا دخلت المكافحة تكون في المداهمات
بالعكس انت تختار اما اداري او شرطة عسكرية او مداهمات
المداهمات والشرطة العسكرية دوامها استلامات وطبعا الميدان أفضل من الشرطة العسكرية من ناحية الدوام
الادارة دوامك يكون رسمي من الساعه 8صباح الى الساعة 2ظهر من الاحد الى الخميس وجمعة وسبت معك طبعا تداون بثوبك مثلك مثل الموظف المدني
والميدان تداوم بثوبك
اما الشرطة العسكرية تداوم بالبدلة
والمخدرات من افضل القطاعات العسكرية من ناحية راتب ودوام وراحة
توكل على الله وقدم عليها صدقني ماراح تندم ان شاء الله

شوف أنت قدم وماتدري وين الخيرة يمكن بالعسكرية

واللي طوله 166 وش يسوي يا اخوان ادعو لي بالرزق الحلال قدمت 4 مدري 5 مرات للعسكريه والله ماكتبها

لاتنسوني من صالح دعاءكم بصلواتكم اللهم انت تعلم امري فيسر لي امري وارزقني وارزق جميع المسلمين والمسلمات بالرزق الحلال , اخوكم ولد غنام