الله يجزاك خير
انت انسان تحب الخير لناس ودائماً تسعى لخدمتهم
ولكن حابه انبهك عن الأسهم
ان ربحها مو مبروك وتمحق البركة
الله واعلم انهم وضعوا سوق الاسهم حتى يتركون بعض الناس الشاذين تجارة المخدرات وهذي حقيقة
في حديث لرسول صل الله عليه وسلم وفي معناه ياتي على الناس زمان يكسبون المال وهم لايبالون هل هو من حلال او حرام
واعلم ان المبلغ الي معك وحصلت عليه من الاسهم فهو مال غيرك فاذا انت راضي تاخذ مال غيرك فانت معهم بالاثم سواء لان خطتهم ياخذون من ناس ويعطون ناس
الغرب يتاجرون بالاسهم هذا شي عادي عندهم لان عندهم الليانصيب والقمار والربا حلال
احنا حرااام عندنا هالشي فادخلوا علينا بسوق الأسهم لاتقولي المشايخ قالوا واجازوا
المشايخ مايعرفون لعبتهم القذرة يعرضون عليهم الظاهر ويخفون عنهم المصايب الا من رحم الله منهم
وبالختام المحظوظ الي ابعد عن الأسهم وشرها وكل مال مشبوه
وشكراً
ارجو ان تقبل كلامي بصدر رحب
فالكلام لي ولك

يارجال انا عام 2006 اكلت هوى من الاسهم خسرت 350الف وحرمتها للابد مابها بركه

احد الزملاء اخذ تسهيلات بـ 600 الف صار معاه مليون وميتين وقبل امس سيلو محفظته البنك مابقى معه الا15000 الف

ما اقول الا الله يكون بعونه وعون كل حسران

باختصار الاسهم مافيها بركه

مالي خبره أبد با الأسهم
كم أقل مبلغ نقدر ندخل فيه

بحكم دخولي لسوق الاسهم 1424 - 1429 خمس سنوات

ارى البعد عن الاسهم هو اكبر تجاره

والله ان السهم الذي املكه هو حياتي النفسيه اذا ارتفع السهم ضحكت واذا نزل تضايقت

بكل صراحه شفت الراحه النفسيه بعد خروجي من السوق

مشروع بوفيه تكلفتها 40 الف ريال وكل شهر تعطي 2000 ريال خير وبركه
مشروع مغسله تكلفته 70 الف ريال وكل شهر تعطي 4000 ريال خير وبركه

اخي خالد اتمنى تقبل وجهه نظري

كل التوفيق

الاسهم مخاطره كبيره دائما قابله للربح وقابله للخساره الفوريه

لا عوده للأسهم الحمدلله اللي فكنا الله منها ،،
خسرت قبل الكثير ،، وكان بإمكاني الدخول وقت النزول الصاروخي والاستفاده
ولكن طابت نفسي منها ومن الربح اللي يجي من وراها والبعد عنها غناه

ونصيحه اللي عنده كم قرش يصرفها على نفسه واهله ابرك له من دخول الاسهم
لان بيجيه يوم يقول ليت وياليت
اذا خلوك تربح سنه سنتين
بيجيك يوم يطلعونك على الحديده مامعك ولا ريال

والله إني اعرف ناس بالسوق من ١٥ و٢٠ سنه شيبان
والله مفلسين ماهم مستفيدين شي بس كذا ادمان

الاسهم لعبه لا يعرفها إلا صناعها
شف لك مدخل على صانع السوق والا احفظ مالك ولا تدخل