بنك التسليف و صندوق الزراعي

بدررالمطيري · #1 (**permalink**) 12-12-2014, 04:37 PM

السلام عليكم

اتمنى منكم تساعدوني بمشكلتي وتنصحوني , جتني رسالة من بنك التسليف يقولون الاختبار التحريري يوم الاثنين القادم بالقصيم الساعة 3 ونص , ومقابلة في صندوق التنمية الزراعي بالرياض الساعة 12 ونص

والله الحين محتار بينهم مدري وين اروح , اخاف يكون بعد المقابلة اختبار !

وياليت تذكورون مميزاتهم

نواااار · #2 (**permalink**) 12-12-2014, 08:37 PM

ما اعرف مميزات الزراعي

لكن بنك التسليف واضحة مميزاته في موقعه ، اللي اذكره منها بدل ٢٠٪ ،، راتب شهرين في رمضان ، تامين صحي ..... الخ
و دوامهم من ٨ الى العصر

انت وين ساكن ؟؟ هاذي لها دور بعد

و استخير ربك

و الله يوفقك

نواااار · #3 (**permalink**) 12-12-2014, 08:40 PM

ممكن تكلم الزراعي يغير وقت المقابله ، لانها شخصيه

بينما الاختبار للجميع ما يقدرون يغيرون وقته عشانك

جرب كلم الزراعي قلهم عندي ظروف شخصيه

الافضل تسعى تروح لهم كلهم لان ما فيه شيء مضمون هالوقت

و الله يرزقك من واسع فضله

بدررالمطيري · #4 (**permalink**) 12-12-2014, 10:01 PM

اقتباس:

المشاركة الأصلية كتبت بواسطة نواااار

ممكن تكلم الزراعي يغير وقت المقابله ، لانها شخصيه

بينما الاختبار للجميع ما يقدرون يغيرون وقته عشانك

جرب كلم الزراعي قلهم عندي ظروف شخصيه

الافضل تسعى تروح لهم كلهم لان ما فيه شيء مضمون هالوقت

و الله يرزقك من واسع فضله

هذا اللى انا ودي فيه اروح لهم كلهم

ان شاء الله بكلم الزراعة واقولهم يأجلونها انا ساكن بالمجمعة

وبالنسبة لرواتب الزراعة اتوقع نفس التسليف

لكن المشكلة الحين اذا سويت مقابلة مع الزراعة بيسون اختبار ولا توظيف هذا اللى انا خايف منه

الساهر الليل · #5 (**permalink**) 13-12-2014, 02:55 PM

الله يوفقك...
وش تخصصك يابدر

بدررالمطيري · #6 (**permalink**) 13-12-2014, 06:55 PM

اقتباس:

المشاركة الأصلية كتبت بواسطة الساهر الليل

الله يوفقك...
وش تخصصك يابدر

الله يوفق الجميع ان شاء الله

تخصصي محاسبة

مخبأه · #7 (**permalink**) 13-12-2014, 03:58 PM

رررررررررررررررررررررفع

بدررالمطيري · #8 (**permalink**) 15-12-2014, 12:07 AM

اقتباس:

المشاركة الأصلية كتبت بواسطة مخبأه

رررررررررررررررررررررفع

انت صار لك مثلي ولا شلون ؟؟

بدررالمطيري · #9 (**permalink**) 14-12-2014, 02:45 PM

اتصلت اليوم على الزراعة وقالوا مانقدر نأجل المقابلة

واتصلت على بنك التسليف وقلت باختبار في الرياض اذا فيه اختبار. قال مانقدر للاسف

الحين حيروني مدري وين اروح اتمنى تعطوني رايكم

الحين بعد المقابلة في الزراعة فيه اختبار او توظيف ؟؟؟

سلطانينهو · #10 (**permalink**) 18-12-2014, 02:59 AM

اقتباس:

المشاركة الأصلية كتبت بواسطة بدررالمطيري

اتصلت اليوم على الزراعة وقالوا مانقدر نأجل المقابلة

واتصلت على بنك التسليف وقلت باختبار في الرياض اذا فيه اختبار. قال مانقدر للاسف

الحين حيروني مدري وين اروح اتمنى تعطوني رايكم

الحين بعد المقابلة في الزراعة فيه اختبار او توظيف ؟؟؟

مرحبا اخوي بدر /
انا رحت لهم يوم الاربعاء الساعه 12 ونص على اساس اتصالهم علي قبل اسبوع وتنسيق موعد مسبق معي /

لكن للاسف قالو لي ان حنا قايلين لك تعال الثلاثاء ماقلنا تعال الاربعاء !!!!!!

ودخلت على احد المسؤولين وللاسف ماتجاوب معي
وقال ان موعدك الثلاثاء ولاجيت !
حاولت ابرر موقفي وان الموظف قايل لي يوم الاربعاء لكن من غير جدوى

وجاء الموظف الي اتصل علي وقال انا قايل لك الثلاثاء !

قلت خير ان شاء الله لعله التبس الامر اما علي واما عليك

وانا صراحه ماحط في ذمتي لكن متأكد من الموعد الي نسقوه معي على اساس انه الاربعاء !
وجيت بالموعد لكن للاسف قالو المدير طالع جده وخلاص موعدك راح !

حاولت بقدر المستطاع اني اطلع بنتيجة لكن مافيه فايده

اعطاني رقم وقال اتصل الاحد واذكر لهم اسمك ومشكلتك ان وافقو يقابلون معك حياك

قلت لعله خير ان شاء الله ورجعت لديرتي

رغم المشوار والتعب لكن الانسان مايدري وين الخيرة فيه

اخوي بدر ابي اسألك بخصوص انه حصل لك موقف مشابه لي !
بخصوص تأجيل الموعد !

وش قالو لك !

هل فيها مجال ولا رفضو نهائيا !

وياليت تفيدني بالرقم الي اتصلت عليه وردو عليك منه

لان اغلب الوزارات للاسف تلاقي صعوبه بالرد المباشر !
كله تحويلات !

الله يكتب الي فيه الخير للجميع ان شاء الله