شراء السيارة بالكاش وبيعها بالاقساط ؟ كيف اضمن فلوسي

خالدالحرف · #11 (**permalink**) 13-12-2014, 04:47 PM

اقتباس:

المشاركة الأصلية كتبت بواسطة ساهم خيراً

بارك الله اخوي فيك ولكن عندي استفسار وهو :

اذ بعت السيارة على شخص ما وعمل لي شيكات لكامل المبلغ كله ، الشخص هذا حسابة بالراجحي ، بعد فترة 3 شهور انتقل الى بنك اخر ؟؟

هل الشيكات تبقى وثيقة ويتم السداد عن طريقها ام لا ؟؟

هل الشيكات تضمن حقوقي كاملة مهما استبدل البنك ؟؟

أنا مشيت بالأقساط لحد ماصدر القانون الجديد حق الشيكات واللي اعتبرها جريمة بحق البائع عندما يأخذها كضمان وفاء .. يعني صرنا إحنا المذنبين اللحين وقلبت على روسنا

سيارات لاتقسط .. خلك على بطاقات ومبالغ ماتتجاوز 30 ألف عشان إذا لاسمح الله وطلع عميلك محتال يكون المبلغ معقول ولايكسر شغلك بخسارة كبيرة .

فيه نقاش هنا بالمنتدى وصلت الردود عليه إلى حوالي عشرين صفحة كلها تتعلق بطرق الضمانات والعقود .. وأذكر واحد من أهل الشمال ماقصر مع الإخوان وعطاهم الإجراءات المتبعة لضمان الدين وكيفية رفع الشكوى ومتابعتها .. أختصر لك الموضوع بأن الأعضاء أجمعوا تقريبا على أن الكمبيالة في الوقت الحالي هي أفضل وسيلة ضمان عند التقسيط ... ستجد الأخ الشمالي رفع صيغة كمبيالة للأعضاء بالمنتدى .

بندر بن بندر · #12 (**permalink**) 13-12-2014, 04:50 PM

الله المستعان بالله الي يحصل مشروع مربح عير التقسيط وهالشغلات يعلمني جعله في الجنه

معاد بدري · #13 (**permalink**) 13-12-2014, 09:51 PM

انا اشوووف ان تقسيط بطايق سوى انها فضل من السيارة
تقسط 10000 مديونتها 15000 القسط 1000 شهري
15 شهر ان شالله انت ماخذ راس مالك وفوق 5000

والسياره مدتها طويله 5 سنوات والضمان كفيل وعقد كمبيالة والشرووط موظف والكفيل موظف
واسالله التوفيق لك

تآجرة جملة · #14 (**permalink**) 13-12-2014, 09:54 PM

للررررررررررررررررررررررررررررررررررفع الله يوفقك

بندر بن بندر · #15 (**permalink**) 14-12-2014, 12:25 AM

حتى بطايق السوا ماتضمنها يجحدونك الناس طفرانه والواحد يبي الربح مايبي الخساره

ساهم خيراً · #16 (**permalink**) 14-12-2014, 12:37 AM

اقتباس:

المشاركة الأصلية كتبت بواسطة خالدالحرف

الاستقطاع سبق وأخذته على عميلين .. واحد بالراجحي والثاني بالاستثمار .. وكلهم استطاعوا إلغاء الاستقطع بسهولة .

فيه ناس محتالين وشياطين انتبه منهم .. تخيل أحدهم استطاع التلاعب حتى بإيقاف الخدمات وإيقاف الحساب البنكي !!!

راتبه وخدماته موقفه بالبنك ومع ذلك يجي على حسابه سحوبات كل شهر !! هبل بي وحفيت رجلي وأنا أطارده

ويداوم بشكل يومي مايغيب إلا باليوم اللي أجيه فيه .. كل ماجبت قالوا لي كان هنا ومشى حتى اتهمتهم بأنهم يخبونه وهو شخص مطلوب

المهم بعد سنتين مسكوه ناس غيري وسلموه للشرطة .. وأول ماقابلته قلت له خل الدين على جتب وعلمني كيف كنت تعرف إني باجيك للدوام ؟! ووش كنت تسوي وتسحب فلوس من حسابك مع أن حسابك موقف!! تعرف أحد بالبنك ولا وش؟!!!!

فاعترف لي بأنه دافع لحارس المدرسة خمسين ريال ويدق عليه من أول ما ألبق عند الباب ثم يطلع هو من المدخل الثاني

بس طريقته للاحتيال على تجميد الراتب مجنووووونة .. قال لي إنه طلع فيزا من الراجحي أول ماعرف إني باشكيه .. وصار كل شهر يسحب المبلغ من حساب الفيزا وإذا نزل راتبه يستقطع الراجحي مديونية الفيزا بشكل آلي هههههههههه

أعانك الله اخوي واسال اللة ان يعوضك ..

الفكرة مجنونة واللي قاهرني وغابني كيف الواحد يجرد بحقوق الناس ويوكل عيالة مال حرام

ساهم خيراً · #17 (**permalink**) 14-12-2014, 12:41 AM

اذ شريت بطايق سوى ب 50 الف ريال ؟

كم مدة السداد وكم الفايدة في 30 الف ؟؟

خالدالحرف · #18 (**permalink**) 14-12-2014, 06:11 AM

اقتباس:

المشاركة الأصلية كتبت بواسطة ساهم خيراً

اذ شريت بطايق سوى ب 50 الف ريال ؟

كم مدة السداد وكم الفايدة في 30 الف ؟؟

سوق البطاقات شبه متقارب .. فكل عشرة الآف ياخذون عليها فائدة 3000 - 5000 ريال

لكن تختلف أحيانا حسب القسط الشهري فالعميل اللي بيقسط 2000 له حسبة تختلف عن اللي بيقسطها على 500 ريال

نقطة مهمة : إذا كنت بتشتري بطاقات لأحد العملاء بمببلغ 30 ألف فأنصحك لاتاخذ بطاقات .. العميل ماجاك إلا محتد وظروفه سيئة والبطاقات وقت البيع بيطيح من سعرها مايقارب 1300 ريال!!
رح معرض نجد بالنسيم عندهم سيارات بهالقيمة مثل نيسان تيدا .. تكاتبون عليها ويعبون لك عقدك ويخلصون أموركم ولايطيح من قيمتها سوى 300-400 ريال.

الشي الثاني أن المحاكم والقضاة بسبب كثرة شكاوى البطاقاتت صار عندهم فكرة أن صاحب شكاوى البطاقات عنده مكتب تقسيط وأموره متيسرة ولامانع ينتظر شوي بالمواعيد .

استعن بالله وكمل مشروعك والله يرزقك.. وترى الغالبية عيال حلال ونيتهم يسددون فإذا تأخر مرة ولا مرتين مشها ولاكثر عليه الاتصال والازعاج .. الصبر وطولة البال مطلوب بهالشغلة أو ترى مكسبك كله بيروح علاجات نفسية وضغط

برالزمان · #19 (**permalink**) 14-12-2014, 08:07 AM

استغرب من الاخوان اللي يعطي ماله كقرض لشخص اصلا متعسر
يا أخي اللي يستدين طفران والبعض ماتفرق معه لو ينسجن , احرصوا على اموالكم واستثمروها بالحلال ومايرضي الله
البلد مليانه مشاريع من 15 الف الى 15 مليون,, شف الوافدين يستثمرون وشغالين بالبلد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

شراء السيارة بالكاش وبيعها بالاقساط ؟ كيف اضمن فلوسي

قسم مشاريع وأفكار

السلام عليكم ورحمة الله وبركاتة ... اخواني واحد من الشباب ودة يشتري 4 سيارات بالكاش تويوتا 2014 . ولكن توجد اشكالية وهي .. الاشكالية اخبرونا بها...

شراء السيارة بالكاش وبيعها بالاقساط ؟ كيف اضمن فلوسي

تسجيل الدخول

شراء السيارة بالكاش وبيعها بالاقساط ؟ كيف اضمن فلوسي

قسم مشاريع وأفكار

السلام عليكم ورحمة الله وبركاتة ... اخواني واحد من الشباب ودة يشتري 4 سيارات بالكاش تويوتا 2014 . ولكن توجد اشكالية وهي .. الاشكالية اخبرونا بها...

شراء السيارة بالكاش وبيعها بالاقساط ؟ كيف اضمن فلوسي