السلام عليكم ورحمة الله وبركاتة ...

اخواني واحد من الشباب ودة يشتري 4 سيارات بالكاش تويوتا 2014 .
ولكن توجد اشكالية وهي ..

الاشكالية اخبرونا بها اصحاب المعارض وهي أنك اذ بعت سيارة على شخص موظف حكومي بالتقسيط وسويت استقطاع من الراتب علية عن طريق مثلاً بنك الراجحي + كفيل غارم موظف حكومي على راس العمل.
انه با استطاع الشخص الشاري الهروب من السداد وهي أنة ينقل راتبة من البنك الراجخي الى اي بنك مثلاً العربي ومن ثم يهرب عن الاستقطاع ...


فهل هذا الشي صحيح ؟؟؟؟

هل البنك يسمح للشخص اللي مسوي استقطاع من راتبة لمدة خمس سنوات بأن ينقل راتبة على بنك اخر قبل قضاء فترة الخمس سنوات ..


اذا الوضع كذا بصراحة صاحبي ماهو داخل هذا المشروع لان في النهاية شكاوي ومرمطة

للرفع والافادة مفصلاً

هلابك اخوي مستحيل البنك يعطيه اخلاء طرف وهو عليه استقطاع والتزامات ماليه سواء من البنك نفسه (يعني اخذ قرض) او من الاستقطاعات

وعشان ترتاح اكثر خذ شيكات بكامل المدة . وكلم الهاتف المصرفي قلهم اقدر انتقل من بنك اخر وانا علي استقطاع من شخص يقولك لا

نعم يستطيع الغاء الاستقطاع وهذا كلام مدير احد الفروع ..

لكن لك ان تطلب منه شيكات وكفيل ربما يكون افضل

هناك طريقة اخرى وهي ان تتعامل مع معرض يبيع لك ويلتزم ببيعها

على زبائن يعرفهم وهو اللي يكفلهم ويطالبهم عن طريق محصلين

ويأخذ فوائد منك على كل سيارة ويستفيد من نقل الملكية للمشتري

وهكذا

والله فكرت بهالشغله لكن المشكله ماتضمن الناس الناس طفرانه وبعدين تحلس تطرد وراهم ولا لك الا الشقا والخساره فض نضرك عن هالمشروع وشف لك شغله اضمن والله يوفقنا وياك ويرزقنا الرزق الحلال الطيب

بارك الله فيك اخووي وكثر الله من امثالك

للرفع

الاستقطاع سبق وأخذته على عميلين .. واحد بالراجحي والثاني بالاستثمار .. وكلهم استطاعوا إلغاء الاستقطع بسهولة .

فيه ناس محتالين وشياطين انتبه منهم .. تخيل أحدهم استطاع التلاعب حتى بإيقاف الخدمات وإيقاف الحساب البنكي !!!

راتبه وخدماته موقفه بالبنك ومع ذلك يجي على حسابه سحوبات كل شهر !! هبل بي وحفيت رجلي وأنا أطارده

ويداوم بشكل يومي مايغيب إلا باليوم اللي أجيه فيه .. كل ماجبت قالوا لي كان هنا ومشى حتى اتهمتهم بأنهم يخبونه وهو شخص مطلوب


المهم بعد سنتين مسكوه ناس غيري وسلموه للشرطة .. وأول ماقابلته قلت له خل الدين على جتب وعلمني كيف كنت تعرف إني باجيك للدوام ؟! ووش كنت تسوي وتسحب فلوس من حسابك مع أن حسابك موقف!! تعرف أحد بالبنك ولا وش؟!!!!


فاعترف لي بأنه دافع لحارس المدرسة خمسين ريال ويدق عليه من أول ما ألبق عند الباب ثم يطلع هو من المدخل الثاني

بس طريقته للاحتيال على تجميد الراتب مجنووووونة .. قال لي إنه طلع فيزا من الراجحي أول ماعرف إني باشكيه .. وصار كل شهر يسحب المبلغ من حساب الفيزا وإذا نزل راتبه يستقطع الراجحي مديونية الفيزا بشكل آلي هههههههههه