صبحكم الله بالخير جميعا اخواني بمنتدى حلول البطاله ارجو افادتي باجابات مقنعه لي ..انا انقبلت باكاديميه السعوديه الدوليه للفندقه والسياحه للدبلوم العالي طرحو علي مغريات جميله لم اشهدها من قبل اي كليه او اكاديميه بكل صدق مع توقيع عقوود كامله التخصص اغذيه ومشروبات المعهد كله عملي بس عليك تداوم ومكافاه 1000 والدراسه لمده سنه طبعا كله عملي ونهايه التخرج يعطونك 5 الاف من الحكومه ومن ثاني يوم تداوم والراتب 5 الاف طبعا انا مقدم ع الامن العام والوالد واخوي كلهم بالطوارى ابدا ابدا ماينصحوني بالعسكريه رغم نسبتي 68.04 القدرات 49 اتمنى مشاركتكم معاي واسف ع الاطاله انو بعد الله انتو يمنتدى البطاله اشكركم ع كل مجهودكم

والله يالغالي انصحك تكمل دراسة وتبعد عن العسكرية
بس هذا يعتمد على طبيعة عمل خريج الفندقة لان هالمجال جديد في سوق العمل ؟ بس نصيحتي
تكمل جامعة او دبلوم بمجال الطب او الحاسب اقل شيء
وانتمى منك تعطيني نبذة عن دبلوم الفندقة والوظايف الي بتتعين عليها بعد التخرج

يخلونك مشرف ع العمال اخوي ربي يطولي عمرك جعلها بموازين حسناتك اخوي ويوجد عندهم تخصص الاستقبال هاذي التخصصين فقط

نصيحتي لك كمل دراسه

إذا كان وضعك العائلي والمادي كويس ومو مستعجل وعمرك صغير فنصيحتي لك كمل ..

بالتوفيق لك وللجميع ياارب

تدريب منتهي بالتوظيف نصيحتي ابعد عنه اولا احتكار يعني يجبرك انك تتوظف مع الشركه اللي وقعت معها عقد لمدة معينه ثانيا شهادة المعاهد الاستراتيجيه الاهليه اللي اساسا فاتحتها الشركات نحت غطاء حكومي مو معاهد حكوميه في الاساس مو معترف فيها ومو مصنفه من ديوان الخدمه المدنيه انا انصحك اذا تبي تدرس ادخل الكليه التقنيه ع الاقل الشهاده معترف فيها
اكلمك عن تجربه مو من راسي انا متخرج من معهد منتهي بالتوظيف ووقعت عقد مع شركه بس بعد ماتخرجت ولقيت وظيغه براتب احسن قالوا لا احنا دافعين عليك وقت التدريب وعقدك ثلاث سنوات كمل مدة العقد واتوكل واذا ماتبي تكمل ادفع مصاريف الدراسه اللي دفعناها عليك غير كذا دراستنا كانت بالانجليزي واجهزه متطوره ومادخلنا المعهد الا بعد اختبار قبول و و و في الاخير لما تقدم على جهه حكوميه يقولك الشهاده مو معترف فيها صح انه عليها ختم المؤسسة العامه للتدريب المهني بس مو مصنفه من ديوان الخدمه المدنيه
بس الكليه التقنيه دراستهم مشي حالك ومو متشددين وتخصصات كثيره متوفره وشهاده معترف فيها
زبدة كلامي ابعد عن المعاهد الاهليه واذا كنت صغير بالعمر كمل دراستك افضل واذا انك حول ال25 العسكريه افضلك
وفي الاول والاخير استخير وبالتوفيق ان شاء الله

يالغالي ياليت تقول لنا اسم المعهد الي بتاخذ منه الدبلوم
وموقعهم الالكتروني ومعلومات عنهم وهل سالتهم ان كانت شهادتهم
معتمدة من المعهد التقني او الخدمة المدنية ؟

كفييت ووفيت فعلا التدريب منتهي بالتوظيف جعل ايامك كلها سعاده ويرزقك من حيت لاتحتسب ردك هو الجواب الشافي جعلها بموازين حسناتك اخوي وبخصوص الي يسال ع المعهد بجده كبري القاعده تجيلها من جهه بريمان وهذا الموقعhttp://www.sauditourism.edu.sa/arprogram1.php