السلام عليكم

اشيروا علي ايه الاخوان فما خاب من استخار ولا ندم من استشار

عما قريب سوف اتقاعد وافكر ان اضع حقوقي التقاعدية والتي تبلغ في حدود 500 الف في مشروع يحفظ لي راسمالي وياتيني منه دخل بجانب راتب التقاعد لاني لو احتفظت به بالبنك لن يحول عليه الحول.
وفي خاطري مشروعين واذا كان لدى الاخوان غيرها فاكون لكم شاكرا.

المشروع الاول شراء ارض بحدود المبلغ المذكور وابني عليها استراحة عائليه للآجار اليومي
والبناء سوف اطلب قرض من البنك.

ثانيا شراء مزرعة بحدود 250 الف صغيرة المساحة بحدود 20 الف متر وعمل حظيرة اغنام وعنبر دجاج لانتاج البيض البلدي.

فايهما تشيروا علي به واذا لديكم مشاريع اخرى فعجلوا بها رحم الله واديكم وغفر ذنوبكم ووسع عليكم من رزقه

الارض افضل اكيد

عليكم السلام

كل المشروعين حلوه بصراحه
لكن المشروع الاول من عيووبه ( ان ممكن ما يتاجر على طول ويحتاج لمسبح وواي فاي مجانا وشغل اغراء كثير ))

المشروع الثاني من عيوبـه (( التصريف انت وشطارتك - امراض الدجاج والغنم - تكاليف الضرمه )) لكن رزقها واسع جدا

لكن ما اقول ذا علشان اخوفك بس الواحد يعرف ويش يواجه علشان يوم يغامر بفلوسه يعرف ويش مقبل عليه مو يكون بوضع احلام اليقضه واخرتها ينصدم فلازم تهتم بالعيوب غالبا وتشوف انت ويش نفسك فيه لو رحت مثلا استراحه ويش ودك يكون متوفر فيها نظافتها ملعب مسبح مشب نار الخ
طيب بعطيك فكرة الدجاج وانت احكمها وادعيلي


لنفرض انك قررت ان تدخل مشروع تجاره - الدجاج - والبيض البلدي - وعندك حوش او مزرعه او مستاجر حوش وعندك الرغبه في الدخول لهذا المشروع

متطلبات المشروع (( حوش - دجاج وديوك - ماء - حبوب - تطعميات - فقاصات في يدوي واتوماتيك ))

لنفرض تبي تشتري 500 دجاجه بسعر 14 كجمله ( لكل 8 دجاجات ) تقريبا وديك واحد هنا التكلفه بتصير
500 دجاجه * 14 قيمة الدجاجه = 7000 تقريبا و 500 ريال للديوك

على اقل تقدير لو كل دجاجه بالشهر جابت لك 15 بيضه

500 دجاجه * 15 بيضه = 7500 بيضه

الان عندك حالتين ي انك تبيع البيض الطبق 30 حبه بسعر 20 الى 25 او انك تدخل البيض في جهاز التفقيص وتنتظر للتفقيس - او تشتغل على بيع بيض بلدي - ودجاج يعني اثنين في واحد

واحد يقول ممكن 7500 بيض ما تفقص كلها ويفسد بعضها - اقول له صحيح خلينا نقول ان فسدة (( 2500 وبقي معانا 5000 )) وفقص واصبحت صيصان - الصيصان تكبر وتصبح دجاج ومن ثم تبيض
طبعا الصيصان في مراحل النمو تحتاج لاهتمام واناره وتدفئه ولقاحات
لكن الافضل بالبدايه انتاج صيصان ونلغي فكرة بيع البيض البلدي الين يكون عندك فائض كبير بالبيض هنا نبيع البيض

طيب التكلفه كم

7500 دجاج وديوك - الفقاصات على حسب ففي فقاصات تشيل الف بيضه تقريبا 1600 ريال وفي 500 بيضه بسعر 800 واسعارها مختلفه وصناعتها

البدايه فقاصه وحده تادي الغرض - مع الحبوب والتطعميات والحوش نقول 10 الاف ريال - وننتبهه من امراض الدجاج فوحده تعدي القطيع كامل


لو قلنا انتجنا بالشهر 5000 صوص في الشهر
ولمدة سته شهور 30 الف دجاجه ضرب 8 يساوي 240000 الف ريال
40 الف ريال نقول مصاريف 200 الف ارباح - طبعا لو البيع على 8 ريال فرضاً لكن ففي بعض الاحيان توصل الدجاجه الواحده الى 14 ريال ومستحيل تلقى بالاساس دجاج بسعر الجمله 8 ريال

اماكن البيع تكون (( مواقع حراج الطيور - امكانية التعاقد مع شركات الدواجن ))

التجارة الامثل جزاك الله خير و شكرا لمرورك وارائك

مفصول مؤقتا
بارك الله فيك ووفقك الله لكل خير وصرف عنك كل شر
وفرت علي كثير من الوقت والجهد لدراسة مشروع الدجاج
وعندي سؤال ايهما آمن وافضل تربية الدجاج او الاغنام
شكرا لك مرة ثانية وانتظر رأيك ورأي اعضاء المنتدى كذلك

لايوجد عندي خبرة بالتجارة ولكن ارى ان تجارة الاغنام افضل بكثير
وتجارة البعارين اللي طايحين فيها بعض الناس
وتجارة البضائع الي يستوردونها من برا هذي بعد فيها خير
انها تبي بضاعه مميزه ومحل وعماله
والله يوفقك يارب ومع هذا كن حذر من النصابين والمحتالين
لان مثل هالتجارة تريد حذر وتعامل مع ناس ثقات

أمين وياك والجميع ان شاء الله

بالنسبـه ايهم افضل مقدر افتي (( الاستخاره في هذا الموضوع افضل شيء لك ))

لكن انا لسى ما تعاملت مع موضوع الدواجن بس كنت افكر فيه منذ فتره بصراحه وكان يخطر ع بالي واهوجس فيه كثير بس كانت عندي المشكله الوحيده هي ان هل الشركات مثل فقيه والوطنيه راح تقبل دجاجي او لا = \

بس انا افضل انك تسئل عن الموضوع وتدرسه زين قبل لا تبدا تعرف عيوبه ومشاكله وهل انت قدها او لا ممكن ادخل احد من عيالك او اخوك معك في ذا المجال يصير تشرفون عليها مع بعض اسبوع لك واسبوع له في الاشراف

بس اكرر استفسر عن المشروع واعرف عيوبه وادرسه زين واستخير ثم توكل بالنسبه لأي مشروع

اما الاغنام من وجهة نظري هي حلوه لكن احس مسؤليتها اصعب من الدواجن لان بعض الاوقات تحتاج للترحال لمنطقه او ان تحتاج تصرف مبالغ للضرمه وغيرها ,, لكن بكل امانه اعرف كثير مرتاحين وعينو خير من موضوع الاغنام

الافضل قبل كل شيء الدراسه معرفة العيوب معرفة المشاكل سد الثغرات ذي ثم الاستخاره وتوكل ع رب العالمين

وان شاء الله الشباب يفيدونك بمشاكلها ان وجدت

بالتوفيق

الله يوفقك ، أهم شي لآ تصرف المآل كله وأدخل بجزء منه ،

لكن ياليت تعطيني موقعك ، ممكن أسآعدك

اذا تبي رايي عليك بالعقار بما انه طايح الحين شف اراضي نمار والمزاحميه رخيييصه

الله يوفقك ويرزقك رزق الحلال ولكن انا اشوف مشروع الدواجن اذا الله فكك من امراض الدجاج وداومت على التطعيمات بشكل منتظم فهو مشروع ناجح صحيح انه متعب في البداية ولكن بعدين صدقني من خبرة ناس اشتغلو فيه انه مربح جدا ً ونصيحه لك او لاي احد يود ان يعمل مشروع دواجن اذا اخذت دجاجك للحراج على شان تبيعه لا عاد ترده مع دجاجك في المزرعه الا بعد الكشف عليه لانه يلقط الامراض بسرعه من حراج الدواجن وممكن يفتك بدجاج المزرعه بسرعة فائقة

احترامي وتقديري