شر البلية مايضحك
من اول ليه تفصلون التربوي عن باقي الاقسام
اغلب المتخرجين والمتخرجات شهادتهم غير تربويه والسبب انتم
نتعب وندرس وبالنهايه شهادتي ماهيب تربويه
واذا ابيها تربويه ادرس سنه دبلوم تربوي
طيب انا اقدر ادرس ، لكن غيري مايقدر يدرس لكن محتاج الوظيفه
كيف يعني ،، مدري متى يصحى ضميركم
وتحسون ..
وعمركم ماراح تحسون دام انتم جالسين ع كراسيكم ومناصبكم
والتكييف فوقكم ..

الله يعيننا عليكم وعلى قراراتكم اللي ماتنتهي
وبالتوفيق للجميع

فقط من باب التعقيد

وفيه كثير مساكين مقدمين ولا يعرفون شي عن الأختبار

قرارات من روسهم أقل شي أرسلو أيميلات للمتقدمين عندكم علموهم بقرارتكم الفاشله

ما أقول الإ الله يرزقنا من واسع فضله

كل شي مبهم وغير واضح
ي مسؤولين ليتكم فعلا مسؤولين بمعنى الكلمه
وليتكم تدركون ان العاطل او العاطله
ماهم واحد ولا اثنين ولا عشره ..

ي رب الرزق بيدك سبحانك
وما على ارضك ماهم الا سبب

الله يرزقني واياكم ..*

أنا أكثر شي مقلقني انني ساكن بمدينة "غير رئيسية" بمنطقة الجوف و يا خوفي كل إختبارات التعيين ما تصير إلا في سكاكا (البعيدة) و أقعد أسافر رايح جاي لسكاكا !!
يعني أصير "ابن بطوطه" لكن حصريا في منطقة الجوف .

الله يعين ،، طبعا هذا الاختبار وفيه ايضا اختبار تخصصي ..

بسابق اختبرت اختبار وظيفي للمحاسبه هل راح يتم ايضا عمل اختبار اخر واختبره مره ثانيه !

اختبار السنه الماضيه (الاختبارات التخصصيه)مدة صلاحيته 3 سنوات واللي يختبر هالسنه(اختبار تخصصي) مره ثانيه ياخذون اخر اختبار وليس يختارون افضل درجه

لاكن السؤال المهم هنا كيف نعرف درجات اختبارات الخدمه المدنيه للمختبرين السنه الماضي ؟؟؟ حتى يعيد اختباره الذي حصل على درجه متدنئه

السلام عليكم
أنا قدمت لاختبار تقييم 1 وتخصصي من ضمن التخصصات الي مطلوبة فيها اختبار تقييم 2 لكن كيف اقدم في اختبار تقييم2 ,بالتوفيق للمجميع