افكار ونصيحة اقدمها لكم حتى تصلون لعمل يفيدكم

أحلام للتسويق · #1 (**permalink**) 16-12-2014, 12:54 PM

السلام عليكم ورحمة الله وبركاته

اسعد الله اوقاتكم بالخير والنور..

نصيحة اقدمها لكم وانا بدأت فيها وبدأت اجني ثمارها بفضل الله ..

وهي بدأت اشتغل اجمع الريال فوق الريال حتى احقق اهدافي بدلا اني انتظر وظيفه معينه ببالي معلقه عليها احلامي ومتوقفه حياتي عليها لو تمت راح اسوي كذا وكذا وكذا ..
وممكن يمر العمر وانا لا توظفت ولا اشتغلت وراح اندم واتحسر واقول ياليت سويت كذا وكذا..
لكن حاولت ومازلت اسعى اشتغل اشغال اخرى تساعدني بحياتي ع تحقيق بعض طموحاتي واعيش بسلام بإذن الله..

اختصار الموضوع انه نحاول نسعى نشتغل اي عمل ان كنت رجل لاتخجل من اي عمل
( وخلي ببالك العمل مو عيب )

ممكن :
- تشتغل توصيل مشاوير او معلمات وموظفات ع سيارتك هذي الشغله تحقق لك مصاريف يومك
لوترتبط مع كم موظفه بالشهر حلو + مشاوير
ممكن تجمع المبلغ وتقسمه نصين نص تستخدمه ونص تجمعو ..

-ممكن تشتغل بالتسويق بمعنى احد يبغى شغله معينه اعرض عليه انك توفرها له وتاخذ عموله ك مقابل وهذي سهله اي شي ببالك تبغاه تكتبه ع قوقل ويظهرلك اماكن بيع له + تبحث بالجرايد الاعلانية + تسوي لك اعلان بموقع تجاري مع رقمك والتواصل واتس اب لو ماتبغى ازعاج اتصالات..

-الاعمال ياكثرها المهم تخلي ببالك تقسم المبلغ نصين .نص تصرفه لاجل تحس بتعبك ونص تجمعو ع جنب او تخليه بالبنك وريال ع ريال يجمع..

**** والنساء ****
بحكم عدم خروجهم وصعوبتها غالبا كل عملهم عن طريق النت والواتس ووسائل التواصل الاجتماعيه:
- تسويق للتجار وتاجرات تاخذي بضاعه مثلا الشنط وتطلبي صور لها وكم السعر مثلا التاجرة تبغى 100ريال انتي زودي لك 30ريال لاجل تمشي معك .
حلوه الشغله وكل عمل يبغاله صبر ووقت بعد التوكل ع الله وبعون الله تتسهل ..

- هذي تصلح للجنسين /
ممكن تتواصل/ي مع اصحاب مواقع ومنتديات تساعدهم بالاشراف وتنزيل مواضيع لهم حتى يمتلأ منتداهم مواضيع براتب شهري لايقل عن 500ريال ولماتثبت نشاطك ممكن تطلب زياده..

وحاليا انا بدأت اي مجال يجي ببالي ما اتردد بالعمل فيه وللمعلوميه عملي فقط من البيت عن طريق النت والواتس اب . +
ك تسويق + واعلانات لمؤسسات + ومع التاجرات ..

صح اني مازلت ببداية الطريق لكن بفضل الله تعتبر الارباح حلوه رغم خفيفه واقسمها نصين نص اصرفه ونص اجمعو وتدريجيا احقق كل شي اتمناه مع كل مبلغ يتجمع لي اوفره بفضل الله ..

وفكره اخرى ممكن تفيدكم /
تعطي مبلغ لاحد خاصة نساء مثلا تسلم مبلغ 1000ريال لحرمه وتشتري بخور وعوده وتوله وتشتريها بسعر جمله وتبيعها والربح بالنص بينك وبينها ممكن بالبداية تترك لها المبلغ يتم تشغيله اكثر من مرة . وثالث مرة يتم التقسيم بينك وبينها وممكن هالمبلغ تقسمه نصين وممكن ماتاخذ منه شيء ويتم ادخاره وممكن يتم تقسيمه نصين نص تعطيه للحرمه ترجع تشغله ومبلغ تدخره..

حبيت افيدكم مثل ما اقوم فيه..
(( قاعده خليها ببالك صعود السلم خطوه خطوه))
لاتقول قليله / راح اتعب عالفاضي/ انا ابغى اتوظف احسن لي/ وتذكر كل رجال وسيدات الاعمال بدأو من الصفر بمبالغ صغيره وكبرو مع الوقت والصبر والاجتهاد والاستمرار والعزيمه بعد التوكل ع الله..

بالتوفيق للجميع يارب اخواني واخواتي.
اي استشاره حياكم الله نعين ونعاون ان شاء الله.

أحلام للتسويق · #2 (**permalink**) 16-12-2014, 01:01 PM

ونقطه كمان نسيت اوضحها لانبني احلامنا ع انتظار احد يدعمنا خاصة مانعرف بعض واحيانا مايكون فيه ضمان حقوق للممول ف صعب احد يسلم فلوسه لشخص مايعرفه.

ف اشوف الافضل كل شخص ينطلق للعمل بمختلف الطرق المشروعه وهو يجمع لنفسه لايقول عمري ماراح احقق هدفي لو اعتمدت ع جمعي .. بالعكس السنوات تمشي والايام سريعه انت تبدأ وبعون الله الله يسهلك الخير من حيث لاتعلم المهم تبدأ وتنطلق الى العمل ..

زاد الطالب · #3 (**permalink**) 16-12-2014, 03:02 PM

كلآم منطقيً. بعيد عن التكلفُ والتضخيم . بدآيه صفرية حتىٌ تصل لإعلى البرجُ

تأكدُ إن ثمرآت جهـدك لن تضيعُ إبدآ.. سيآتي يومأ تنفعكُ سواءُ في خبرآتك إو استشارآتك .. ايضا معارفك قد تختصر كثيرآ من الجهدُ...

كلآم جميـل يحسب لكـ .. فــآلك التوفيـق والنجآح

زرقا اليمامة · #4 (**permalink**) 16-12-2014, 03:08 PM

الله يوفقك على الموضوع المميز
الي احنا بحاجته مشكلتي هوايتي بالمشاريع الاكترونية
وهذي تطلب مني انه لازم اقابل اصحاب الاختصاص بنفسي
استعنت باحد الأشخاص وسرق وبالآخر وأيضاً سرق
ولكن اتاهم من الله مايستحقون ومن مصادر موثوقه
لانهم احتالوا على المخلوق ولايقدرون ان يحتالوا على الخالق
وجدت انسان طيب فاذا به تحل عليه مصيبه ويختفي وانا واثقه انها مصيبه لانه انسان فيه خير
طبعاً لازم انا اقوم بمشاريعي بنفسي صح
هوايتي بالمشاريع الاكترونية
وين اجد اصحاب المكاتب النسائية الي تهم التقنية حتى اقابلهم
والمشكله الي حولي مايفهمون بها

عضو ملكي · #5 (**permalink**) 16-12-2014, 03:14 PM

الله يعطيك العافيه

درب العز · #6 (**permalink**) 16-12-2014, 08:17 PM

أفكار وجميلة وبسيطة وتطبيقها ليس صعب

مشوار الألف ميل يبدأ بخطوة

مها السحيمي · #7 (**permalink**) 16-12-2014, 11:30 PM

يعطيك العافيه

ررند · #8 (**permalink**) 17-12-2014, 02:32 PM

اشكرك من كل قلبي
كلامك جدا رائع ومحفز اتمنى لك الوصول الى اعلى الدرجات في الدنيا والاخرة

وبالنسبة لي حاليا اجمع افكاري للتشيز كيك واتمنى من الله التوفيق

واشكرك على تحفيزي للممشروع الصغير والله يقدرني ابدا فيه بداية طيبه