السلام عليكم

عندي استفسار .. اولا انا ارمله وعندي طفلين .. حصلت لي وظيفه ب 3000 مع تامينات وموارد ..
الي ابي اعرفه هل لو دخلت الموارد تنقطع عني المقطوعه وتنقطع الضمان نهائي ولا يبقى اعانه لعيالي وانا الي ينحسم مني الاعانه !!
وهل المقطوعه تنقطع ولا تستمر لعيالي !!!
مع انو بامكاني اشتغل هذي الشغله بدون موارد وتامينات لاكن وقتها بيصير الراتب 1500 ..
محتاره اقبل بالالف وخمس ومع راتب الضمان والمقطوعه تبقى .. ؟ محتاره بس اذا المقطوعه ما تتوقف انا راح اقدم عليها مع التامينات

انا ودي رحت لضمان واستفسرت بس ماعندي وقت ارجو افادتي ..

هلاا ي اختي ..
وعليكم السلاام ..
لا والله ي اختي خليك ع الضمان و 1500 احسن لك الوظيفه ماهي مضموونه بس الضمان مضمون ..
والله يكتب لك الخيررر ..[align=center][/align]

كيف ماهي مضمونه ؟


^^ محد عنده اجابه على استفساراتي ! المقطوعه تنقطع ولا تستمر لعيالي !

التامينات تمنع المقطوعه هذا شي معروف واذا عرفو انك موظفه بعد يقطعون الراتب عنك

بس عيالك ايتام ما اظن لهم علاقه فيك لان بس اسمك بالتامينات انا عيالك اتوقع تستمر بحكم انهم ايتام

ما اظن لعيالك ولا لك انتي مقطوعه لان المقطوعه لها سن معين يجي من يفيدك

انا استلم مقطوعه .. كيف مالي .. انا استلمها من زمان ومالها سن معين المهم م بعد عمر ال 18 ..

اعرف واحد قدم على المقطوعه مستحق طبعا ولقوه بالجهاز بالتأمينات قالو له اول شي نزل اسمك عشان نسجلك بالمقطوعه اللي اعرفه بعد وكثير اسمعه ان التأمينات تمنع المقطوعه


يعني توظفي نصيحه بعد المقطوعه لان مجرد تسجيلك بالتأمينات راح تاخذين فتره طويله عشان ينزل اسمك منهم

يعني اذا قدمتي استقاله يمكن تقعدين شهرين عشان ينزل اسمك من التأمينات هذي صارت لي ولناس كثيره

اتوقع المقطوعه تجي لعيالكككك بحكم انهم أيتام يعني راح تجيهم

ممممم الي فهمته انو المقطوعه لعمر معين وعيالي عمرهم لسى صغير فاحتمال مايكون في مقطوعه .. او يمكن مقطوعه بس ببلغ قليل .
لانو المقطوعه للفرد كارمله او مطلقه 10 الاف وانا تجيني 13 .. هذا يعني انهم حسبو عيالي ..

يقطع هالتامينات ياخي المفروض مايحطون تامينات اذا الراتب مو ذاك الزود

الله يرزقك من واسع فضله اذا تبين نصيحه التامينات يستغلون السعوده فقط عشان يستفيدون من اسم المواطن

يعني راتب الضمان والمقطوعه المضمونه باذن الله افضل بكثير من القطاع الخاص والله ان كل مرمطه وبهذله وراتب خصم على كل دقيقه وبالنهايه راح تتعبين منهم نفسيا خلك بالضمان افضل

وجمعي شهادات علميه ودورات وقدمي وظايف حكوميه بس لانها مراتب وراتب شهري واستقرار اما قطاع خاص نصيحه بعدي عنه