البنت غلطتها بعشرة ملايين

رميزان · #1 (**permalink**) 30-08-2008, 04:21 PM

قال الهبيري يوم ينظم للابيات******ويقول يابنت الشرف لاتضيعين
الغرب لايغويك بين القنوات*****اللي يبونك للمراقص تروحين
ويقولك خوذي على الفن دورات*****ويقول حريتك لازم تهزين
انتي عفيفه والتغطي لك اصفات*****وحمايتك من شر ذولي تغطين
لاتغرك الموضه وتقليد عادات*****وحذرا من الاسواق فيها تمشين
اللي بها الفتنه وتعليق موضات*****اللي بها تندس روس الشياطين
ترا الغلط مايفيد جبره اليا فات*****والبنت غلطتها بعشره ملايين
واهم شي يابنت فعل الصلوات*****تنعاف بنت ماتربت على الدين
والزوج لايصيبه من احيلك حيلات****حذرا من اعناده ولاامره تعدين
اللي بعصيانه ترا تحل لعنات*****لايعتلي راسك عليه وتغلين
ولوالدك منك المبره وخدمات****والام طيعيها ابما تستطيعين
وحذرا من الجوال في حلو الاصوات****ولذيابة الحب العمى لاتطيعين
واحذرك من دخلة النت والشات****الا بعقل يعرف الزين والشين
واسمع ازيادة شر بعض الاشاعات*****قالولي انك بالشوارع تسوقين
صدمة خبر ماتنهضم يافتيات*****مار احذرن قبل المصيبه لنا تبين
ويابنت للشيمه اسلوم وعلامات****والامر لوجانا فلا فيه ترضين
وشلون لوسقتي بزحمة ولفات*****وإلاتعطلتي وقمتي تدفين
ومع عسكر النقطه لنظرتك نضرات*****لازم يطلعلك خطاك وترجين
لومانت مخطي طالب منك الاثبات*****لوهو لاأجل صورتك في خدك الزين
وصلاة ربي عد ماتقرا الايات*****واعداد مايمشي على الارض ماشين
واعداد من خلقوا مع اعداد من مات*****واعداد مايركع لربي مصلين
على نبي خاتم للديانات****وارسل لخلق الله وحظ المسلمين

الشاعر خالد الهبيري