السلام عليكم ورحمة الله وبركاته
اخواني الأفاضل
حبيت استفسر منكم وأخذ رأيكم مشورتكم عن محل تلميع ساطع للسيارات عرض علي به عاملين مع تاشيرتين من الفلبين
المكان موجود داخل محطه في منطقة الدمام وبجواره محل بنشر وغيار الزيت وكهربائي سيارات . صاحب المحل لديه اعمال اخرى وغير متفرغ له. طالب مبلغ 200000 ريال وايجار المحلات يستحق بعد شهر اربع فتحات بمبلغ 120000 ريال سنويا
انا راح اختص حاليا بالتلميع الداخلي والخارجي تقريبا والتظليل في المستقبل
وانا جديد على الشغله هذي يعني لست خبيرا
بس ابي اجرب حظي فيها
والله يرزقنا وأياكم من واسع فضل

عليكم السلام ورحمة الله وبركاته

أخي الكريم أولا هل مبلغ التقبيل المطلوب يوازي تجهيزات المحل وهل موقعه من وجهة نظرك يستحق أن تدفع فيه هذا المبلغ ..

كمشروع فهو جيد ومرغوب خاصة من فئة الشباب وأرى قبل أن تخاطر أن تراقب المحل من بعيد لعدة أيام وترى أقبال الناس عليه سواء صباحا أو مساء وأيضا تسأل أصحاب المحلات المحيطين به وبعدها تقرر . وفقك الله ويسر لك أمرك ... وجهة نظر شخصية أحتمال خطأها أكثر من صوابها وأن شاء الله يفيدونك أهل الخبرة فيه .

وين ردي اللي قبل شوي **


المهم الله يرزقك اول شي انا افضل انك تاكل العنب حبه حبه ليش مستعجل ومبلغ 200000 ميتين الف جامد

احتمال تخسر وش تستفيد يضيغ مبلغ كذا بدون تخطيط وضمان ربح المشروع لو نسبه 50 بالميه اقل شي


انا اشوف انك لا تستعجل صل واستخير ربك الافضل تسوي مشاريع صغيره سوبر محل خضره
بوفيه محل كهرباء وسباكه بروست مطاعم سريعه كوفي مكتبه طلاب

اشياء خفيفه ما تكلفك 100 الف اما اذا كان عندك راس مالي قوي وتقدر تعوض الخساره

اقول لك توكل على الله في هالحاله هذي


للاسف كثير سعوديين وسعوديات يجازفون بمبالغ مرتفعه وبالنهايه يخسر قليل من تزبط اموره خصوصا اللي ما عنده معرفه بالسوق واختلط بالعمال اللي هم اساس السوق العماله يقدرون يشغلون اي محل انصحك خلك مع العمال اللي لهم خبره بعد واستشير منهم لو بفلوسك بالتوفيق لك