لا اله الا انت سُبحانك اني كنت من الظالمين .

انا انقبلت مبدئي وسحبت على موعد المقابلة والحين ودي أبكي من القهر ! الله يوفقكم إن شاءالله

[align=center]السلام عليكم ورحمه الله وبركاته
ابقولكم كل شي من الفحص لين المقابله والباب .
المهم انا كان موعدي يوم الثلاثاء الي راح
جيتهم 7 ونص ههههههههههه متاخر الف ومرسم .
قالي العسكري متاخر ولابس ثوب تعال بكره ببدله
فيه واحد من الزكرتاويه الي عندي قال ياولد رح بثوب وازهل تراها بس مقابله
المهم جيتهم الربوع ببدله اي بدله مب لازم ازرق وابيض وشعرك مب لازم تحلقه
المهم جيت وجلسونا واخذوا الملفات تدقيق , يعني الي مالف ف الموقع يحجرون له
بس مافي ذاك التحجير يمشون , المهم تنتظرون الباص ويوديكم على 7 ل مستشفى نسيته الزبده مستشفى صغيرون المهم تفحصون فيه اول شي , يعطونك ورقه فيها اسئله وتجاوب بنعم او لا
اسئله هل عندك مرض معين ؟ هل انت مدخن وزي كذا المهم كلها لا ياشنب =))
بعدها تروح عند مكتب ياخذ الورقه وصوره لك , طبعا ياخذون عند تدقيق الملفات 3 صور
وصوره , المهم تعطيهم ف المستشفى ويقولك رح
تروح لغرفه تبديل الملابس وتفصخ كل شي الا السناوي =)
المهم بعدها تحليل البول الله يكرمكم , طبعاً الحمامات بدون بيبان وبدون مويه =)
تخلص وتعطيه العلبه بعدها على غرفه ويقيسون الظغط ووذا
بعدها على فحص الوزن والطول , لازم يتناسق وزنك مع طولك
كثير رسبو عشان الوزن , المهم اذا وزنك نحيييييف مررررررررره ولا متين مره يعطونك مهله
انا خويي نحيف 9 كيلو ! عطوه مهله لين اخر الشهر 29/3 انه يزود وزنه حتى لو 5 كيلو والباقي تمشي
بعدها تروحون على النظر طبعاً انا رسبت =) بس مشوني ولله الحمد
يخليك تقرا اخر سطرين واللوحه بعيده شوي , ومسموح تجي بنظاره لكن بتفكها وتفحص بدونها =)
المهم بعدها على غرفه الاخصائي العام
كان فيه دكتورين واحد يفحص فحص اليم والثاني يمشي =)
الفحص الاليم معروف مايحتاج اقولكم هههههههههههههههه
الثاني انا طبيت عنده جلس يسولف سلكت له وقالي روح بدون فصخ وبدون خرابيط < توه يقول منب قايلها ههههههههههههههه بعدها ياشنب على الباص وترجع عندهم اختبار من 5 اقسام رياضيات والطقه وعربي واشكال وحركات
20 دقيقه القسم الاول والثاني زيه الثالث 15 دقيقه والرابع 10 دقايق والخامس انجليزي 70 دقيقه =)
طبعا الاختبار تحديد مستوى وتسليك =) يعني مافيه رسوب , واانا وقتها نفست وزقت خلاص ابي اطلع الفت لهم ومشيت ,
طلعنا على اذان العصر محدثكم من 4 الفجر محضر عند المعهد =)
اليوم الثاني اشعه + سحب دم 3 علب + اختبار لياقه + مقابله شخصيه .
اول ماتجي اليوم الثاني تروح عند الي يدققون البيانات تعطيه رقم التسجيل الي هو اخر 4 ارقام من تسجيلك
بعدها تنتظر الباص ويجي ويوديك على المجمع الطبي < سواق الباص اذا الحكمي انسان مطنوخ وفلاوي =)
المهم تروحون وتنتظرون لين ينادونكم طبعاً بيرتبونكم واحد واحد
تخش فحص الاشعه يقولك يامدير احضن ذا =)
وتحضنه < بااااااااااااااااااااااااااااارد هههههههههههههههههههه
ويصورك ويقول خلاص رح بعدها تنتظر لين فحص الدم
حنا اليوم تاخر فحص الدم وقروشه واخرونا المفروض نرجع 9 رجعنا 11
المهم فحص الدم 3 علب الفلبيني لاحد يجي عنده مايعرف شيء
والسعوديين حتى , واحد من الي عندنا دخل السعودي الابره فيده ثم جا الفلبيني يقوله لا لا مكانك غلط طلعها ورجعها هههههههههههههه عيال الذين ماخذينا تجربه
المهم بعدها تفطر طبعا ماتطلع قبل مايطلعون كلهم ويقولكم السواق مشينا
بعد الدم تجلس تفطر بعدها يقولكم مشينا وتروحون الساحه يعطي المدخنين 5 دقايق روقان ويقول مشينا
بعدها ترجعون المعهد يجي فحص اللياقه
المدرب زكرتاوي يقول انا مابيكم تسوون 20 ولا 30 ابي بس تقنعني انك انسان رياضي =)
طبعاً ظغط + الي تشد البطن ؟ ماعرف اسمها هههههههههههههههه
الزبده الي تنسدح ويجي واحد يمسك رجلك وانت يدك وراء راسك وترفع نفسك المهم
بعدها تنقز من مكانك لقدام هو يقول اطول مسافه بس انا نقزت نقزه ابو ريالين ومشاني هههههههههههههه
المهم ظغط تسوي 10 بس والثانيه نفسها 10
الظغط ماتكلم بدري سويت 15 شوي وتجيني جلطه يوم بوقف قال خلاص خلاص انا نسيت اقولكم 10 بس =)
بعد اختبار اللياقه تروحون ع المقابله , طبعاً كلهم رتب اقل واحد يجلس معهم نجمتين , المهم يكونون 4
طبعا سواق الباص قالنا اول ماتخش تقفل الباب وراك وتنتظره يقولك اجلس وتجلس
المهم دخلت انا نسيت اقفل الباب من الحماس ههههههههههههههه
قال قفله قلت ابشر قفلت الباب قالي اجلس وتحدث عن نفسك طبعاً سهله مايبيلها ترتبك انا خذيتها بطقطقه كانك جاي تفحص بس وانت ضامن وظيفه ثانيه راتبها 30 الف هههههههههههههههههه
المهم قلتله خالد مواليد كذا العمر كذا نسبة الثانويه والقدرات والتحصيلي وبس
بعدها سواليف وطقطقه =)
حاول تختصر وماتفلها معهم انا فليتها وحجرولي ههههههههههههههههههه
قال عندك مخالفات ؟ قلت انا رجال ماعندي رخصه ولا سياره وبيتوتي من البيت للمسجد ومن المسجد للبيت
بعدها قال كم اجزاء القران قلتله ماعرف
حاول ماترتبك قالك شي ماتعرف عنه قول ماعرف لا تسوي الولد الي واو قلتله ماعرف
عادي ماتعرف قوله المهم بعدها طقطقه شوي وشطحات غبيه
زي يقولي الحين شنبك صابغه ؟ ولا كيف جلست اضحك واقوله لا معليك اصلي الاصلي ويضحك
بعدها عاد تطلع وتسري بيتك زيي الحين وتحاول تعطيها نومه حقت سنتين قدام =)
ايه نسيت اقولكم يعطونك قبل المقابله ورقه توديها للاحوال يطلعون برنت
طبعاً على حسب وين طلعت بطاقتك طلعتها ف الدمام تروح الدمام طلعتها ف تبوك تروح تبوك المهم المكان الي طلعت منه بطاقتك وتحاول توصلها , لان عندك مهله اسبوعين اذا رحت تبوك مثلاُ نقول تبوك ؟ مافيك حيل تروح وتطلع البرنت وترجع الظهران وتعطيهم وترجع تبوك لا تروح تبوك تطلع البرنت ترسله من البريد السعودي رقم البريد يككون ف الورقه يعني لاتشيل هم , وبس
والله يوفق الجميع هي صعبه الدراسه والحبسه وكل شي ؟ بس بعدين بيفكونك على فرحه وعلى رتبه وعلى راتب ولله الحمد ودوام افتلال , الله يوفق الجميع ويوفقنا دعواتكم بالتوفيق لنا . [/align]

التقديم فيه مفتوح طول السنه ؟ وهل يقبلون كفاءة ؟