السلام عليكم
انا فتاه سعودية فنانه في الطبخ بشهادة كل من اكل من يدي ومو بس الطبخ السعودي كل المطابخ العالميه ياما تمنيت يكون في مطاعم للبنات واعمل فيها ...
وتمنيت انو يسمحو بالكليات والجامعات ويعطونا مجال للعمل وراح ينبسطوا اكييييييد مني
ونا متاكده انو كثير بنات فنانات مثلي .
يلييييت الي عنده فكره لي انو لايبخل علي او يوجهني لانو من زماااااااااااان ونا احب الطبخ انا من مدينة جده طبعا جده معرووووووفه الواحد لو سوى بسطة اندومي ولا بطاطس مقلي كسب فيها لكن
للرجال فقط
حبيت اقلكم كمان انو اعرف اسوي اي اكله باي مطعم من المطاعم المشهوره بمجرد مذوقها وفحصها اعرف اسويها ... ياااااااااارب تتفاعلو معي وشكر

ماشاء الله عليك اختي سهر

طيب شوفي بما انك فنان في الطبخ وعندك حس مبدع في الطبيخ
ابدئي من داخل البيت وروجي على نفسك في المدارس والحفلات والنت 0000الخ

وبكذا يكون تشتغلي وانت في البيت
ماشاء الله تبارك الرحمن عندنا بمكة بناتت يشتغلوا كذا وماشاء الله بيكسبوا خير وخصوصا من المعلمات
وترى هم مو محتاجين ابدا بس عندهم هواية الطبخ امثال بنت المشاط والدهلوي (اكيد تعرفي هالعائلتين بما انك من الغربية )

قبل فترة شفت اعلان وحدة في النت مغربية في جدة تعمل بوفية مغربي للحفلات ب1500

اعلني عن نفسك وصوري اطباقك وهالله هالله بالتصوير والحركات وحطيها في كتالوج والاسعار و وزعيها على المدرسات وحتشوفي خير ان شاء الله0000000


وبعدين بعد ماتثبتي نفسك وتكون لك زباينك فكري بالخطوة الثانية ...


اتمنى لك التوفيق والسعادة يارب

الله يسلمك واشكرك على فكرتك

اذا تقدرين سوي تتزين للطبخه.. وابتكري حركات جديدة بالزيين..

وصوريها..

كذا طبق بصور جميلة للاعلانات..

وحتى الاعلان سوي له تصميم جذاب..

وفخم..


وانشرية بالنت..
وبالمحلات..


واذا عندك سواق وفيك ترسلينه لبيت اللي طلب منك.. اكتبي التوصيل للمنازل...



وحطي رقم جوال غير جوالك ..

الله يعطيكي العافيه كنت شايله هم كيف توصل وعلمتيني

ما فكرتي سهر بفتح مطعم أو محل صغير تعملين فيه

وتوردي اكلاتك فيه ؟؟؟

اتمنى إنك تفكري في الفكره ومارح تخسري شي إذا فعلاً أنتي طباخه ماهره وفنانه

وبالتوفيق لك

طيب شي حلو والله يوفقك

عندكم بالغربيه اشهر مطعم يعمل البروستد بالعالم كله الا وهو البيك

اذا قدرتي تعملي زيه راح اشتري الخلطه منك بمقابل مادي ..


( تم تجربة معظم الخلطات الموجوده بالنت ولافائده تذكر )