السلام عليكم ورحمة الله وبركاته
انا من مستفيدي الضمان الاجتماعي
وارغب في اكمال دراستي ما بعد الجامعة هل يحق لي ان اطلب قرض لاكمال دراستي او هناك استثنائات لمستفيدي الضمان بمنحة داخلية لاكمال دراستي العليا ؟؟
او تشملني خدمة الزي المدرسي حيث تساعدني على دفع مصاريف الجامعة التي سوف التحق بها لانها جامعة اهلية / علما بان معدلي عالي جدا وحاصلة على مرتبة الشرف ارجو الرد لا هنتو

معقولة محد عندة خبر
؟؟؟؟؟؟؟؟؟؟؟؟؟؟؟؟؟؟؟؟

الضمان ترى ماله علاقه بمنح الدراسه , فيه جامعات ومعاهد متعاونه مع الضمان بحيث يطلبون من الضمان اثباتات ان المتقدم من مستفيدي الضمان علشان يسقطون عنه الرسوم والا الضمان ما يعطي شيء
كذلك المعاهد والجامعات مقتصره على البكالوريوس اللي بعده ما يساعدون .

شكرا على الرد
طيب لو بغيت قرض علشان اكمل هل يدعمني الضمان؟؟

^^
للاسف لا
اصلا زين انه يعطي البعض اعانات

اهلا اختي
الضمان لايقدم قروض سوى قرض ا الاسر المنتجه وهو ان يكون لديك مشروع والمبلغ الذي يقدمه من 15 الى 30000 ريال ومدته من شهر الى شهرين يكون بحسابك وهناك موضو ع مثبت بامكانك اللاطلاع عليه

فيه بالضمان خدمه وظفني قدمي على وظيفه عن طريق الضمان او تابعي المنتدى ان شاء الله تحصلين وظيفه
الله يرزقك ما يعطي الضمان قروض جامعيه للدراسات العليا بس ممكن تقدمين عن طريق الديوان الملكي وتطلبين منهم مبلغ حق دخول الجامعه وتكاليف الدراسه او عن طريق الاماره جربي حظك الله يوفقك

اخوي انا عاطلة ومع الاسف جامعية وعمري اربعين عجيوزة يعني وما زلت استلم اعانة من الضمان 860 بالله وش تسوي ولا وظيفة ولا شي قدمت في برنامج وظفني علق معي الجهاز وحدثت الصفحة طار رقم الطلب وحاولت اكثر من طريقة استعيد رقم طلبي بدون فائدة
ومن زمان نفسي اكمل ماستر ولي رغبة في الدراسة خصوصا اني شهادتي ممتاز مع مرتبة الشرف لكن مافي تخصصي رياض اطفال الا في جامعات اهلية قلت يمكن يدعمني الضمان لكن يظهر اني بعيش على 860 طول عمري وربي الي يرزق خصوصا ان الجامعة معد تاكلنا عيش / شهادتي ابشركم مبروزة في المطبخ مطلقة وعاطلة مع مرتبة الشرف ودمتم سالمين

^^
الله يعينك يا امي
نظام حقير , اسلام بلا مسلمين , نفاق وظلم واكل بالباطل , خليها على ربك بس

الله يرزقك ويوفقك كملي ماجستير موازي وعن بعد عن قريب راح يبدا التسجيل بجامعه الامام وبعض الجامعات راح يبدا فيها التسجيل للماحستير الموازي وراسلي الديوان الملكي كلامك سليم ان شاء الله يقرون كلامك ويتغير النظام كله بصالحكم