الله يعينك عدل مهنتك وسجل تامينات اما مشكله كرامتك والاهانه هذي قدم شكوى الى مكتب العمل

يهينو كرامتك ويقذفوك في شرفك وتجي تبكي عندنا بالمنتدى !!

ماتوا الرجال

واضح اخي وبلا زعل انك ضعيف شخصية

ترا الراتب الي تاخذه الف شركة تعطيك مثلة اكثر وش فيك انت

اجل لو هم معطينك عشرين الف كان شكلك صرت تنظف بيت البنقالي


عمر الفقر مايخلي الرجال يخنع لاحد وبنقالي بعد ....هزلت

نصيحتي لك دور عمل ثاني وعدل وضعك بالاحوال وترا انا كنت مثلك عسكري وطلعت من العسكرية وعدلت مهنتي بيومين ومن شركة لشركة وكلهم اوسخ من بعض وسوى فيني مناكح يبلي مجلدات عشان اكتبها هنا

واخرهم شركة مشهوره توظفت معهم ثلاث شهور بدون تامينات دوامت شهر وحاولوا يعملوا معاي حركات مثل الي صارت معك ...وحمرت لهم العين وبلاخير صاروا يساومني عشان اخلص الموضوع بدونمشاكل فطلبت راتب الشهرين مقدم واخذتها ومشيت وحاليا عندي عرضين من شركيتن مختلفين وجالس افكر



المختصر لاتكن ضعيف الشخصية فيستهين بك من هو امامك

انتم وش تقولون جايين تساعدون ولا جايين اتشمتون الي يقول ماتوا الرجال والي يقول ضعيف شخصيه ياخوي منب ضعيف شخصيه ولانب ناقص يد او رجل يارب لك الحمد ومعي لساني يدافع عن بس وش أسوي قدمت على اكثر من شركه وكلهم يبون تامينات بدون تامينات يقول ضف وجهك

وبعدين يالي تقول وزارة العمل يعني وش قايل الديوان الملكي مثلا قسم بالله ماعندهم الا الدجه رحنا نطالب انا والي معي السعوديين برواتبنا كامله و يومين اجازه بالاسبوع واجازة العيد قال جب العقد واذا انت موقع على 3185 ريال ويوم واحد بالاسبوع فمالنا دخل بك ولا نقدر نطالب الشركه والمشكله ان الشركه العقد هي الي تقوله من راسه ولا بعد عاجبك ياهلا ماعجبك اقضب الباب

والله شوف ي اخوي اذ ع كلامك انهم قذفوك وطعن بشرفك تقدر تروح المحكمه وترفع قضيه عليهم .
روح للمحكمه وارفع قضيه قذف واسعى لـ مكتب العمل لا تجلس كذا اثبت لهم انك غير ي شباب الرجال م جاء هنا الا يبي نساعده ومثل م قلت لك ي صاحب الموضوع لا تخلي كلام الناس ياثر عليك انت رجال وكفو ونعم الرجل لانك صابر لجل ام عيالك ومثل م قلت لك روح ارفع قضيه عليهم وروح لـ مكتب العمل ارفع شكوى وصدقني خذ الامور تساهيل وراح ينحل كل شي واصبر انت اقوى من كذا كثير مرينا بظروف م بعلم فيها الا الله .

واعتذر ع الاطاله وموفق ان شاء لله .

ارفع ايدك لرب الارباب , لموزع الارزاق ,

ونصيحه لا تسكت عن شرفك لو بيفصلونك

وأذا تبي تشتكي قابل امير المنطقه واشرح له كل شئ بياخذ حقك كامل
بس حاول توثق كلامك بدون ادله وبراهين مابتستفيد شئ

هنا مااعتقد احد يفيدك
الله يوفقكم جميعا

اتمنى لك التوفيق اخي وهذا حال الدنيا

لسان البنغالي ومديرك اطعم والذ من لسان الفقر والعطاله ..طالما انها لقمه حلال الله يوفقك

عدل مهنتك ورتب امورك اخي

عزيزي اسف اذا كلامي ضايقك

ولكن خذها كلمة من واحد لف على شركات القطاع الخاص وعرف وش وضعها بالضبط



مايعيش في الشركات الا 2 ياواحد منافق وملعون صلايب

او واحد يشتغل وشخصيتة قوية وماعلية من احد وفاهم النظام زين ويلسعهم بلسعة يعرفهم ان لحمة مر وبعدين بيتعدلون معه


اذا كنت غير هالنوعين فصدقني بيصير لك مثل الي صارلك ولو رحت عشر شركات غيرها